Çiyinlərini düzəldir 
Əgər bir oğlan səninlə görüşdə qarnını çəkib,çiyinlərini düzəldib özünü şux tutursa, demək ki, bunu sizə xoş, yaraşıqlı görünmək üçün edir.

Sizi gözləyir
Hər dəfə “təsadüfən” sənin qarşına çıxır. Kişilər bəyəndikləri qızı görmək üçün hər vasitəyə əl atır, bir qızı uzaqdanda olsa görmək üçün saatlarla onu gözləyə bilər.

Gözlərini səndən çəkmir
Əgər daima onun gözlərini üzərinizdə hiss edirsinizsə, onun sizi diqqətlə müşahidə etdiyini görürsünüzsə, əmin olun ki, o sizə aşiqdi.

Sənə çoxlu suallar verir.
Sənin həyatınla maraqlanır, səni tanımaq üçün fərqli suallar verir, səninlə ünsiyyətə can atır, maraqlı söhbətlər etmək istəyirsə, demək ki, oğlan sizə qarşı hissiyatsız deyil.

Sənin dostlarını tanımağa çalışır.
Bir oğlan əgər sizin dostlarınızla tanış olur, onlarla birlikdə vaxt keçirtmək, onların etibarını qazanmaq istəyirsə demək ki, o sizə qarşı laqeyd deyil.

Davamı →

Çoxumuz hesab edirik ki, yaxşı bir sevgili olmaq çox çətindir. halbuki düşünülənin əksinə mükəmməl bir sevgili olmanın düsturu heç də qarışıq və çətin deyil. Cəmisi bir neçə sadə qaydanı tətbiq edərək siz də mükəmməl sevgililər anlayışına qatıla bilərsiniz.  mükəmməl sevgili olmanızı təmin edəcək beş sadə qayda:
Mükəmməl Bir Sevgili Olmaq Üçün:
Davamı →

Sözlərin bəziləri termin olduğundan ingilis dilində olduğu kimi qalıb ancaq asanlıqla başa düşülür, çox maraqlıdır buyurun oxuyun.
Əzizim… Artıq içimdə saxladığım duyğuları unzip etməyimin vaxtı gəlib çatdı. Səni RAM-ının götürə bilməyəcəyi qədər çox sevirəm. Sənə qarşı bütün protect-lərim disable vəziyyətdədir. Səni ilk gördüyüm anda formatlandım. Bütün cache-lərim dayandı, shadow RAM-larla ayaq üstə dayanıram.



Mənə elə bir sistem transfer etdin ki, heç bir əmr artıq məni səndən ayıra bilməz. Səndən başqa hər şey mənim üçün bad command or file name-dir. Səninlə çoxlu mühitlər daxil olmaqla, hər mühitdə xoşbəxt ola biləcəyəmi bilirəm. Sənin megahertz-in məni də odlayır. Baxışların məni dərindən scan edir.
Ardı →

Nigar Rəsula, Rəsul Nigara çoxlu şeirlər həsr ediblər. Amma Rəsul
Rzanın Nigara 1957-ci ildə, toy axşamlarından 20 il keçərkən
səfərdən- Moskvadan yolladığı bir teleqram da qalır və o teleqram elə
bil ki, şeir kimi şeydir.
«Nigar, əzizim!
İyirmi il əvvəl, boranlı bir fevral günü biz səninlə əl-ələ verib həyatın mürəkkəb, çətin yollarına çıxdıq. Bu iyirmi il boyunda bütün sınaqlardan
keçib mətanəti sarsılmayan ruhun, şəfqəti azalmayan qəlbin, hərarəti
soyumayan mərd əllərin üçün sağ ol!
Əgər günlər geriyə varaqlansa, gəncliyim qayıtsa idi, inan ki, mən
ömrümü səninlə bağlayar, həyatın daha çətin yollarında, tərəddüdsüz
səninlə əl-ələ verib gedərdim. Qoy üç sevimli balamızın sevinc və səadəti gələcək günlərimizi bəzəsin. Qoy məhəbbətimizin
hərarəti onları hər cür fırtanalardan qorusun.
Vəfa və sədaqətin qarşısanda baş əyirəm».
Ardı →

Həyat bir neçə mücərrəd anlayışlar üzərində qurulub bu isə öz növbəsində heç bir qanun və çərçivə tanımadan insan yaşamının ayrılmaz hissəsinə çevrilir. Yaşanan və yaşadılar həyat nüansları insanı xoş simalı mələyə və ya pis niyyətli iblisə çevirir. Bizi güldürən və kövrəldən bu hisslər hansıdır və niyə onların açılışını qavraya bilmirik, niyə zəkamız bunların qarşısında acizdir? Bunlar bizim hər an qarşılaşdığımız duyğulardır: «Sevgi və nifrət»!.

Deyirlər sevgiyə gedən yol nifrət körpüsündən başlayır, əzim, cəsarət, tükənməyən iradə va məftunluq hissi artıq səviyyədə olanlar bu yolu sonuna qədər gedərlər-sevgi qalibi, tükənən enerji, istək duyğusunun yorğunluqla əvəz edənlər bu yolu yarım qoyarlar-sevgi canisi, sınmaz qəlbini qururuna qurban verənlər bu yola addım atıb sonra qaçarlar — nifrət bahisi olarlar.
Ardı →

Mən səndən xoşbəxt bir son deyil… xoşbəxt sonsuzluq istəmişdim. Alınmadı..! Bəlkə də səni gözəlləşdirən həyatın çirkinliyi idi… Bunu da mən anlamadım. Görəsən mənimlə xoşbəxt olduğun üçünmü birlikdə idik yoxsa mən xoşbəxt olduğum üçün? Bu sualı da cavabsız qoydun. Yalnızca… getdin! Səninlə eyni deyilmiş sevgi baxışımız. Mən səndən qüsursuz bir eşq istədim, sən məndən yaşana bilər bir eşq. Bəlkə də bu əsrin insanı deyilsən deyəcəksən mənə, amma məncə eşq qarşındakı insan lüm-lütkən belə gözlərini onun gəzlərindən ayırmamaqdır. Bu qədər təmiz sevərkən səni böyük bir həyatı kirlədib, tərk etdin məni. Bu həyat səni unuda biləcəyim qədər uzun deyil...

Acımmı..? Keçmədi… Alışdım sadəcə

 

 

 

Davamı →

Məcnun Leylisinə qovuşmadı, kim bilir, bəlkə, bizə elə gəlir, bəlkə, qovuşublar daha. Bəlkə, qovuşub küsüşüblər, bəlkə o Leyli-Məcnun eşqindən peşman da olublar. Hər sevmək bir qovuşmaqdır, hər hicran bir vüsal. Hər Məcnun öz Leylisinə qovuşacaq, ha burda, ha ölümün o üzündə, buna şübhə eləmirəm, amma hər vüsalda xeyir varmı, bunu bilmirəm; hər kəs kimi sevməyindən, niyə sevməyindən, necə sevməyindən razıdırmı, bunu deməyə bilgim, cəsarətim, haqqım çatmır.

Qovuşsalar da, qovuşmasalar da, bir-birinə sarılanlar, bir-birinə sarıldığını zənn edənlərdir. Qovuşmaq sarılmaq və ya sarılmaq hələ gerçək anlamda qovuşmaq demək deyil ki. Bir-birinə gerçək anlamda sarılanlar Haqqın kəndirinə sarılanlardır. Haqqın kəndirinə sarılanlar təkcə Haqqın kəndirinə sarılmırlar, həm də bütün sevdiklərinə, yəni Haqqın kəndirinə sarılanlara sarılırlar. Haqqın kəndirinə sarılaraq Haqqın kəndirinə sarılmışa sarılmaq dünyada da, axirətdə də birlikdə olmaqdır. Amma kim nə deyir-desin, Haqqın kəndirinə sarılmaq bütün sevdiklərinə sarılmaqdır, bütün sevdiklərinə qovuşmaqdır.

Ardı →

“Necəsən?” demə mənə. “Yorğunam” deməyə halım yox, susacaq qədər də yorğun deyiləm.

Tək və mücərrəd isim kimiyəm, quruluşca sadə, cəm şəkilçisi qəbul etməyən, heç bir şəxsə mənsub olmayan. Ən əsası isə odur ki, qeyri-müəyyən təsirlik haldayam.

Bilirsənmi, qeyri-müəyyən təsirlik halda olan isimlər yanında hər zaman təsirli fel tələb edərlər. Uzaqdan idarə edilməz onlar, ayrılıqda heç bir məna ifadə etməzlər çünki.

Sən ki təsirli felsən, hardan biləsən qeyri-müəyyən təsirlik halda olan isim nə çəkir.

Heç nə soruşma məndən, ən yaxşısı, mən də heç nə deməyim. Yenə alınmayacaq, onsuz da. Yenə “hə” əvəzinə “yox” deyəcəm, gülmək lazım olan yerdə ağlayacam yenə. Bizim sükutumuz daha maraqlıdı, nəinki söhbətimiz.

Heç bir suala cavab verməyən köməkçi nitq hissəsi olmaq istəyərdim sən olan cümlədə. Qüvvətləndirici bir ədat, məsələn. Üzüyola bir durğu işarəsi olmaq istəyərdim, harda desən, orda dayanan. Amma mən sən olmayan cümlədə dəli –dolu bir mübtəda oldum. Heç bir xəbərlə uzlaşmayan, heç bir təyinin cəsarət edib  yanaşmadığı.

Ardı →

Dünyanın bir çox ölkəsində ortaq sevgi sözləri ilə yanaşı bir dilə, ya da ölkəyə xas olanları da var. Məsələn, fransızlar sevgililərini “birəm” deyib oxşadıqları halda taylar sevgiliyə “balaca filim” deyir. Sizcə hansı xalqın nümayəndələri sevgililərinə “balqabaq” deyir?

Fərqli dillərdə sevgiliyə 10 fərqli xitab:

“Balaca kələmim” — Fransızlar
“Çou”, yəni kələm balaca və sevimli olduğuna görə fransızlar  sevgililərinə tez-tez bu cür müraciət edirlər. Fransızlar kələmi həm də uşaq başına oxşatdıqları üçün sevimli sayırlar. Valideynlər uşaqlarına oğlandırsa kələm deyirlər.

“Balqabağım” — Portuqallar
Portuqallar isə “çuçu” sözünə, yəni “balqabaq” müraciətinə  üstünlük verirlər. Sözün sonuna “zinho”, yəni “balaca” sözünü də əlavə edib sevgililərini çağırırlar.

“Gözləri olan yumurta” — Yaponlar
Yaponlarda qadına “gözləri olan yumurta” demək əvəzsiz kompliment sayılır.

Ardı →

Kevinin 22 yaşı yenicə tamam olmuşdu. Özündən əmin, çox ağıllı cavan oglan idi. 10 gündən sonra Koreyadakı müharibə zonasına yollanmaq üçün İngiltərədən ayrılacaqdı, heç bir şeydən qorxmurdu, amma ölkəsindən ayrılmaq çətin gəlirdi ona. Ağır addımlarla böyük bir kitabxanın qapısından içəriyə girdi, bir kitab götürüb oturdu və səhifələməyə başladı. Həqiqətən də çox gözəl mövzuları özündə əks etdirən bir kitab idi, amma daha da maraqlı olanı isə kitabı daha əvvəl başqasının da oxumuş olması və bəzi yerlərdə qeydlər götürmüş olması idi. Oxuyanın qeydlər gütürdüyü hissələr Kevinə maraqlı gəldi, qeydləri oxuduqca sarsılırdı. Kim ola bilərdi bu? Dərhal kitabxanaçıya yaxınlaşdı və əvvəl kitabı oxuyan adamın kim olduğunu soruşdu, «Holly adında bir qadındır» deyə cavab verdi kitabxanaçı. Qadının ünvanın kitabxanaçıdan götürdü ve evə çatar çatmaz bir məktub yazdı:
Ardı →