Dərsə gedən bir uşaq

Şəhid Elnur Məhərrəmovun əziz xatirəsinə

Dərsə gedən bir uşaq

Ali məktəbə girdi.

O, gələcək quracaq:

Evdəkilər sevindi.

Oxuyur ödənişli.

Kirə, təhsil, ac qalmaq -

Evə necə deməli?

Dərsə gedən bir uşaq

Dözməyib bu təzyiqə.

Təhsili donduraraq,

Geri qayıtdı evə.

Dərsə gedən bir uşaq

Getdi səngərə sarı.

Düşməndən qoruyacaq

Evində yatanları.

Bapbalaca bir əsgər

Bir vaxt dərsə gedərdi.

Kredit ödənməsə,

Oxumaq da hədərdi.

Bapbalaca bir əsgər

Odlu silah əlində.

Təhsili oldu hədər -

«Belə yaxşı, bəlkə də» -

Deyir özünə tez-tez.

Gələcəyə ümidli.

Əsgərin dostu — giliz,

Dərdi — ev həsrətidir.

Bəlkə istədiyi var? -

Hələ gizlədir evdən?

Bəlkə qurur xəyallar?...

Güllə dəydi gəfildən.

Və son… o, öldü belə.

Yenə yağır gözyaşı.

Azaldı bir tələbə:

Çoxaldı bir baş daşı.

Görən hansı haləttə

Bu ölümlə barışaq?

Dərsə gedir Cənnətdə,

Dərsə gedən bir uşaq.

Cavidan Hacıyev

Kayzen