Bəs niyə unuda bilmirəm səni?
Sən ki, qərarını verib getmisən,
Bəs niyə unuda bilmirəm səni?
Məni ürəyindən silib getmisən,
Bəs niyə unuda bilmirəm səni?
Talanıb eşq adlı sərvətim, varım,
Yalqızam, yanıma düşüb qollarım.
Artıq sənsizləşib ömür yollarım,
Bəs niyə unuda bilmirəm səni?
Üz-üzə qalmışam kədərlə, qəmlə,
Bacara bilmirəm mən öz qəlbimlə.
Deyəsən, taleyim küsüb mənimlə,
Bilmirəm, unuda bilmirəm səni.
Sənli xatirələr boynunu bükür,
Hicran kərpic-kərpic qəlbimi sökür.
Həsrətin gözümdən qanlı yaş tökür,
Bilmirəm, unuda bilmirəm səni.
Təklik əzabından usanıb canım,
Qırılıb ümidim, itib gümanım.
A zalım, düz sözü mən necə danım,
Vəfayam, unuda bilmirəm səni.
29 şərh
Topikə görə təşəkkür. :)
Qəlbinə həsrətdən de qoydunmu iz?
Ay mənim ömrümü zülmə döndərən,
Yenə də mənimçün əzizsən, əziz...
ps — hele sukur ki ele bir problemim yoxdur
Hər birinizə şərhlərinizə görə minnətdaram
2. Qollarım, yollarım uyğunlaşsa da varım onlara uymur çünki qollarım və yollarım şəkilçi ilə olduğu üçün varımla həmqafiyə sayılmır./
3. Ən əsası isə mövzu çeynənmiş mövzudur. Bəzən çeynənmiş mövzunu da elə yazırlar elə yeniliklər edirlər ki xoş gəlir adama. Yenilik yoxdu. Deyilmiş sözlərdən ibarətdir.
4. 3-cü bənd ümumiyyətlə qafiyədən kənara çıxıb.
5. Bəs niyə unuda bilmirəm səni birdən-birə dönür olur bilmirəm unuda bilmirəm səni. Axırda da lazımsız bir ad yerləşdirmə Vəfayam unuda bilmirəm səni.
İnanın ki bir çox şeyləri saymadım.