Рейтинг
+87.15

Yaraşıqlı görünüş, gözəl imic

79 üzv, 660 topik

Daban çatlaması

Bəzən illərlə sağalmayan daban çatlamaları dəridə karotinin və mineralların çatışmazlığı nəticəsində əmələ gəlir. Zaman keçdikcə dəriyə elastiklik verən liflər parçalanır, həmçinin onun möhkəmliyini təmin edən kollagen liflərin dağılması baş verir, nəticədə dərinin tamlığı pozulur, çatlayır və müalicəyə çox çətin tabe olur.

Daban çatlarının qarşısını almaq üçün sadə, təbii bir üsulu nəzərinizə çatdırıram. Çatın böyük və kiçikliyindən asılı olaraq müəyyən miqdar keçi piyi ocaqda azca əridilir, sonra həmin miqdar qarazirə yağı əlavə olunub oddan götürülür, bir-birinə yaxşı-yaxşı qarışdırıb dabanlar gündə bir dəfə həmin qarışımla masaj olunur.

Başqa bir resept: 3 xörək qaşığı biyan kökü 1 stəkan suda 5 dəqiqə qaynadılır, soyudulur, süzülür, soyuducuya qoyulur. Pambıqla çatlara gündə 2 dəfə vurulur.
Davamı →

Ətriyyatçıdan məsləhətlər

Kristof Ladamidel zəmanəmizin 10 ən böyük ətriyyatçılardan biridir. O hesab edir ki, hər bir brendin özünün xüsusi ətiri olmalıdır.

Məşhur parfum ustası bir çox lüks markaların, o cümlədən Beyons, Elton Con kimi udluzların ətirlərinin istehsalı ilə məşğul olub.

— Diqqət çəkmək istəyən şəxslərə nə cür ətir almağı məsləhət görərdiniz?
— Təzə ətir sizi azad edir. Ancaq təzə, eyni zamanda seksual ətir daha cəlbedicidir. İsti və tünd ətir söhbət etdiyiniz adamın diqqətini çəkə, yaxud da əksinə, gözünü qorxuda bilər. Odur ki, bu, istifadə edəcəyiniz ətirlə hansı təsiri yaratmaq istədiyinizlə əlaqəlidir.
Davamı →

Üzün dərisinə gündəlik ümumi qulluq qaydaları

Dərinin quruluşu
İnsanın dərisi 3 qatdan ibarətdir: epidermis, derma (dərinin özü), dərialtı piy toxuması. Ətraf mühitin təsirinə bilavasitə məruz qalan xarici qat epidermis adlanır. Bu qatın qalınlığı təxminən 0,3-1 mm-dir. Ən nazik epidermis qatı göz qapaqlarında, ən qalın epidermis qatı isə əllərin iç və ayaqların alt səthində olur.

Epidermis özü də bir neçə təbəqədən ibarətdir. Aşağı qatın hüceyrələri daimi olaraq bölünürlər və yuxarıya tərəf hərəkət edirlər; müəyyən müddətdən sonra bu hüceyrələr ölərək dərinin üst qatından kiçicik pulcuqlar şəklində laybalay xaric olurlar. Dərini bir qədər sürtərək ona mikroskop altında baxdıqda, onun səthindən qopub xaric olan kiçik tozcuqları görmək olar – bunlar məhz ölmüş hüceyrələrdir. Dəri səthində olan bu ölmüş hüceyrələr dərinin tam şəkildə nəfəs almasına, həmçinin kremlərin, maska və s. bu kimi vasitələrin tərkibində olan faydalı maddələrin dəriyə daxil olmasına mane olur. Məhz buna görə, vaxtaşırı olaraq ölmüş hüceyrələri dəri səthindən xaric etmək üçün skrab və ya pilinqdən istifadə etmək lazımdır. Bu bir növ dərinin əsaslı şəkildə təmizlənməsidir.
Davamı →

Dəri üçün duz maskaları

Çox duz qəbul etməyin orqanizmə zərərli olması barədə hər kəs məlumatlıdır. Amma duzdan dərinin təmizlənməsi üçün gözəllik vasitəsi kimni istifadə etmək olduqca faydalıdır.

Təmizləyici və hamarladıcı maska
Duz və bal, dərini hamarlaşdırma təsirinə malikdir. Bu ikili yağ istehsalının tənzimlənməsini və dərinin nəmli qalmasını təmin edir.

Hazırlanması:
1 çay qaşığı adi narın duzunu 1 ç.q. qaşığı balla qarışdırıb məcun halına gətirin və təmizlədiyiniz dərinizə, göz çevrəsinə vurmadan sürtün. 10-15 dəqiqə saxladıqdan sonra ilıq su ilə yuyun və nəmləndirici krem çəkin.
Davamı →

Üzdəki ləkələri ağardan maskalar

Badamlı maska
5 ədəd badamı bir gecə ilıq suda saxlayın. Yumşalan badamları əzin və içinə bir az su əlavə edib, xəmir halına gətirin. Yarım çay qaşığı balı badama əlavə edin və ləkə olan yerə vurub, yarım saat gözləyin. Soyuq su ilə durulayın. Səbrlə ləkə azalana və tamamilə solana qədər bu prosesə davam edin. Həftədə üç dəfə bu maskanı istifadə etmək məsləhətdir.

Xiyar suyu
Xiyar suyu canlandırıcı, yeniləyici təsiri bilinən bir gözəllik formuludur. Bir çox kosmetik vasitənin içində olan xiyar özü dərini canlandırıb, daha təzə bir görünüş vermək üçün istifadə edilir. Ləkələri aparmaq üçün xiyar suyu başqa kosmetik vasitəyə ehtiyac duymadan istifadə edə biləcəyiniz ən yaxşı ləkə aparıcıdır. Xiyarı rəndələyin və çıxan suyu ləkəli yerə vurun. Suyun qurumasını gözləyin, sonra soyuq su ilə durulayın.
Davamı →

Kələm maskaları

Kələm maskaları üz dərisinə çox yaxşı təsir edir — nəmləndirir, ağardır, cavanlaşdırır, hamar və elastik edir, kiçik qırışları açır. 

— Yağlı dəri üçün maska: 1 iri kələm yarpağı, 2 x.q. yulaf yarması (gerkules), 1 ç.q. limon şirəsi. Kələm blenderdə xırdalanır, gerkules və limon şirəsi əlavə olunur, qarışdırılır. Maskanı təmiz dəriyə çəkin, 20 dəqiqə saxlayın, ilıq su ilə yuyub nəmləndirici krem çəkin.
Davamı →

Əncir maskaları

Əncir kosmetologiyada çox geniş istifadə olunur. Ənciri üz və saç üçün olan kosmetik vasitələrin tərkibinə daxil edirlər. Əncir əsasında üz maskaları dərini yumşaq edir, cavanlaşdırır, nəmləndirir, dərinin rəngini yaxşılaşdırır.

1. 1 iri əncir çəngəllə əzilir, 1 x.q. yağlı xama əlavə olunur, yaxşı qarışdırılır. Maskanı təmiz üz dərisinə çəkin, 20 dəqiqə saxlayın, sonra ilıq suda isladılmış tamponla silin.

2. 1 ənciri əzin, 1 çalınmış yumurta sarısını, 1 ç.q. gənəgərçək yağı əlavə edin, yaxşı qarışdırın, üz dərisinə çəkin, 20 dəqiqədən sonra ilıq suda isladılmış tamponla silin.

3. 1 ənciri əzin, 1 x.q. yağlı kəsmik, 1 ç.q. limon şirəsi əlavə edin, yaxşı qarışdırın. Yuxarıda qeyd etdiyimiz kimi istifadə edin.
Davamı →

Məsamələri daraldan maskalar

Sizə dəridə geniş məsamələri daha görünməz etmək üçün çox effektli maskaları təqdim edirik. Bu maskalar dərini daha hamar edir və rəngini yaxşılaşdırır.

Maskaları etməzdən əvvəl dərinizi skrabla yaxşı təmizləyin ki, məsamələr təmiz olsun. Daha sonra bu maskalardan istifadə edə bilərsiniz:

1. Ağ gili ilıq su ilə qarışdırın (sıyıq kimi alınmalıdır) və dəriyə qalın qatla çəkin. Maska qurumağa başlayanda ona su çiləmək lazımdır. Maskanı 15-20 dəqiqə saxlayın.
Davamı →

Dəri təmizliyində təbii vasitələr

Hindqozu yağı
Hindqozu yağı makiyaj təmizləmədə olduqca təsirli vasitədir. Bununla yanaşı, dərini nəmləndirir və istifadəsi çox sadədir. Sadəcə olaraq, pambıqla dərinizə çəkin.

Zeytun yağı
Dəriniz qurudursa, zeytun yağı ən yaxşı dostunuz ola bilər.

Qatıq
Qatıqda olan faydalı probiotik makiyajınızı təmizləyərkən dərinizi rahatlaşdıracaq. Fermentlər və laktik turşusu isə ölü dəri hüceyrələrini yox edərək, dərinin itirdiyi suyu geri qaytarır. Çətin deyil, pambığı qatığa batırıb dərinizi masaj edin.
Davamı →

Dəniz yosunları ilə maskalar

Dəniz yosunları (laminariya) çox giymətli kosmetik məhsul sayılır. Dəniz yosunları maskaları dərini cavanlaşdırır, daha elastik edir, kiçik qırışları yox edir, ağardır, iltihabı azaldır.

Belə maskaları həftədə 1 dəfə etmək kifayətdir. Maskalar dəriyə çox güclü cavanlaşdırıcı təsir göstərir.

1. 2 x.q. dəniz yosunları tozu (apteklərdə satılır) az miqdarda ilıq su ilə qarışdırılır, 1 çalınmış yumurta sarısı, 1 x.q. ayıpəncəsi yağı əlavə olunur, yaxşı qarışdırılır. Maskanı 15-20 dəqiqə saxlayın və sonra ilıq suda isladılmış pambıq disklə silin.

2. 2 x.q. dəniz yosunları az miqdarda ilıq suda həll olunur (sıyıq kimi alınmalıdır), 1 ç.q. bal, 1 ç.q. ərik yağı əlavə olunur, yaxşı qarışdırılır. Maskanı 15-20 dəqiqə saxlayın və sonra ilıq suda isladılmış pambıq disklə silin.
Davamı →