Yuxuda nə gördün? Yuxumun mənası nədir? Nəyə görə yuxu görürük? Yuxu yozmaları nə qədər düzgündür? Keçmişdən günümüzə kimi bu suala cavab axtarılıb. Alimlərin bir-birindən fərqlənən izahlarına baxmayaraq, yuxunun sirri tam olaraq açılmayıb. Lakin bir çoxunun həmfikir olduğu mövzu isə, yuxu ilə ölümdən sonrakı həyat arasında əlaqə olmasıdır. Bəlkə də yuxular bizə digər həyatımız haqqında kiçik məlumatlar, bəlkə etmək üzrə olduğumuz bir səhv üçün xəbərdarlıq, bəlkə də nəyin məsləhətli olduğu haqqında yol göstərir.