Mənim ailəm - mənim qalam!

“İki müxtəlif cinsin nümayəndəsi arasında nigah adlanan əlaqə sadəcə olaraq, təbii heyvani əlaqə və hətta mülki müqavilə də deyildir. O, hər şeydən əvvəl ər ilə arvadın ikisini bir şəxsə çevirərək, qarşılıqlı sevgi və inam əsasında yaranan mənəvi ittifaqdır” (Hegel)

Həyatımız elə qurulub ki, dünya yaranandan bəri yer üzərində hər an inkişaf gedir. Hər şey öz sürəti ilə axarına qapılaraq hansısa bir istiqamətdə axır. Sürətini artırsa da və ya bəzən büdrəsə də yenə də dayanmır, axır və dövr edir. Eləcə də bizlər.

Bir ayədə belə buyrulmuşdur: 
“Allah sizə özünüzdən qadınlar var edər. Qadınlarınızdan da oğullar və nəvələr var edər. Sizə təmiz şeylərdən ruzi verər. Elə isə batilə inanırlar və Allahın nemətlərini inkar edirlərmi?” “İçrənizdəki subayları, kölələrinizdən və cariyələrinizdən saleh olanları evləndirin. Əgər yoxsuldularsa, Allah onları lütfü ilə zənginləşdirər. Allah lütfü bol olandır, biləndir.”

Allah təala insanları yaratdı və onlara soylu, köklü, nəsilli bir yol göstərdi. Hansı ki, bu yolda, hərə özünə bir gələcək seçdi. Amma, bu yolda tək irəliləmək çox çətindir və məncə maraqsızdır. Qadınla kişinin birlikdə olması, bu yolda yoldaş, bir-birinə dayaq olması, onlar üçün daha maraqlı, rəngarəng həyat sürməyi təmin edir.
O qurduğun xəyalı, o düşündüyün gələcəyi birinin əlindən tutub, onun istisini, sevgisini, səninlə daxilən və xaricən bərabərliyini hiss edərək daha da canlandırıb, o yolda daha da gümrah irəliləyərək, yaşamaq daha gözəldir, nəinki tək.

Ailə — məhz, budur o bərabərlik. Bir-birlərinə bağlı olan, bir-birləri üçün ürəkləri həyəcanla, sevgi ilə çarpan gənclər eşqin nə olduğunu yaxşı bilirlər. Bir-birlərinə qarşı bu dəyərli hissi yaşayanlar bir ömür boyu bərabər addımlamaq istəyi ilə artıq quracaqları ailənin təməl daşını qoyurlar. Gündüzləri bir yerdə salamlayıb, gecələri isə bir yerdə yola salaraq bir həyatı bölüşür, sevgilərinin bəhrəsi olan övladlar dünyaya gətirərək, yuvalarına daha da sevinc, məna qataraq onu genişləndirir və ailə sahibi olurlar. Sonra isə, necə deyərlər, bir yastıqda qocayaraq bu ailənin gözlərinin önündə daha da genişlənməsinin, hər anıyla daha da mənalaşmasının şahidi olurlar.

Bu düşüncələrdən yola çıxaraq, mən deyərdim ki, ailə də bir Vətəndir. Bu Vətənin sakinləri bir-birinə bağlılıqları ilə öz yuvalarında hey püxtələşir, törəyir, yeni-yeni nəsillər yetişdirirlər.

Ailə bizim ən isti ocağımız, qurduğumuz ən böyük, bərk və sarsılmaz evimizdir. Ən azından belə olmalıdır. Ailə bizim gələcəyimizdir, bizi özündə yaşadan və bizim yaşatdığımızdır, hansı ki, hardan baxsan, hər fəsli ilə həyatımızın rəngidir, mənasıdır.

İndi nə ataxaqanlıq, nə anaxaqanlıq dövrüdür. Sağlam düşünən insan anlamalıdır ki, hər kəsin öz haqqı, hər əməlin, hər sözün öz yeri var. Bir-birlərimizin haqqını tapdalamadıqca, bir-brimizə hörmət etdikcə və bir-birimizi sevdikcə ailəmiz də möhkəm qalar, ailə qalamız da möhkəm təməl üstündə qurular. Mənim ailəm – mənim qalam! (Silovan Ramişvili)
Həqiqətən də ailə bir qaladır. Qurub-yaratdığın, sonra da içinə sığınıb yaşadığın. Onu qorumaq da sahibinə düşür. Ailənizin qədrini bilin, onun dəyəri ölçülməzdir.

Hər birinizə öz yuvanızı qurmağı, sevgi içində xoşbəxt, mənalı ailə həyatı sürməyi diləyirəm.

8 şərh

nərgiz
Sənə də mənalı həyat sürməyi arzulayıram.Çox maraqlı postdur.Şəkillər də qəşəngdir.
bloqçu

Çox sağ ol))

faberit

«Bir məhşur misal var eyy orda deyilir, - Türk qızı ulusunu,soy-kökünu ,əslini ,nəslini qoru mühafizə et -
Bu misaldan yola çıxaraq bütün xanımlarımıza ,bəylərimizə ailələrini,yuvalarını qorumaqlarını  müdafiyə etmələrini arzu edərdim.
P.S yazıda qəşəng alınıb..

Arzu
Həyatda ən qiymətli şey ailədir. Heyif ki cox adam ailenin qədrini bilmillər. Boşanmaların sayı ona görə çoxalıb.
bloqçu
Tərəflər bir-birlərinin qədrlərini bilsələr, ailənin də qədrini bilmiş olarlar. Dəyərlər (mənəvi dəyərlər) məhv olub gedir. Bunu anlamaq lazımdır.
Kor Zabit
Təkrarən bir də oxudum, həqiqətən maraqlı və təsirləndiricidir. Ancaq bəzən ailə qurmaq və xoşbəxt yaşamaq üçün çoxlu maneələr olur, buna əsas misal kimi mənəvi dəyərləri göstərmək olar, məhz buna görə ən çox sevdiyin insandan bəzən vaz geçməli olursan. Yaxud sonu olmayan bir yola girirsən, sevdiyin və ailən arasında seçimə məcbur olursan, hansını seçsəm deyirsən. Səni illərcə böyüdüm, bütün əziyyətini çəkən ailəni seçəsən yoxsa hər şeydən çox sevdiyin insanı mı, ehh suallr çoxdur ancaq cavab tapmaq insanı ümidsizliyə aparır, bu hər bir insanın ən zəif nöqtəsidir(
bahar

Kişilər yaxşı olar ki,sevdiklərini seçələr.Çünki ,kişilər sevdikləri insanı çox zaman seçdikləri insanda tapa bilmirlər.


Amma qadınlarda bu məsələ tam fərqlidir.Çünki,qadınlar onları qadın edən kişiləri tez sevirlər,sevgi isə keçmişdə qalır.


Ən əsası bu cür məsələlərdə tərəflərdən 1-i və ya 4-ü bədbəxt olur

bahar
Mövzu əladı.