Səni məndən soruşsalar

Qəlbim yanıb köz tutacaq,

Səni məndən soruşsalar.

Göz yumulub, dil susacaq,

Səni məndən soruşsalar.

Bir-birinə darılmışıq,

Səhv etmişik, yanılmışıq.

Necə deyim ayrılmışıq?

Səni məndən soruşsalar.

Artdıqca artdı dərd-sərim,

Sənsiz oldu mənim yerim.

Söylə, mən nə cavab verim

Səni məndən soruşsalar?

Deyimmi pozdu ülfəti,

Bu arzunu, bu qisməti.

Söyləyimmi həqiqəti-

Səni məndən soruşsalar.

Göz ağladı, qəlb üzüldü,

Eşq ağladı, həsrət güldü.

İncimə, deyəcəm öldü-

Səni məndən soruşsalar.

29 iyul 2009 (əsgərlik, Beyləqan)