Dərimizə gündəlik qulluq
Kosmetikanın birinci şərti dərinin təmizliyidir. Insanın ən vacib orqanı kimi dəri orqanizmin bütün həyat fəaliyyətində iştirak edir, dərinin yaxşı saxlanılması nəinki gözəllik üçün, həmçinin sağlamlıq üçün də böyük əhəmiyyətə malikdir.
Sabun və sudan və yaxud gündəlik yuyunmaqdan başlayaq. Yuyunmaq üçün ən yaxşı su yumşaq sudur, yəni yağış və ya dağ çaylarından axan sudur. Şəhər camaatı isə xlorlu su ilə kifayətlənməli olur ki, bu da çox vaxt dərini qurudur, bəzən isə hətta dərinin qıcıqlanmasına və gicişmə verməsinə səbəb olur. Bunlardan çəkinmək üçün vanna hazırlayarkon suya boraks, duz, köpükləndnrici mayelər əlavə etmək, ya da həblərdən istifadə etmək lazımdır.
Bütun bədənin axşamlar yuyulması olduqca vacibdir. Ələlxüsus bu, iş günü ərzində toz, çirk, cürbəcür kimyəvi maddələr, yağlar və s. ilə qarşılaşanlara aiddir. Axşamlar dərinin toz və çirkdən yaxşı təmizlənməsi qan dövranını yaxşılaşdırır, dərin yuxu gətirir.Dərini ancaq ilıq su ilə yaxşı yumaq olar. Soyuq su (14—20°S), ya da otaq temperaturlu su (21—28"S) dərini lazımi dərəcədə təmizləyə bilmir, ona görə də mütləq ilıq (34—38°S) su və sabunla yuyunmaq lazımdır. Normal və quru dərini neytral sabunlarla, bir qədər yağlı dərini isə bakterisid xassəli sabunla yumaq olar. Adam çox olan yerlərdə, məsələn, poliklinika, xəstəxana və kafelərdə işləyən qadınlar mütləq bakterisid xassəli sabunlarla yuyunmalıdırlar.
Ən yaxşısı duş altında yuyunmaqdır. Duş altında hər gün 5—6 dəqiqə yuyunmaq lazımdır. Sabunlanandan sonra bədəni bir qədər ilıq su ilə, ya da təzadlı (isti-soyuq) su ilə yaxalayırlar. Bunu belə eliyirlər: əvvəl bir qədər isti su ilə yuyunurlar, sonra soyuq su ilə... və bir neçə dəfə belə təkrar edirlər. Duşdan sonra ən çox tərləyən yerlərə (qoltuqaltı, ayaqlar və i. a.) tərə qarşı dərmanlar çəkmək olar.
Bəzən duşu (uşaqlarda) bədənə su tökməklə də əvəz etmək olar. Bu vaxt suya yumşaldıcı, turşuluq verən, ya da ot cövhərləri əlavə etmək yaxşıdır.
Su proseduraları zamanı çimmək üçün lazım olan bütün alət və vasitələr «əl altında» olmalıdır. Bu, sizə vaxta qənaət etməyə kömək edər, həmin vaxtı isə özü-nüzə qulluq etməyə sərf edə bilərsiniz.
Bədən dərisinə qulluq
Quru dəriyə qulluq
Dəri xəstəlikləri
1 şərh
Əsasən kökəlib-arıqladıqda bu fəsadlar meydana çıxır. Bədənin çəkisinin artıb-azalması, hamiləlik, köklük, sürətli böyümə, tez-tez ağırlıqqaldırma qarın, çanaq və baldır nahiyələrində çatların əmələ gəlməsinə səbəb olur. Dəri 3 qatdan ibarətdir: dermis, derm və hipoderm. Derm yorğanı xatırladır.
Tərkibindəki liflər sayəsində dərinin əsas qatını əmələ gətirir. Şəbəkə şəklindəki protein lifləri dərinin möhkəmliyini, canlılığını qoruyub saxlayır. Daha nazik olan elastik liflər həmin liflərlə birlikdə tor əmələ gətirir və bu tor dərinin elastikliyində mühüm rol oynayır. Torun forması pozulduqda və ya elastik liflər qopduqda dəridə çatlar əmələ gəlir.
Çatların qarşısını almaq üçün bədənin qarın, ayaq və digər nahiyələrini elastikliyə alışdırmaq lazımdır. Müxtəlif losyon və yağlar dərinin elastikliyinə yardımçı olur. Masaj da çatlara qarşı qoruyucu vasitədir. Güclü hüceyrələr heç vaxt çatlamır. Ona görə də rejimlə qidalanmaq və çoxlu su içmək sağlam dəriyə sahib olmaqda mühüm rol oynayır.