Qorxu hücumu olaraq da təyin oluna bilən panik atak, real təhlükə olmadığı halda insanın özünü təhlükəli vəziyyətdə hiss etməsinə, həyəcanla reaksiya verməsinə və qorxu hiss etməsinə səbəb olan psixoloji vəziyyətdir. Anidən meydana gələn və zaman-zaman təkrarlanan bu vəziyyət insanın özünü sıxıntı içində tapmasına səbəb olur.

Bir çox insanın həyatında bir və ya iki dəfə panik atak keçirməsi normal sayılsa da, təkrarlanan panik atakları və bu təcrübəni yenidənyaşayacaqlarını düşünmədən dura bilməməsi panik pozğunluğu olaraq təyin olunur.

Cəmiyyətdə təxminən hər 100 adamdan 3-də rast gəlindiyi düşünülən bu pozğunluq, simpatik sistemin işə düşməsinə və «qaç ya da döyüş» reaksiyasına səbəb olur.

Panik atakın ən böyük xüsusiyyəti onun nə vaxt başlayacağını və nə vaxt bitəcəyini təxmin edə bilməyin mümkün olmamasıdır. Qəfil başlayan qorxu adətən ilk 10 dəqiqə ərzində pik həddə çatır və orta hesabla 15 dəqiqə ərzində sona çatır. Qadınlarda kişilərə nisbətən daha çox müşahidə olunur. Bir çox digər psixi pozğunluqlarda olduğu kimi, panik atakın da dəqiq səbəbi tam aydınlaşdırılmamışdır. Bununla belə, vəziyyətin həyatda travmatik və ya çox stresli bir dövrlə, məsələn itkin düşməsi və ya beyindəki neyrotransmitter balanssızlığı və ya oxşar amillərlə əlaqəli olduğu düşünülür.

Panik ataq diaqnozunu ancaq öz sahəsində mütəxəssis olan psixoloq qoya bilər. İlkin olaraq xəstənin anamnezi götürülür və lazımi fiziki müayinələr aparılır. Panik atak diaqnozu qoymaq üçün birbaşa laboratoriya testi yoxdur.

Panik atak müalicə edilə bilən və tam sağalan vəziyyətdir. Bunun üçün mümkün qədər tez bir zaman psixoloqa müraciət etmək lazımdır. Tibbi yardım olmadan panik atak arta bilər və öhdəsindən gəlmək çox çətin ola bilər. Panik atakların əsas müalicəsi psixoterapiya və dərmanlardan ibarətdir. Psixoloji müalicə zamanı bilavəsitə terapevtlə məsləhətləşərək terapiyadan faydalanmaq olar. Bu vaxt xəstəyə panik atak zamanı necə reaksiya verməsi, nə düşünməsi izah edilə bilər və sakitləşməyə kömək edəcək tənəffüs texnikaları terapevt tərəfindən təklif edilə bilər.

Panik atakla mübarizə aparmayın

Mümkünsə olduğunuz yerdə qalın

Özünüzə xatırladın ki, panik atak keçəcək

Unutmayın ki, bu sizin həyatınız üçün təhlükə deyil

Yavaş və dərindən nəfəs alın