Kayzen

“Google” kimi nəhəng şirkətin bir parçası olmaq milyonlarla insanın arzusudur, ancaq burada işləmək üçün 5 ali təhsil, böyük təcrübə kifayət deyil. Qeyri-standard düşüncə tərziniz, məntiqiniz və 6-cı hissiniz güclü olmalıdır.

1. Saatın saat və dəqiqə əqrəbləri 1 gün ərzində neçə dəfə kəsişir?
2. Tennis topunun səthi niyə ipək deyil?

3. Bir ölkədə insanlar ancaq oğlan övladlarının olmasını istəyir. Hər bir ailə oğul övladına sahib olana qədər dünyaya övlad gətirir. Əgər ailədə qız övladı doğularsa, valideynlər yenidən uşaq sahibi olmağa çalışır. Belə bir ölkədə oğlanların və qızların nisbəti nə qədər olacaq?

4. Gecə saatlarında 4 nəfər evinə getmək üçün asılma körpüdən keçməlidir, ancaq onların cəmi 1 fonarı var. Həmin fonarın enerjisi isə 17 dəqiqə sonra bitəcəkdir.
Davamı →

İlk maarifləndirici video bloqmu paylaşıram.Bu videoda şəklin yerini harda çəkildiyini asan yolla təyin etmək yolunu başa salmağa çalışmışam.Digər bloqlarımda Whatsapp-da hansısa nömrəni rahatlıqla izləməyi,Facebook-da profilinə kimlərin baxdığını və dostluğundakıların kimləri dostluqdan çıxardığını və s. funksiyaları başa salmağa çalışacam.Dediklərim realdı,Ümid edirəm nəyəsə xeyri olar.
Ardı →

 “Google” şirkəti həmişəki kimi yenilik edərək avtobuslardan imtina edib və öz əməkdaşlarını Kaliforniyadakı ofisinə katerlə aparmağa başlayıb.

Belə ki, internet şirkəti San-Fransisko limanında icarəyə götürdüyü 149 sərnişin tutumlu katerdən əməkdaşların Silikon vadisinə səhər işə, axşam isə evlərinə çatdırılması üçün gündə iki dəfə istifadə edir.

“Google” nümayəndələri bildiriblər ki, katerdən istifadə sınaq məqsədilə həyata keçirilir və sınaq müddətinin nə vaxtadək davam edəcəyi məlum deyil. Bundan başqa, şirkətin katerin icarəsinə görə nə qədər pul ödəməsi barədə məlumat verilmir.  

Ardı →

İnternet dünyası ilə yaxından-uzaqdan tanış olan hər bir kəs GOOGLE adına yaxşı bələddir. Bu gün internetin az qala sinoniminə çevrilən GOOGLE artıq bir çoxumuzun həyatına daxil olmuş, internet fəaliyyətlərimizdə əvəzolunmaz resursa çevrilmişdir. Gündə yüz milyonlarla insan tərəfindən müraciət edilən google.com axtarış sistemi və portalı hal-hazırda dünyanın ən inkişaf etmiş internet resursu sayılır. Özünün iqtisadi gücü və təqdim etdiyi xidmətlərin mübahisəsiz üstünlüyü ilə bütün dünyanı heyrətə gətirən GOOGLE internet şirkətinin qısa, ancaq maraqlı quruluş tarixcəsi var.

Ardı →

Bildiyimiz kimi Beynəlхalq Yer Gününün keçirilmə ənənələri ХIХ əsrin 40-cı illərinə təsadüf edir. 

Belə ki, o dövrdə ABŞ-ın Nebraska ştatının sakini Corc Morton tərəfindən yaşıllaşdırma gününün keçirilməsi təklif olunub. 1882-ci ildə 22 aprel tarixi Nebraska ştatında «Ağac günü» kimi qeyd olunmağa başlanılıb və bu gün rəsmi olaraq bayram günü elan olunub. 1970-ci ildən isə ekoloji fəallardan olan senator Geylord Nelsonun təklifinə əsasən, ekoloji problemlərə, ətraf mühitin çirklənməsinə, təbiətin əhəmiyyətinə diqqəti artırmaq məqsədilə həmin günün adı dəyişdirilərək «Yer Günü» adlandırılıb.

1990-cı ildən başlayaraq Yer Gününün əsas mövzusu təbii mühiti ilkin formada qoruyan Milli parklara həsr edilb. Bunda məqsəd xüsusi mühafizə olunan təbiət ərazilərində mövcud olan problemlərə, həmin problemlərin həlli üçün real praktiki və maliyyə yardımının göstərilməsinə ictimaiyyətin diqqətinin cəlb edilməsi olub.
Ardı →

Peşəkar axtarış həyata keçirmək üçün 16 tovsiyyə

1. Google axtarışından çıxarmaq

 

Hansısa sözün, simvolun və ya ifadənin axtarış tapşırığından istisna edilməsi üçün, onun qarşısında "-” (minus) işarəsi qoymaq kifayətdir. Məsələn, mən axtarış xanasında «Bloomberg -com»  frazasını daxil etdim və axtarış səhifəsində ödənilmiş reklam elanları istisna olmaqla heç bir Azərbaycan saytı  (.com) çıxmadı.  Halbuki website özü *.com domain-nindədir.  

2.Sinonimlərlə axtarış

Axtardığınız sözə yaxın mənalı sözlər tapmaq istəyirsinizsə "~” simvolundan istifadə edin. Məsələn siz axtarış xanasında "ən ~yaxşı filmlər -yaxşı" ifadəsini daxil etsəniz, onda səhifədə sizə təqdim olunan keçidlərin hamısının məzmunundakı sözlərin «yaxşı»-nın sinonimləri olduğunu görəcəksiniz. Amma keçidlərin heç birində yaxşı sözünün özü olmayacaqdır.

3. Qeyri müəyyən axtarış

Əgər siz axtarış üçün konkret açar sözünü müəyyən etməmisinizsə onda sizə "*” operatoru kömək edəcək. Məsələn «yaxşı*təsvir redaktoru» frazasını daxil etsəniz, sayt sizin üçün bütün növ təsvir redaktorlarını seçəcək, istər rəqəmsal, istər rastr və ya vektor qrafikalı təsvirlər və s.

4. Variantlardan seçim  axtarışı

"|” operatorunu istifadə edərək, Google-da eyni zamanda bir neçə ifadə qrupları üzrə axtarış etmək olar. Bu sizə bir neçə sözü müxtəlif yerlərdə əvəz etmək imkanı verəcəkdir. 
 Məsələn, «qələm | ədyal almaq ifadəsini» axtarış xanasında daxil etsəniz, sizə təqdim edilən saytlarda ya «qələm almaq», ya da "ədyal almaqdan" söhbət açılacaq.

5. Sözün mənası

Bu və ya digər sözün mənasını bilmək üçün, axtarış xanasına «define:” kəlməsini və iki nöqtədən sonra isə mənasını axtardığınız sözü daxil etmək kifayətdir.

6. Dəqiq üst-üstə düşmə

Əgər məhz axtarışa yazdığınız cümlənin və ya ifadənin eynisini tapmaq istəyirsinizsə, daxil etdiyiniz açar sözləri dırnaq işarəsi daxilində yazmaq bunun üçün yetərlidir.

7. Müəyyən sayt üzrə axtarış

Açar sözlərin axtarışını yalnız bir sayt üzrə həyata keçirmək üçün axtarılan frazaya »site:” formulunu əlavə etmək kifayətdir.

8. Əks keçidlər

Sizi maraqlandıran saytla bağlı keçidlərin yerlərini öyrənmək üçün, növbəti formulu - «links:” və onun ardınca isə sizi  maraqlandıran saytın adını daxil etmək yetərlidir.

9.Ölçülər  çeviricisi

Google axtarış saytı həmçinin istifadəçinin sorğusu əsasında ölçülərin konvertasiyasını həyata  keçirə bilər.  Məsələn siz bir kiloqramın neçə funt etdiyini bilmək istəyirsiniz. Onda müvafiq sorğunu daxil etmək kifayət edir: „1kq funtlarla“(1 kg in pounds).

10. Valyuta Çeviricisi

Rəsmi məzənnəyə əsasən valyuta kursunu öyrənmək üçün, axtarış xanasında növbəti sorğu formulunu yığırıq:  „1 [valyuta] in [valyuta]”

11. Şəhər üzrə vaxt

Əgər hansısa şəhərdə indi saat neçə olduğunu öyrənmək istəyirsinizsə, onda “time” formulundan istifadə edin və ardınca şəhərin adını yazın (bunu digər əcnəbi dillərdə də etmək olur).

12. Google kalkulyator

Google onlayn hesablama aparmağı da bacarır. Nümunəni axtarış xanasında daxil etmək kifayətdir və o, sizə cavabı hesablayaraq verəcəkdir.

13. Fayl növünə görə axtarış

Əgər sizə nəyisə məhz konkret fayl növü üzrə axtarmaq lazım gələrsə, onda Google-un xüsusi „filetype:” operatoru vardır bu faylın məhz həmin genişlənmə üzrə axtarışını təmin edir.

14. Keşlənmiş (yaddaşa salınmış) səhifənin axtarışı

Google-un özünün serverləri vardır ki,  burda o keş yaddaşına salınmış səhifələri saxlayır. Əgər sizə məhz bu lazımdırsa, “cached:” operatorundan  istifadə edə bilərsiniz.

15. Şəhər üzrə hava proqnozu

Google axtarış saytının təqdim etdiyi xidmətlərdən daha biri isə hava operatorudur. „weather” sözünü və həmin şəhərin adını daxil etmək kifayətdir ki, bu gün yağış yağmayacağından xəbər tutasınız.

16. Tərcüməçi

Sözü dərhal, axtarış saytından uzaqlaşmadan tərcümə etmək olar. Tərcüməyə görə aşağıdakı formula cavabdehdir: “translate [söz] into [dil]”

 

Mənbə: banker.az

eGo

Davamı →

Statistik məlumatlara görə dünyanın ən inkişaf etmiş ölkələrində ən böyük gəlirlər informasiya texnologiyalarından (İT) əldə edilir. Daha böyük gəlirlər isə, internet üzərindən həyata keçirilən reklamlar vasitəsi ilə əldə edilir. Buna əyani misal olaraq, dünyada informasiya-kommunikasiya texnologiayaları sektorunda ən çox gəliri olan şirkət kimi tanınan Google korporasiyasını göstərmək olar. Bu şirkətin yaranma tarixinə qısa nəzər salsaq görərik ki, Google fəaliyyətə başlayanda genişmiqyaslı layihələr həyata keçirmək üçün investisiya yatırmaq iqtidarında olmayıb. Sadə dildə desək, dünyanın nəhəng İT şirkəti hər şeyi sıfırdan başlayıb. Amma çox keçmir şirkət internet üzərindən reklam yaymaqla məşğul olur ki, bu da uğurlu fəaliyyətin başlanğıcı olur.

Ardı →

Google dünyanın ən böyük axtarış sistemləri və reklam sahəsində ixtisaslaşmış ABŞ-da yerləşən Transmilli şirkətidir. Google internetdə yerləşən bir çox xidmət və məhsullara sahiblik etməklə yanaşı onları inkişaf etdirir.
Stenfordda Tibb məktəbinin iki tələbəsi, Ləri Peyc və Sergey Brin, Quqlı 1998-ci ildə başlanğıc sərmayəsi 25 milyon dollar olaraq qurdular. Şirkətin GooglePlex adlanan mərkəzi işyeri Kaliforniyada yerləşir və dünyada 5000-ə yaxın işçisi var. Şirkətin sərmayə ortaqları, Kleiner Perkins Caufield & Byers və Sequoia Capitalı dırlar.

Tarixi
Google öz tarixinə 1996-cı ilin yanvar ayından başlamışdır. Həmin dövrdə Kaliforniyadakı Stenford Universitetinin doktorantura pilləsində təhsil alantələbələri Lari Peyc və Sergey Brin tərəfindən tədqiqat lahiyəsi çərçivəsində bu saytı hazırlayıblar. Ənənəvi axtarış sistemləri axtarılan sözlərin hansı saytda neçe dəfə işlədilməsini əsas götürürdüsə, yeni saytda axtarılan saytlar arasındakı əlaqəni analiz edirdi. Peyc və Brin öz saytlarını başlanğıcda «BackRub» adlandırdılar. Lakin sonralar onlar saytın adını quqol sözünə oxşar olaraq Google adlandırdılar.

URL: www.google.com
Kommersiya: Hə
Saytın tipi: Axtarış sistemi
Dil(lər)i: Çoxdillidir (180-dən yuxarı)
Sahibi: Google Inc.
İşin başlanması: 15 sentyabr 1997
Dövriyyəsi: 23.651 mlrd $ (2009)

Davamı →

Dünya üzrə ən məşhur saytların reytinqi üçün Alexa reytinq uzun müddət idi ki,fəaliyyət göstərirdi.Səhv məlumat versə də(o yalnız brauzerində Alexa toolbar yükləmiş istifadəçilərin girdiyi saytları sayırdı),müəyyən qədər populyar idi.Dünyada ən populyar saytlar hansıdır sualının cavabını bilmək üçün çox vaxt http://www.alexa.com/topsites basmaq kifayət idi.Amma artıq Google öz yeni məhsulu ilə onun da rəqibi oldu. http://www.google.com/adplanner/static/top1000/ ünvanına dsxil olmaqla ən məşhur 1000 saytı görmək olar.Google özünü bura daxil etməyib:)

yeri	saytın adı	kateqoriya	unikal ziyarətçi	səhifə baxışı
1	facebook.com	sosial şəbəkə	540,000,000	570,000,000,000
2	yahoo.com	Web Portal	490,000,000	70,000,000,000
3	live.com	sxtarış sistemi	370,000,000	39,000,000,000
4	wikipedia.org	lüğət və ensiklopediya	310,000,000	7,900,000,000
5	msn.com	Web Portal	280,000,000	11,000,000,000
6	microsoft.com	Software	230,000,000	3,300,000,000
7	blogspot.com	bloq servisi	230,000,000	4,400,000,000
8	baidu.com	Web Portal	230,000,000	27,000,000,000
9	qq.com	Email & çatlaşma	170,000,000	25,000,000,000
10	mozilla.com	Internet Clients & Browsers	140,000,000	2,100,000,000

Kifayət qədər maraqlıdır.
Davamı →

Bing, bing.com ünvanında yerləşən,Microsofta məxsus axtarış sistemidir. Bing təkamül yolu ilə inkişaf edib:
1. —2006-cı illə qədər o MSN Search (http://search.msn.com/)
2.2007-ci ilin martına qədər Windows Live Search (http://search.live.com/) adlanırdı.Sonralar isə Microsoft şirkəti onun adını dəyişdirdi və Bing qoydu. Hazırda dünyada ikinci ən böyük axtarış sistemi məhz Bing sayılır.Bəzi mənbələrə görə isə üçüncü sayılan Bing, Google və Yahoo! axtarış sistemləri ilə mübarizə aparır. Amma kəskin rəqabət şəraitində Microsoft və Yahoo! razılığa gəliblər ki, Yahoo Bing-in köməyindən yararlanacaq.

Davamı →