Рейтинг
+144.88

uğur psixologiyası

158 üzv, 162 topik

"Ölüm ya olum"

Əlbəttə ki, həyatda uzun illər çətinliklərlə qarşılaşmaq da olar, uzun illər bu çətinliklərin ağrısı ilə yaşamaq da. Ancaq həyatımızın müəyyən mərhələsində bir qərara gəlməli və gələcəyə «yolumuzu açmaq» üçün hər şeyi unutmalıyıq. Hətta, lazım gəlsə, bu yolda dəyişməyə də hazır olmalıyıq. Lap qartallar kimi...eagle
Qartal quşlar  arasında ən uzunömürlü olanlardandır. Hətta, 70 ilə qədər yaşayan qartallar da yox deyil. Ancaq bu yaşa çatmaq üçün qartal 40 yaşında çox ciddi və çətin bir qərar qəbul etməlidir. Çünki bu yaşa çatanda qartalın pəncələri sərtləşir. Və buna görə də, o, ovunu tuta bilmir. Təbii ki, məsələ bununla da bitmir. 40 yaşına çatanda qartalın dimdiyi uzanır və əyilir, qanadları yaşlanır və ağırlaşır, tükləri pırtlaşır və qalınlaşır. Bu yaşdan sonra qartal artıq uça bilmir. İndi o iki yoldan birini seçməlidir. Yəni, ya ölməli ya da «yenidən doğuş»un acı və çətin sınağına dözməlidir...
Bu «yenidən doğuş» təqribən 150 gün davam edir. Əgər qartal yaşamağı seçirsə, bir dağın təpəsinə qalxır və orada artıq uçmasına ehtiyac olmayan bir yerdə yuvaqurur. Bu yeri tapdıqdan sonra qartal dimdiyini sərt bir qayaya vurmağa başlayır. Nəticədə, qartalın dimdiyi düşür. Qartal bir müddət yeni dimdiyinin çıxmasını gözləyir. Dimdiyi çıxandan sonra yeni dimdiklə dırnaqlarını çıxarır. Yeni dırnaqlar çıxanda isə qartal bu dəfə tüklərini yolmağa başlayır. 5 ay sonra isə qartal ona 20 il, bəlkə də daha uzun bir həyatın yolunu açan məşhur uçuşuna hazır olur...
Əgər siz də dəyişməyi qərara alırsınızsa, bütün gücünüzü toplayın və keçmişinizi «həyatınızdan çıxarın». Deməli, artıq dəyişməyə başlamısınız…    
Ailəm jurnalı
 
Davamı →

Uğur qazanmaq öz əlinizdədir

Uğur və xoşbəxtliyin əldə edilməsi həyatı önəm daşıyır. Sizə təqdim edəcəyim ip ucları öz-özünüzə ruhlandırmağa və bunu davam etdirməyə kömək edəcək. Bunlar həyatda sınanmış və nəticəsi olan tövsiyələrdir. Həyata keçirmədiyiniz zaman ərzində sadəcə sözlərdən ibarət olacaq, həyata keçirdiyinizdə isə əldə edilmiş uğurdan.
1. Həyat hekayənizi yazın.
Təmiz bir kağıza bir-iki səhifə arzu etdiyiniz gələcəyin hekayəsini yazın. Gələcəkdə etmək istədiyiniz şeyləri, yaşamaq istədiyiniz məkanı, sahib olmaq istədiklərinizi yazın. Bu sizi həm indi, həm də gələcəkdə ruhlandıracaq.

2. Gələcəyi gözlərinizdə canlandırın.
Gözlərinizi bağlayın,özünüzü gələcəkdə necə görmək istədiyinizi təsəvvürünüzə gətirin. Məsələn, sağlam şəkildə qaçarkən, bağda gülləri sulayarkən, uşaqlarınızla istirahət mərkəzində istirahət edərkən. Xəyalınız bir iş yeri açmaqsa, özünüzü bir açılış günündə, müştərilərin, işçlərin sizi salamlamasını təsəvvür edin.

3. Keçmişi gözünüz önündə canlandırın.
Daha əvvəl harda olduğunuza, bu günə çatmaq üçün nə qədər yol qət etdiyinizə diqqət edin. Bu zaman hədəflərinizə nə qədər yaxınlaşdığınızı və nə zaman, hansı yerdə xəta etdiyinizi anlayacaqsınız. Bu sizin gələcəkdə doğru yolda getməniz üzün bir bələdçi rolunu oynayacaq. Yolda gedən bir sürücünü düşünün, yalnız önünə baxarsa, geriyə baxmazsa nələrlə üzləşə bilər? Zaman-zaman geriyə baxmaq ən az sürücünün yolu qəzasız davam edə bilməsi qədər yararlıdır.
Ardı →

Tək barmaqla gələn uğur

“Salam hüzün…”Onur Eyyub Karadogan
Dərhal arxansınca çox daha böyük bir “Salam ümid…”
Arxasınca daha da, daha da böyük bir “Salam əzm…”
İndi isə gözlərinizi bağlayın, özünüzü onun yerinə qoyun…

Bədəninizin yalnız 8 faizini işlədə bilirsiniz.
Yalnız başınızı hərəkət etdirmək üçün illərcə mübarizə aparmağa məcbur qalmısınız.
Başqasının köməyinə ehtiyacınız olmadan tualete getmək üçün hərəkət etməyən üzvlərinizin də qırılmasını gözə almısınız. 
Bütün bunlara baxmayaraq, ağıllı və uğurlu bir şahmatçı olmusunuz; ancaq danışa və əllərinizi işlədə bilmədiyiniz üçün turnirlərə, yarışlara qəbul edilməmisiniz.
Və bütün bunların səbəbi bir həkim səhvidir…
25 yaşınıza çatanda o həkim haqda nələr düşünərdiniz?
Bütün bu sadaladıqlarıma valideynlərin ayrılmasını, yoxsulluğunu və 17 yaşında ana itkisini əlavə edin.
Sonra düşünün…

Onur Eyyub Qaradoğan 1984-cü ildə Adanada doğulub. 
Hər uşaq doğulanda ağlayar, amma onun doğulduqdan yarım saat sonra səsi çıxıb. 
Çətin doğuş olduğu üçün, həkim vakuuma almağa məcbur olub. Ancaq bunu edəndə beynindəki bir damarı əzib. 
Beyninə oksigen getmədiyi üçün spastik (hərəkətsiz, iflic) bir uşaq olaraq həyata başlayıb. 
Qarşımda bu spastik, əlil bir gəncin kitabı var…
Adı da “Əzm”…
Ardı →

Gənclər üçün məsləhətlər

Gənclik insan həyatının ən dəyərli illəridir.Gənclikdə edilən bir çox səhvlər bəzən bütün ömrü boyu insan həyatına öz təsirini göstərir. Təbii ki,bu səhvlərin çoxu istəmədən olur. İnsan nə qədər çalışsa da etdiyi səhvlərdən, peşimançılıqlardan qaça bilmir. Düşünürəm ki, aşağıda qeyd edilənlər gənclik həyatındakı səhvlərdən uzaqlaşmağa az da olsa bizlərə kömək edəcəkdir.
Necə yaradıldığını və səni kimin yaratdığını düşün.

Varlığını dərk et və həyatda olan məqsədini bil.şukr et

Dünya həyatının qısalığını anla.

Ölümün gerçəkliyini qəbul et.

Ölümün yaşının olmadığını bil və gəncliyinə güvənmə.

Ölümdən sonrasında nə olacağını düşün.

Sənə verilən ömrü necə dəyərləndirəcəyini düşün.

Dinini öyrən.

- Dini və insani məsuliyyətlərinin olduğunu bil.

İbadətlərini ürəkdən və dəqiq et.

Allahı(c.c) çox an.


Ardı →

100 gün ərzində həyatınızı dəyişdirəcək 60 addım

İlk əvvəl onu qeyd edim ki, özünü dəyişmək, həyatda nəyəsə nail olmaq istəyən hər bir kəs bunlara əməl edə bilər. Məhz 100 gündən sonra özünüzdə qeyri-adi dəyişiklik görəcəksiz. Həyatınızı dəyişmək sizin əlinizdədir.
 EV

1. Evin müxtəlif sahələrini səhmana salmaq üçün günlərə görə bölgü təyin etmək üçün, özünüz üçün «evin lazımsız şeylərdən təmizlənməsi üzrə təqvim» yaradın.
1-ci gün: Jurnalları yığışdırırıq.
2-ci gün: DVD-ləri yığışdırırıq.
3-cü gün: Kitabları yığışdırırıq.

2. Mantra üzrə yaşayın: «Hər şeyin öz yeri var və hər şeyi yerinə qoymaq lazımdır». On gün ərzində növbəti 4 qaydaya əməl etməyə çalışın:
a. Əgər bir şey götürmüsüzsə — onu sonra yerinə qoyun.
b. Əgər bir şeyi açmısızsa  - onu bağlayın.
c. Əgər nəyisə əlinizidən salmısızsa (və ya düşürmüsüzsə) — onu (yerdən) qaldırın.
d. Əgər nəyisə əyninizdən çıxartmısızsa — onu yerinə asın.

3. Evin içində gəzişin, təmir olunması və ya bir balaca düzəldilməsi gərəkən 100 şey tapın. Misal üçün, lampanı dəyişmək, oboylar üzərində olan deşikləri yapışdırmaq, yeni rozetkanı burub bağlamaq və s.
Ardı →

Deyl Karnegidən 12 məsləhət

Deyl KarnegiYer üzündə elə bir insan tapılmaz ki, ətrafdakılara təsir etmək, öz arzu və istəklərini həyata keçirmək və qarşısıalınmaz bir hisslə gərəkliliyini duymaq marağında olmasın. Elə isə insan münasibətləri sahəsində dünya şöhrətli Amerika mütəxəssisi Deyl Karneginin fikirləri ilə tanış olaq. Deyl Karnegi ilə tanışlıqdan əvvəl onun kimliyilə maraqlanaq. Deyl Karnegi 1888-ci ildə Amerikanın Missuri ştatında anadan olub. Heç kimin tanımadığı Deyli məşhurlaşdıran və ona milyonlar qazandıran keyfiyyət sırf təsadüf nəticəsində yaranıb. Belə ki, təhsil haqqını ödəyə bilməyən Deyl anasının məsləhəti ilə diskussiya dərnəyinə daxil olub, nitq mədəniyyətini öyrənir. Və müxtəlif mövzular üzrə çıxışlar edərək pul qazanmağa başlayır. Yaxşı natiq kimi tanınan Deyl təhsilini başa vurduqdan sonra ticarətlə məşğul olmağa başlayır. Bu sahədə işləri pis getməsə də o, natiqlik sənətinin ardınca getmək qərarına gəlir. Və bu məqsədlə Nyu- Yorka yollanır.

Nyu-Yorkda natiqlik sənəti üzrə kurslar aparan Deyl insani münasibətlərlə maraqlanmağa başlayır. 1936-cı ildə işıq üzü görən «Dostu necə qazanmalı və insanlara necə təsir etməli?» adlı kitabı Deylin həyatını büsbütün dəyişir. Bir il ərzində milyon nüsxədən çox satılan bu kitab tezliklə 14 dilə tərcümə olunur. Deyl kitabında insanlarla rəftarın əsas metodlarından, eyni zamanda onları incitmədən, təhqir və təhdid etmədən öz baxışlarına meylləndirmə üsullarından və s. məsələlərdən söhbət açırdı.


Ardı →

Baş rolu oynamağın vaxtıdır!

“Bütün dünya bir teatrdır.”-Bu sözləri dahi şair Şekspir yazmışdır.Baş rolda sən! İnsalar isə burada aktyor, rejissor, ssenarist və tamaşaçıdır. Amma bizlərdən heç kəs bu rolları eyni vaxtda oynamır. Kimsə yalnız tamaşaçı olaraq qalır. Hər gün eyni pyesə tamaşa edir. Hər zaman tamaşaçı rolunda olmaq çox bezdiricidir?
Elə isə tamaşa zalından çıxmağın, həyatımızda eynilikləri dəyişməyin vaxtı deyilmi? Bizlərdən hər birimiz öz həyatımızın ssenarisini yazmaq gücündəyik. Əsas odur ki, arzun və məqsədin olsun.

İnsaların öz arzusunu yerinə yetirməsi üçün 2 əsas şey tələb olunur; bu arzunu yerinə yetirmək üçün həvəs və güc. Hətta siz həyatınızda sabitliyə çox öyrəşmisinizsə, nə vaxtsa sizin belə bir arzunuz olacaq ki, bu sabitliyi dəyişəsiniz.
Ardı →

Səhvlərinizdən öyrənin

səhvlərimdən oyrəndimQəzet müxbiri tibdə yeni ixtira etmiş alimdən, “siz bu ixtiranız üçün ən çox kimə borclusunuz?” — deyə soruşdu.
Alim bu suala: “Anama”, — deyə cavab verdi və davam etdi: “Uşaq vaxtı soyuducudan süd götürmək istəyəndə şüşə əlimdən sürüşüb düşdü. Hər tərəf süd gölünə çevrilmişdi. Anam mətbəxə gəlib məni cəzalandırmaq əvəzinə: “Nə gözəl bir iş görmüsən. Əvvəllər heç belə süd gölü görməmişdim. İndi yəqin ki, südü təmizləməzdən əvvəl onunla oynamaq istəyəcəksən”, — dedi. Sonra mən də, anam da yerə tökülən südlə oynadıq.
Bir azdan anam: “Artıq südü təmizləmək vaxtıdır. De görüm, südü nə ilə təmizləmək istəyirsən? Süngərdən istifadə edək, yoxsa parçadan?” — deyə soruşdu. Mən süngəri seçdim və birlikdə yerə tökülən südü təmizlədik. Sonra anam: “Bilirsən, sən südlə dolu şüşəni qaldıra bilmədiyin üçün bu hadisə baş verdi. İndi birlikdə həyətə gedək və şüşəni su ilə doldurub- götürməyi öyrənək”. Bu hadisə mənim üçün böyük bir dərs oldu. Bundan sonra səhv etsəm də qorxmadım. Əksinə, hər bir səhvin yeni bir şey öyrənmək üçün gözəl bir fürsət olduğunu anladım. Əslində elmi təcrübələrdə də belədir. Bir təcrübədə uğursuzluğa məruz qalırsan, ancaq əvəzində o təcrübədən çox qiymətli məlumatlar əldə edirsən”...

P.S. Dahi olmaq heç də çətin deyil!


Davamı →

Özgüvənin nəticəsi

Sylvester Stallone
O, hər dəfə böyük həvəslə yazdığı ssenariləri rejissorlara aparır, ancaq hər dəfə də eyni cavabı, yəni, “yox” cavabını alaraq geri qayıdırdı. Kim bilir, bu vaxta qədər bu cavabla onun üzünə neçə qapı bağlanmışdı.
Üstəlik, bir yox, iki yox, düz 50 Hollivud rejissoru ona yaxşı yazıçı olmaq üçün istedadı olmadığını demişdi. Ancaq o həm özünə, həm də öz istedadına inanırdı. Həm də elə bir şəraitdə ki, bu şəraitdə az qala bütün Hollivud rejissorları onu yazıçılıq fikirindən daşındırmağa çalışırdı. Ancaq o heç vaxt bezmədi və bezmədən də yazmağa davam etdi. Rejissorların pis yazıçı olmaqda “günahlandırdıqları” bu adamın adı Silvester Stallone, pis ssenari olmaqda “günahlandırdıqları” bu əsərin adı isə “Rokki” idi. Həm də Silvester Stalloneni Hollivudun zirvələrinə qaldıran “Rokki”…
Davamı →