Maşındakı kondisionerdən düzgün istifadə qaydaları

İsti havada avtomobildə kondisionerin olması komfortun əsas şərtidir.
Lakin maşında olan kondisionerdən düzgün istifadə etmək lazımdır ki, bu xəstəliyə səbəb olmasın. Həkimlər qeyd edirlər ki, yayda məhz maşında kondisionerlərin olmasına görə angina, faringit və hətta bronxit və pnevmoniyanın halları artır.
Bunun qarşısını almaq üçün ilk növbədə ətraf mühitlə maşının salonunda olan hava temperaturunun fərqi 10 dərəcədən çox olmamalıdır. İnsan maşından düşəndə və yenidən maşına minəndə temperatur fərqi onun sağlamlığına mənfi təsir edir, immun sisteminin zəifləməsinə gətirib çıxardır. Bu gün ərzində dəfələrlə təkrarlanırsa respirator xəstəliklərinin riski də artır.
Davamı →

Kondisionerlərdən ətraf mühitə yayılan mikroorqanizmlər

Yay aylarında tez-tez istifadə etdiyimiz kondisionerlər orqanizmi zəif olan insanlarda sətəlcəm kimi xəstəliklərə səbəb olur.
Tənəffüs orqanı xəstəlikləri üzrə mütəxəssis Prof. Dr. Metintaşın, müsahibəsində bildirmiş ki, xüsusilə yay aylarında sərinləmək istəyən sürücülər yüksək temperaturda  kondisionerlərdən istifadə edərkən ehtiyyatlı olmalı və  soyuqlama-cərəyanında çox qalmamalıdırlar.

Prof. Dr. Metintaş, bu vəziyyətin soyuqlama sonrası sinusitə səbəb olacağını da bildirib. Yaxşı təmizlənməmiş kondisionerlərdə ətraf mühitə yayılan xlamidya, mikoplaza kimi mikroorqanizmlər «atipik sətəlcəm» adı verilən bir xəstəliyə səbəb olur. Bu xəstəliyin isə insanlarda ishal, ürək bulanması, qarın ağrısı, oynaq ağrısı kimi hallar yaratdığı bildirilir. Xəstələrdə 5-6 gündən sonra  öskürək, tənəffüs çətinliyi kimi narahatlıqlar da olur. Bu baxımdan kondisionerlər nizamlı olaraq təmizlənməli və normal temperaturda istifadə edilməlidir.


Davamı →