Zamanı düzgün idarə etmək

Hamımız davamlı olaraq işlərimizin sıxlığından və zamanın azlığından şikayət edirik. Bitirilməli işlər, təslim edilməli layihələr, bunların yanında da hər gün etməmiz gərəkən bəzi adəti işlər vardır. Zamanımızı düzgün idarə etmək bizə boşa keçən anlarımızı qazandırmağı və bu tempə ayaq uydurmamızı təmin edir.

Vaxtı nizamlı və sistematik bir şəkildə qurmaq əhəmiyyətli işlərə daha çox vaxt ayıra bilmək üçün təkrarlanan işləri daha az zamanda bitirmək, bununla yanaşı, iş xaricində bütün həyatımızı nizamlı şəkildə davam etdirməkdi. Zaman rəhbərliyi və şəxsi məlumatlar mövzusunda iyirmi ildən artıq çalışan Dr. Donald Wetmorun zaman rəhbərliyinə başlamaq üçün ilk yeddi qaydası belədir:

1. Sənədlərinizi düzgün təşkil edin. Artıq çoxumuz kağız qarışıqlığı içində boğulmasaq da, kompüterlərimizin «My Documents» qovluğunda, ya da «Desktop»da bir çox gərəksiz sənədlərin dağınıq şəkildə olduğunu görürük. Bu qarışıqlığın qarşısını almaq üçün tez-tez istifadə etdiyiniz mətnləri və ya məlumatları əlçatan bir yerdə və nizamlı bir şəkildə saxlamalısınız.

2. Bir təqviminiz olsun. İnsanların fərqli yerlərdə «Ediləcəklər» siyahıları, aynalarının, soyuducularının üzərində qeyd kağızları vardır. Bunların öhdəsindən gəlmək çox çətindir, buna görə iş həyatınız üçün bir ədəd, xüsusi həyatınız üçün bir ədəd olmaq üzrə cəmi iki ədəd təqviminiz olmalıdır.

3. Masanızı və iş mühitinizi düzgün təşkil edin. Dağınıq insanlar zamanlarının böyük bir qismini axtardıqlarını tapmaqla və ya diqqətlərini dağıdan obyektlərlə məşğul olmaqla keçirirlər. Yuxarı səviyyəli idarəçilərin otağına girsəniz, tərtəmiz bir masada çalışdıqlarını görərsiniz, bunu onların müvəffəqiyyətli olmalarının səbəblərindən biri saya bilərsiniz.

4. Hər zaman lazımi vasitə və ləvazimatlarınız olsun. Qələm, kağız, zərf ya da davamlı olaraq istifadə etdiyiniz ofis ləvazimatlarını axtararaq vaxt itirməyin, hər zaman ofisinizdə ehtiyacınız olan vəsaitləri kafi sayda saxlayın.

5. Funksional bir çanta hazırlayın. Xüsusilə çox səyahət edirsinizsə, ya da davamlı ofisdən kənardasınızsa, çantanızı xüsusi diqqətlə hazırlamalısınız. Gedəcəyiniz yerdə istifadə edəcəyiniz əşyaları, lazımlı ola biləcək şeyləri yanınızda daşımaqda da fayda var.

6. Proqramlarınızı axsatmayın. İşinizə görə davamlı olaraq avtomobilinizlə, evinizlə əlaqədar məsələlərə laqeyd yanaşmayın, daha sonra başınıza daha böyük işlər aça biləcəyini unutmayın. İndilik təxirə salınacaq işlər kimi görünsə də, sonunda yığılaraq öhdəsindən gələ bilməyəcəyiniz vəziyyətə gələ bilər.

7. Əlaqə adlarını siyahıya alın. Gələcəkdə də işinizə yarayacağını düşünərək ünsiyyətə əhəmiyyət verin. Əlaqə adlarının siyahısını və əlaqə saxlaya biləcəyiniz nömrələri qeyd edin.

Unutmayın ki, zaman bəzilərinin düşündüyü kimi saatlara bölünmüş sabit bir quruluş deyil. ( Boris Vian)

Tərtib etdi: Sevinc Cahangirli

0 şərh