İnkişaf etmək istəyənlər üçün maraqlı məlumatlar olan kollektiv bloq servisi
Aylar öncə bir film («Xarabalıqdan çıxmış milyonçu», “Slumdog Millionaire”, “Миллионер из трущоб”) izlədim. Hansı ki, bu film 2009-cu ildə mükafatlara da layiq görüldü. Mən də izlədim və istədim ki, öz təəssüratlarımı bölüşəm. Filmdən çıxartdığım nəticə: həyat da bir məktəbdir, elə deyilmi?! Həm də böyük məktəb!
Film mənə çox təsir etmişdi.
"… Bitkilərə diqqət yetirirəm, diqqətimi hər zaman çəkən maraqlı nə iləsə qarşılaşıram. Məsələn, onlara fikir versəniz görəcəksiniz ki, onların hamısının budaqları yuxarı qalxır, üzləri yuxarı baxır. Bunları görürəm və düşünürəm ki, onlar da əl açıb, Allaha dua edirlər. Niyə də etməsinlər, elə deyilmi?!..."
Bu misraları 1-2 il bundan qabaq də qeyd eləmişdim. Mövzularımda da helə hərlənib, fırlanıb, təbiətə dönürəm, çünki, təbiəti sevirəm və sevincinə sevinib, kədərinə də üzülürəm. Çünki, gözlərim önündə hər halı yaşayan mənim Vətənimdir, mənim ttorpağımdır və mənim təbiətimdir. Mənfəət qurbanları seriyasına daxil etdiyim yazılarımdan biri də bu oldu: Təbiətimin acısı.
Təbiət bizə elə nemətlər bəxş edir ki… Elə bil ki, fəlakətləri üçün qoruyucu bir güc verir. Sadəcəb biz bunlardan bixəbər oluruq. Təzə bir üsul kəşf edilib ki, binalar davamlı, zəlzələyə dözümlü olsunlar. Hətta, demək olar ki, yüz illərlə ayaqda qalan məşhur Çin səddinin də sirri açılıb. Sual oluna bilər ki, birinin digərinə nə əlaqəsi. Elə maraq da, cavab da burda meydana çıxır. Çinin Zhejiand Universitetinin kimyaçı professoru olan Zhang Binjian bununla bağlı bir məqalə yazıb, hansı ki, bu məqalə də Amerika Kimya Cəmiyyətinin jurnalında dərc olunub. Belə ki, həmin professor araşdırmalar aparıb və burdan da məlum olub ki, həmin o Çin səddinin tikintisində düyü unundan və yandırılmış kirəcin tozundan istifadə olunub. Allah hər bir maddəni, hər bir qatqını özü bizə bəxş edib. Hər şeyin bir dərmanı var axı…
Bir gün Fatih Sultan Məhmət yeyəcək maddələrinin keyfiyyətini və qiymətlərini öyrənmək məqsədilə paltarını dəyişib (tanınmamaq üçün) bazara çıxmışdı. O bir dükana girib, salam verir və deyir: -“Yarım batman yağ, yarım batman bal və yarım batman pendir verin”.
Baqqal yarım batman yağ çəkib, pulunu hesab etdikdən sonra deyir:- “Ağam, digər istədikləriniz də qarşıdakı qonşumdan alın, çünki, onun malı həm daha yaxşıdır, həm də, qonşum daha heç siftə eləmədi.”
Bunu eşitdikdən sonra padşah həmin ikinci dükana girir və ordan yarım batman bal alınca bu baqqal ona: — “Allaha şükr olsun ağam, mən siftəmi etdim və uşaqlarımın yeyəcək pulunu qazandım, qonşum isə daha siftə eləmədi” dedi. Bunun üzərinə padşah:
— “Bu millət belə gözəl əxlaqı ilə dünyaları fəth edər. Millətin təmiz əxlaqını pozanlara Allah qənim olsun” dedi.
Tahsin Ünal, «Osmanlılarda Fəzilət Mücadiləsi»
Təxminən 2 il bundan öncə Piterdə olanda belə bir xəbər aldıq ki, gil terapiyası keçirilir. Bizə çox maraqlı idi. Həm də ki, pulsuzdur, niyə də getməyək?! Biz də qızlarla həmin gün durduq, getdik ora ki, görək bu nədir, nə edirlər. O terapiya keçirilən binaya daxil olduq və içəri girəndə gördük ki, hardasa 35-40 nəfər insan yığılıb və 3-4 nəfər də bu terapiyanı keçirən şəxslər. Bu insanlar arasında müxtəlif yaşda adamlara rast gəlmək olardı. Hətta, eləsi ər-arvad gəlmişdilər.
Gil terapiyasında mənim düzəltdiyim)))