Öldürmə məni
Canı sən vermədin, sən də alasan,
Ümid ver yaşayım, öldürmə məni.
Qıyma sevəninə qatil olasan,
Ümid ver yaşayım, öldürmə məni.
Ölümüm min yerə yozulacadır,
Dünyadan bir sevən azalacaqdır,
Qəbrim ürəyində qazılacaqdır,
Ümid ver yaşayım, öldürmə məni.
Məni öz əlinlə məzara vermə,
Görmək istəmirsən, heç məni görmə,
Sən Allah, bu qədər günaha girmə,
Ümid ver yaşayım, öldürmə məni.
Vallah, əllərimdə qalacaq yaxan,
Bilmirəm bu mənzil uzaqmı, yaxın?
Yaşamaq mənim də haqqımdır axı?!Ümid ver yaşayım, öldürmə məni…
Nüsrət Kəsəmənli
57 şərh
Canı sən vermədin, sən də alasan,
Ümid ver yaşayım, öldürmə məni.
Qıyma sevəninə qatil olasan,
Ümid ver yaşayım, öldürmə məni.- bu bənd məni çox üzdü, mənə başqa hissləri xatırlatdı.
Canı sən vermədin, sən də alasan,
Ümid ver yaşayım, öldürmə məni.
Qıyma sevəninə qatil olasan,
Ümid ver yaşayım, öldürmə məni.
Şərhə açıqlama verib daha bu barədə mübahisə etməyəcəm. Pascalı (kayzen.az-dan) savadlı bir şəxs kimi tanıyıram. Və nəşrlərə, o cümlədən şeirlərə yazılan şərhlərindən bilirəm ki, romantik duyğulu bir insandır. Bunu nəəzrə alaraq Pascal və kayzen ailəsinin üzvləri anlamalıdırlar ki, mən pascal haqqında pis fikirdə ola bilmərəm. Bu şərh ancaq pascalın şeirə yazdığı şərhlə birlikdə düzgün olmaya bilər, amma pascakın yazdığı şərhi nəzərə almasaq burada pascal üçün heç bir mənfi fikir yoxdur.
Düzünü bilsəniz N.Kəsəmənli bir dəfə televiziyada elə bir ifadə işlətdi ki, ondan sonra mənədə onun barəsində mənfi fikirlər oyandı. Amma şeirlərindən çox xoşum gəlir.
Xahiş edirəm mübahisə yönümündə heç kim heç nə yazmasın. Həm də mübahisədən heç xoşum gəlməz. İşim də buna imkan vermir.
Kiçik bir anlaşılmazlıqdan ötrü kayzen ailəsində soyuqluq yaratmaq düzgün deyil.
Mən filoloq olmasam da Azərbaycan dilini əla bilirəm. Siz sözü atmaca kimi qəbul etmisiniz, problem də budur.
Amma N.Kəsəmənlinin bir çox təsirli şeirləri olsa da, onun öz həyat yoldaşına xəyanət etməsi haqda oxuyandan(və bir sıra bu kimi məqamları biləndən sonra) sonra artıq bu şeirlər mənə təsir etməməyə başladı.
Nə yalan deyim, ikrah oyatdı hətta.
Cabir Novruzu daha çox bəyənirəm, məsələn. (hər halda özü kimi olub)
Bu topikə münasibətim.
İkinci məsələ odu ki, şərhlərin sayını görəndə öz-özümə dedim ki, görəsən nə maraqlı məsələ müzakirə olunub, amma yanıldım.(təəssüf)
Belə görünür ki, Ramilin ifadə tərzi heç də doğru olmuyub(özü bu ifadəni başqa mənada demək istədiyini təkid etsə də).