Рейтинг
+11.10

Xalq təbabəti

5 üzv, 174 topik

Hilin faydaları

Hil tək ədviyyat deyil, bu əsl təbii dərmandır. Maraqlıdır ki, orta əsrlərdə Avropada hil həqiqətən dərman sayılır və apteklərdə satılırdı.

1. Hil həzm proseslərini yaxşılaşdırır, köpü azaldır. Bəzi şərq ölkələrində yeməkdən sonra hilin toxumlarını çeynəmək adəti var.
2. Hil ağızdan gələn pis qoxunu və ürəkbulanmanı aradan götürür.
3. Hil mübadilə proseslərini sürətləndirir, artıq çəkidən azad olmağa kömək edir.
Davamı →

Kəklikotulu çay

Kəklikotu və onun faydalı xüsusiyyətləri insanlara qədim zamanlardan məlumdur. Qədimdə bu otu «ruhun gücü» adlandırırdılar. Kəklikotu həqiqətən insanın əhvalını yaxşılaşdırmaq, depressiya və streslə mübarizə etmək xüsusiyyətlərinə malikdir.

Bundan əlavə kəklikotulu çayının bu kimi müsbət təsirləri var:
— qurdları və mikrobları öldürür
— ağrıları azaldır
— nəfəs yollarını təmizləyir, çox gözəl bəlğəmgətiricidir
— immun sistemini möhkəmləndirir
— orqanizmi tonuslaşdırır, yorğunluğu azaldır, gümrahlıq bəxş edir
— soyuqdəymə zamanı xəstənin vəziyyətini yüngülləşdirir
— kişilərdə potensiyanı yaxşılaşdırır
— böyrəkləri təmizləyir, sistit zamanı kömək edir
— qadınlarda laktasiyanı (südün ifrazı ) artırır
— arıqlamağa kömək edir
— dərini təmizləyir.
Davamı →

Ağcaqanad dişləmələrinə qarşı 5 vasitə

Bu vasitələri hər evdə tapmaq olur və onlar həqiqətən effektlidir.

1. Buz
Yerli keyidici təsir edir, ağrını və qaşınmanı tez bir zamanda azaldır. Buz kubları, buzxanada olan istənilən donmuş məhsul istifadə oluna bilər. Dəridə 10-15 dəqiqədən artıq saxlamayın.

2. Qatıq
Bu da çox effektli vasitəbir. Ağcaqanad dişlədiyi yerə çəkin və saxlayın.

3. Soda
Yarım stəkan suya 1 ç.q. soda əlavə edin, qarışdırın, pambıq, bint və ya pambıq əski isladın və dişlənmiş yerə qoyun. İslatmanı 1-2 dəfə dəyişin.
Davamı →

Qızılgül ləçəklərindən faydalı çay

Qızılgül ləçəklərindən çox faydalı çay hazırlamaq olar. Bunun üçün 1 x.q. təzə qızılgül ləçəkləri 1 stəkan (200 ml) isti suda 30 dəqiqə ərzində dəmlənilir (bunu termosda etmək daha yaxşıdır), süzülür və gün ərzində 2 dəfə 1/2 stəkan olmaqla adi çay kimi içilir.

Bu çay çox dadlı, ətirli, faydalı və müalicəvi içkidir:
— sinir sisteminə müsbət təsir edir
— sakitləşdirir, stressi və əsəbiliyi azaldır, əhvalı yaxşılaşdırır
— ürək əzələsini möhkəmləndirir
— təzyiqi aşağı salır
— bağırsaqlara antiseptik təsir edir
— mikrobları öldürür
— stomatiti müalicə edir
— arıqlamağa kömək edir
— qurdları öldürür
— orqanizmi cavanlaşdırır
Davamı →

Günəş və ya piqment ləkələrinin çarəsi

Adından məlum olduğu kimi günəş və ya piqment ləkələri, əsasən xanımları olduqca narahat edən bir məsələdir. Müalicəsində müxtəlif vasitələr var, amma mən həmişə ən yaxşılarını və faydalısını yazıram ki, insanlarımızın bitkilərə güvəni azalmasın və zaman keçdikcə bitki aləmini daha da sevsin.

Deməli, ləkənin böyük və ya balacalığından asılı olaraq, 1 stəkan təmiz bala (yarım da götürə bilərsiz) 2 xörək qaşığı ud tozu (tozun tam üyüdülməsinə əmin olun) əlavə olunur və 15-20 dəqiqə qarışdırılır, bal krem halına gəlməlidir.
Davamı →

Güclü tərləməyə qarşı 4 təbii vasitə

İsti havada tərləmə ciddi bir problemə çevrilir. Bəzi insanlar var ki, müxtəlif səbəblərə görə dezodorantlardan istifadə edə bilmir (allergiya, dəri problemləri və s.).

1. Alma sirkəsi
Təbii alma sirkəsi insanı tərin xoşagəlməz qoxusundan xilas edir. Bunun üçün duş qəbul etdikdən sonra bədənin ən çox tərləyən hissələrinə (qoltuq altı nahiyələr, ayaqlar) alma sirkəsini çəkmək lazımdır.

2. Palıd qabığı dəmləməsi
Palıd qabığı dəmləməsini (1 xörək qaşığı palıd qabığı + 1 stəkan qaynar su) ayaq vannaları üçün istifadə edin və duşdan sonra bədənin ən çox tərləyən hissələrinə çəkin.
Davamı →

Qarğıdalı saçaqlarından müalicəvi çay

Qarğıdalı saçaqlarından çox faydalı müalicəvi və profilaktik çay hazırlamaq olar. Bu səbəbdən qarğıdalı alanda saçaqları atmayın, sağlamlığınız üçün istifadə edin.

Belə çayın bir çox faydalı xüsusiyyətləri var:
— Sidikqovucu təsirə malikdir
— böyrəkləri, sidik yolları, sidik kisəsini təmizləyir, iltihabı azaldır.
— Arterial təzyiqin tənzimlənməsinə kömək edir, ödemləri azaldır.
— Qanda şəkərin səviyyəsini aşağı salır.
— Qaraciyərin fəaliyyətini yaxşılaşdırır, ödqovucu təsirə malikdir, öd kisəsində durğunluq proseslərini azaldır.
— Mübadilə proseslərini yaxşılaşdırır, iştahanı azaldır, arıqlamağa kömək edir.
Davamı →

Akasiyanın şəfaverici gücü

Gözəl gülləri ilə göz oxşayan, ətirli qoxusu ilə əhvalımızı yaxşılaşdıran bu ağac əsl şəfa mənbəyidir.

Akasiya bir çox ölkələrin rəsmi müalicəvi bitkilərinin siyahısına daxil edilib. Akasiyanın hər bir hissəsi (qabığı, gülləri, yarpaqları) müalicəvi təsirlərə malikdir. Çiçəklənən akasiyanın nektarı nadir qiymətli maddələrlə zəngindir, akasiya balı isə ən dadlı və faydalı bal növüdür.

Ağ akasiyanın güllərinin dəmləməsi varikoz zamanı çox təsirli müalicəvi vasitə sayılır. Tərkibində rutin maddəsi olduğuna görə akasiya dəmləməsi damarların divarlarını möhkəmləndirir, onların elastikliyini artırır.
Davamı →

Ölü arılardan sağlamlıq cövhəri

Arı məhsullarının şəfaverici gücü hamıya məlumdur. Bal, arı mumu, propolis, arı südü kimi məhsullar bizi bir çox xəstəliklərdən qoruyur, sağlamlığımızı möhkəmləndirir. Maraqlıdır ki, hətta öldükdən sonra bu möcüzəli kiçik zəhmətkeşlər insana şəfa gətirməyə davam edir.

Yazda arı pətəkləri qış vaxtı ölən arılardan təmizlənir. Xalq təbabətində bu ölü arılardan müxtəlif xəstəlikləri və pozulmaları müalicə edən çox faydalı dəmləmələr, məlhəmlər və cövhərlər hazırlanır. Ölü arılardan hazırlanmış dəmləmələr damarların elastikliyini artırır, damarları təmizləyir, xolesterolun səviyyəsini və arterial təzyiqi aşağı salır. Bu vasitələr qanı duruldur, damarlarda trombların əmələ gəlməsinin qarşısını alır, varikozun inkişafından qoruyur.
Davamı →