Adların menası

A


Abdullah — Allahın qulu
Adil — Ədalət, insaf
Amir — Öndə gedən, əmir, lider
Adıgözəl — elm, sənət, doğruluq
Afaq — Hündür, uca
Afət — Eşq, məhəbbət, sevgili
Aidə — Gəlir, mədaxil
Aişə — Yaşayan
Davamı →

Raxmaninov Sergey

Bəstəkar, pianoçu, dirijor Sergey Vasilyeviç Raxmaninov rus klassik musiqisinin ən görkəmli nümayəndələrindən biridir. O, 1873-cü il martın 20-də Rusiyanın Novqorod quberniyasında zadəgan ailəsində anadan olub.

Raxmaninov musiqiçi ailəsində böyüyüb. Onun babası Arkadi Aleksandroviç həvəskar pianoçu və bəstəkar olub. Dahi bəstəkarın atası Vasili Arkadeviç Raxmaninov müstəsna musiqi bacarığına malik idi. Gələcək bəstəkarın fortepiano üzrə dərslərindən ilk müəllimi anası olub. Rahmaninov xatirələrində o zaman musiqi dərslərindən xoşa gəlmədiyini deyir. Lakin 4 yaşı olarkən o, artıq babası ilə birgə fortepianoda dörd əlli ifa edə bilirdi.
Davamı →

Berlin Divarı – Utanc Divarı

İkinci dünya müharibəsində məğlubiyyətindən sonra Almaniya, Qərbi və Şərqi olaraq iki yerə bölünmüşdü. Bu bölünmədən sonra kütləvi olaraq insanların köçünün qarşısının alınması üçün fiziki olaraq da bölünmə əmri verildi, yəni Berlin divarının inşasına başlandı. Şərqi Almaniya məclisinin qərarına əsasən 1961-ci ildə sərhəddən keçid qadağan edildi və bu divar tikilməyə başlandı.

Əsas məqsəd SSRİ tabeliyində olan Şərqi Almaniyadan Qərbi Almaniyaya kütləvi köçün qarşısının alınması idi. Bu divarın inşasına verilən qərar digər tərəfdə yaxınları qalan insanlar üçün daha böyük bir problem idi. Divarın tikintisindən sonra belə, sərhəddən keçmə cəhdləri davam edirdi. Sərhəd işçiləri tərəfindən tutulan insanlar ya öldürülür, ya da həbs cəsası alırdılar. Hər şeyə rəğmən sərhədi keçməyi bacaran insanlar da mövcud idi. Onlar bunu maşın baqajında, çantaların içində və ya müxtəlif yollarla edirdilər. Sərhədi keçmək istəyərkən həyatını itirənlərin sayı isə dəqiq bilinmir.
Davamı →

Ayaq qaşıntısına çarə

Yay aylarında ayaq qaşınmaları çoxalır əsasən baldır və topuq hissələrdə qaşınmalar daha çox olur. Çünki yayda tərləmələr çoxalır, axan tər daha çox ayaqlara dəydiyindən qaşınmalar ayaqlarda olur.

Deməli, 2 xörək qaşığı təbii alma sirkəsini 1 stəkan suya qarışdırıb gündə 3 dəfə ayaqlarınızı bu suya batırılmış pambıq parça ilə silin.

 fizulihuseynov.com

Sürrealizm və Salvador Dali

Əslində dahilik çətin, qarışıq, anlaşılmaz olanı insan üçün sadələşdirmək, əlçatan eləməkdir. Sürrealistlər isə çətini asanlaşdırmaq yerinə qəlizləşdirir, tamaşaçını çıxılmazlığa salır.

XX əsr avanqard cərəyanlarının ən sonuncusu olan sürrealizm fransız dilində “realizmdən üstün» anlamındadır. Bu cərəyan Avstriya psixiatrı Ziqmund Freydin nəzəriyyəsi, irrasionalizm (duyğuları idrakın əsas özəlliyi kimi qəbul edən fəlsəfi təlim) və alogizmə (məntiqsizlik, idrakı inkar edən düşüncə tərzi) söykənir. Adıçəkilən cərəyan ötən yüzilin 20-ci illərində Fransada ədəbiyyatçılar arasında yaranıb. Ədəbiyyatda Luis Araqon, Pol Elüar və başqaları bu cərəyanın ilk nümayəndələri sayılırlar.

Z.Freydin “şüurdan instinktə keçid üçün azad assosiasiya nəzəriyyəsi” üzərində qurulan sürrealizm XX yüzildə ən məşhur və uzunömürlü sənət cərəyanlarından biridir. Bu cərəyan I Dünya müharibəsi illərində psixiatriya sahəsində işləyən və Freydin düşüncələriylə yaxından tanış olan Andre Breton tərəfindən sistemləşdirilib. 
Davamı →

Reklamın növləri

Bir çox insanlara “reklamın növü” nə deməkdir sualı ilə müraciət etsəniz, onların hamısı bunun reklamın çatdırılma üsulu olduğunu söyləyəcəklər (məs. televiziya reklamı, radio reklamı və s.). Lakin marketinqdə reklamın növü göndərilən məlumatın ilikin “fokusuna” aid edilir və aşağıdakı kateqoriyalardan birinə uyğun olur:

Məhsul-oriyentasiyalı reklam
Reklama çəkilən xərclərin əksər hissəsi biz toplam halda şirkətin məhsulları adlandırdığımız malların, xidmət və ya ideyanın satışına dəstək vermək istiqamətinə yönəldilir. Əksər hallarda məhsul reklamının məqsədi hər hansı bir məhsulun hədəf auditoriyanın gözündə yüksəldilməsindən ibarətdir. Marketinq mütəxəssisləri bu işin öhdəsindən sadəcə məhsul barədə məlumat verən zəif yanaşmadan tutmuş reklam olunan məhsulu digər rəqib şirkətlərin məhsulları ilə bilavasitə müqayisə edərək (müqayisəli reklamçılıq) müştəriləri məhsulun keyfiyyətinə inandıraraq onlara zorla sırımaq (inandırıcı reklamçılıq) məqsədilə mübaliğəli çıxışlara qədər bir neçə yolla gələ bilərlər. 
Davamı →

Pörtlənmiş ət

6 porsiya üçün ərzaqlar:
1,4 kq mal ətin baldırı
0.15 kq donuz yağı
0,25 kq soğan
10 qr. sarımsaq
30 qr. qırmızı bibər
40 qr. duz
10 qr. cirə
0,25 kq yaşıl bibər
0,12 kq pomidor
0.3 kq tomat püresi.

Hazırlanması:
Xırda doğranmış soğanı yağda qızıl rəng alanadək qızardırıq. Oddan alan kimi qırmızı bibər və bir azsu əlavə edib yenidən odun üstünə qoyuruq. Yaşıl bibəri və pomidorları doğrayıb pörtlənmiş ət üçünəsasına qoyuruq. Yaşıl bibərin içini çıxardıb, bibərin çox acı olub-olmadığını yoxlamaq lazımdır.

Davamı →

Ana südünü necə saxlamalı?

Bir çox işləyən anaların körpələrinin ana südü ilə böyütməsinə maneə olur gündəlik iş rejimləri, ancaq ana südünün düzgün sağılma və saxlanma qaydalarını bilməklə bu problemi həll etmiş olacaqlar, körpələrimiz də ana südü ilə böyümüş olacaqdır.

ana südü
Ana südü nə qədər saxlamaq olar sualına müxtəlif zamanları qeyd edə bilərik, amma düzgün saxlanmasına diqqət edilməli:
Davamı →

Hitlerin ikinci həyatı və ya SSRİ-nin sirli “ARXİV” əməliyyatı

Adolf Hitler dünyadan necə köçüb? Zəhər qəbul edib? Gicgahına güllə sıxıb? Yoxsa qocalıb əldən düşərək yorğan-döşəkdə dünyasını dəyişib? Bu suallara artıq 60 ildir ki, dünyanın bir çox alimləri tərəfindən cavab axtarılır. Bu, əbəs yerə deyil. Çünki Berlinin ələ keçirilməsi anından etibarən Hitlerin uğurlu qaçışı barədə danışılır. Bu versiya dəfələrlə rədd edilsə də, bir müddət sonra yenidən gündəmi zəbt edir.

Anlaşılmaz başlanğıc
1945-ci il aprel ayının 30-da Moskvaya Hitlerin ölümü ilə bağlı məlumat daxil oldu. Stalinin reaksiyası təmkinli idi: “Çox atılıb-düşürdü”. Sonra isə Stalin “meyit haradadır” sualını verdi. Berlində bu sual alman generalı Hans Krebuya ünvanlandı. O isə cavabında, Hitlerin meyitinin yandırıldığını söylədi. Deyəsən, alman generalının sözləri Stalini məmnun etmədi. Çünki artıq may ayının əvvəllərində qəzetlərdə yeni məlumat dərc edildi. Bu məlumata görə, Hitlerin ölümü yeni faşist trükü idi.
Davamı →

Cek London

1897-ci ildə Kanadanın Yukon deyilən ərazisində, Klondayk çayında qızıl tapılması haqqında xəbər bütün Amerikaya yayıldı. Alyaskanın adam ayağı dəyməmiş geniş əraziləri minlərlə yoxsul adamı və xəyalpərvəri cəlb etdi. O vaxtlar yazıçı kimi qələmini yenicə sınamağa başlayan Cek London da onlardan biri idi. Amma qızılaxtaran olmazdan əvvəl o, çox işin qulpundan yapışmışdı.

Ehtiyac təhsilini başa çatdırmasına imkan verməmişdi. Onun universiteti həyatın özü idi və o, əsərlərində keçdiyi həyat universitetindən danışırdı.

Cek London Alyaskada varlanmadı, amma oxucularını Şimal ilə tanış edən çox qiymətli material topladı. Ağacdan tikilmiş, buz bağlamış yaşayış yerləri, qırx dərəcə şaxta, bitib qurtarmayan qütb gecələri, güclünün qalib gəldiyi münaqişələr, ölüm riski ilə müşayiət olunan həyat. Yazıçının “Şimal hekayələri”nin qəhrəmanları — ağdərili qızılaxtaranlar və yerli hindilər belə şəraitdə yaşayırdılar.
Davamı →