Dəli bir ağlamaq keçir könlümdən | Nüsrət Kəsəmənli

Yüyürüb, yüyürüb dərə boyunca
Düşüm çəmən üstə qoy üzüqoyulu
Öpüm bu torpağı, öpüm doyunca
Üzümə üz qoysun hər soyuq daşı

Qoy şehə qarişsın gözümün yaşı
Qurumuş budaqlar içir könlümdən
Dəli bir ağlamaq keçir könlümdən...

Dəlisov küləklər əsir könlümdən!
Elə kövrəlmişəm, bilmirəm nədən
Dəli bir ağlamaq keçir könlümdən
Dəli bir ağlamaq keçir könlümdən...

Baxıram dünyanın bu gərdişinə,
Dəli bir ağlamaq keçir könlümdən
Fələk rəvac verdi namərd işinə,
Dəli bir ağlamaq keçir könlümdən....

3 şərh

ayxansevda
kimin şeiridi bu xatırlaya bilmədim?
kurdamir
Mövzu Əladır.Amma şeir qısa (Az) yazılıb.
 
istorik_c

DELI BIR AGLAMAQ KECIR KONLUMDEN — Ali Mustafayev

Baxıram dünyanın bu gərdişinə,
Dəli bir ağlamaq keçir könlümdən.
Fələk rəvac verdi namərd işinə.

Dəli bir ağlamaq keçir könlümdən.


Torpaqda haqqı var axan qanın da.
Bir nərin golları düşüb yanında.
Müqəddəs Şəhidlər Xiyabanında.
Dəli bir ağlamaq keçir könlümdən


Yanmadım ömrümdən keçən illərə, 
Baxıb məzarımda solan güllərə ,
Söykəyib üzümü qərənfillərə 
Dəli bir ağlamaq keçir könlümdən.


Dünyanın sükutu bu daş qəfəsdə, 
Köksümdə qövr edib hıçqıran səsdə. 
Toy libası geymiş bu qəbrin üstə, 
Dəli bir ağlamaq keçir könlümdən.


Mənası bir imiş toyun, yasın da, 
Bu qara zülmətin ağ libasın da. 
Durub haqq evinin astanasında 
Dəli bir ağlamaq keçir könlümdən.


Bu qəlbim ovunmaz sınıq saz kimi, 
Dərd də gülə-gülə gəldi, yaz kimi ,
Allaha, Tanrıya etiraz kimi 
Dəli bir ağlamaq keçir könlümdən