Kayzen

Nüfuzuna əsaslanaraq mübahisə edən insan ağlını deyil, yaddaşını istifadə edir.

Yaxşı qərar yaxşı anlaşmadan doğur, yaxşı anlaşma yaxşı qaydalardan, yaxşı qaydalar isə yaxşı təcrübənin qızıdır, təcrübə isə bütün elmlərin və incəsənətin ortaq atasıdır.

Mənbəyə gedə bilən insan səhəngə doğru getməli deyil.

Təbiət hər şeyin qayğısına elə qalıb ki, sən hər yerdə öyrənmək üçün yeni nələrsə tapırsan.

Əgər rəssamlığı lal poeziya adlandırsan, onda rəssam da poeziyaya kor rəssamlıq deyəcək.

Gözəllik də bəzən naxələf işlərə xidmət edir.
Davamı →

Elmi dairələrdə “İsanın arvadının İncili” («The Gospel of Jesus`s Wife) adlandırılan papirus parçasının həqiqi olduğu sübuta yetirilib. O da sübut olunub ki, həmin sənəd Matfey, Luka, İohann və Mark incilləri ilə eyni dövrə mənsubdur.
Rusiyanın `Komsomilskaya Pravda` qəzeti yazır ki, iki il əvvəl Harvardın ilahiyyat professoru Karen Kinq Romada keçirilən 10-cu Kopt Araşdırmaları Forumunda sensasion sənəd nümayiş etdirmişdi. Qədim kopt (Misirin ilk xristianları belə adlanırdı) dilində olan papuris parçasında İsanın evli olmasına dair açıq eyhamlar var.
Ölçüləri 4x8 santimetr olan papirusda 8 sətr yazı var, 9-ci sətrin izləri görünür. 

Ardı →

«Mona Lisa» rəsmində qadının sifətində qaş və kirpikləri də daxil olmaqla heç bir tük yoxdur. Bəzi tədqiqatçılara görə, Da Vinçi həmin dövrün dəbinə görə Mona Lisanı qaşsız və kirpiksiz çəkib. Lakin 2007-ci ildə fransız mühəndis Pascal Cotte bəyan etdi ki, «ultra high resolution scan» zamanı Mona Lisanın əslində qaş və kipriklərlə təsvir olunduğu müəyyən olmuşdur. Çox güman ki, onlar zamanla bərpaetmə və təmizləmə proseslərində itmişdir.


Mono Liza haqqında 10 fakt:

 1. Mona Lizanı Fransızlar «La Joconde», İtalyanlar isə «La Gioconda» olaraq bilir yəni «Madonna Liza»nın qısaltması. Bu da «Leydim Liza» deməkdir.

2. Mona Lizanın gerçəkdə kim olduğu hələ bir sirr. Ancaq tarixçilər onu Florensialı bir işadamı olan Francesco del Giocondonun yoldaşı Lisa del Giocondo olduğuna inanır.

Ardı →

Bəlkə də, rəssamın təbabətə aid məqalə ilə çıxışı qəribə görünür. Lakin bunun tutarlı səbəbi var. Bu da bütün dövrlərin fenomeni olan Leonardo da Vinçinin anatomiyanı mükəmməl bilməsi ilə bağlıdır. Bu yazıda onun anatomik qabiliyyəti haqqında söhbət açmağa çalışacağıq. Dahi hər zaman öz dövrünü qabaqlayır, o, müasirləri tərəfindən az başa düşülür və qiymətləndirilir. Adətən onun aqibəti yalnız minnətdar nəsillərin tərəfindən vəfatından sonra tanınmaq və qəbul olunmaq olur. Leonardo da Vinçinin həyatı ilə dərindən tanış olarkən, onun çoxdan məlum olan yaşayışı haqqında yazılmış səhifələri vərəqləyərkən, bir çox şeylərə gözlənilməz nəzər nöqtəsindən baxmağa başlayırsan.

Çox təəssüf ki, Leonardonun əlyazmaları, XVIII əsrin ortalarına qədər məlum olmayıb və müasir dövrə natamam, dağınıq şəkildə gəlib çıxıb. Yüz illiklər ərzində Leonardonun bir çox elmi ixtiraları və nailiyyətləri naməlum qalmışdır. Anatomik şəkillər və yazılara gəldikdə isə, onlar yalnız XVIII əsrin 60-cı illərində məşhur anatomlar İ.F.BIumenbax və Uilyam Gönterin diqqətini cəlb edib. O yazırdı: «Мәn Leonardonun rəsmlərində ən yaxşı halda, rəssama lazım olan anatomik qeydləri aşkar etməyi gözləyirdim, lakin təəccüblə yəqin etdim ki, Leonardo anatomiyanı, onun tam genişliyi və dərinliyini əhatə etməklə öyrənib".

Ardı →

Leonardo bir dənə də olsun avtoportretini saxlamamışdır. Mütəxəssizlər düşünür ki, onun ən məhşur əsəri olan “Leonardo” (1512 – 1515 ci illər) yaşlı vaxtı çəkilmişdir. Bəziləri isə düşünür ki, bu baş sadəcə olaraq “Sirli şam yeməyi” adlanan əsərin içərisindəki şəxslərdən birinin eskizidir. Ancaq bu rəsm haqqında fikirlər XIX əsrdə yayılmağa başlanmışdı və Leonardo haqqında mühüm tədqiqatlar aparan professor Pyotr Marani bu fikirdə olan şəxslərdən idi.
Bir gün Leonardonun müəllimi Verrokko “Xaç suyuna salınan İsa” adlı rəsmi çəkmək üçün sifariş alır və ordakı mələklərdən birinin çəkilməsini müəllimi ona tapşırır. Bu qeyri – adi hal hesab olunurdu, çünki həmin dövrdə heç bir müəllim öz şagirdi ilə birlikdə rəsm əsəri işləmirdi. Mələklərin çəkilməsindən sonra müəllim Verrokko öz şagirdi Leonardonun işinə baxır və valeh olur. Çünki mələyin üzündəki məsumluq və saflıq onu həqiqətən cəzb edir və bundan sonra Verroko fırçasını atır, bir daha rəsm əsəri çəkmir. Müəllimin öz şagirdi qarşısında uduzması haqqında məlumatı isə Vazari öz yazılarında əks etdirmişdir.
Ardı →

Bir neçə il əvvəl dünyanın bir çox ölkələrinin vətəndaşlarının qatıldığı geniş rəy sorğusunda belə qənaətə gəlinmişdi ki, ikinci minilliyin ən böyük şəxsiyyəti italiyalı Leonardo da Vinçi olub. Təsadüfi deyil. Əsasən rəssam və «Mona Liza» əsərinin müəllifi kimi tanınan da Vinçi zamanı qabaqlayan unikal bir zəka sahibi olaraq bu gün də milyonları heyrətə gətirir. 
Davamı →

Düz 5 əsr əvvəl İntibah dövründə italyan  rəssamı, alimi, bir sözlə universal bir şəxsiyyət olan Leonardo da Vinçi yaşayır və yaradırdı. O, uzun müddət Florensiyada yaşamış, daha sonra kral saraylarında  qeyri-adi ideyalar təklif edir, nəhəng işlər həyata keçirməyə can atırdı.  Lakin müasirləri onu başa düşmürdülər.  Ətrafdakıların onu anlamadıqlarını görən rəssam özünün mütərəqqi fikirlərini kodlar şəklində şifrələdi və çəkdiyi əsərlərdə gizlətdi.

Ardı →

«O, günəşli zirvədir. Bu zirvə
bütün qitələrdən aydın görünür.
Bu zirvə fəthedilməzdir.
Leonardo da Vinçiyə eşq olsun»

S. Vurğun

Dünya mədəniyyəti tarixinə Leonar­do rəssam kimi daxil olmuşdur. Onun sənət əsərləri dünya mədəniyyətinin ən qiymətli əsərlərindən hesab edilir.
Leonardo Florensiyanın yaxınlığındakı Vinçi şəhərciyində varlı notarius ailəsində anadan olub. O, kiçik yaşlarından rəssamlığa böyük maraq göstərirmiş. Rəssamlıq sahəsində onun ilk müəllimi Florensiya rəssamı Andrya del Verrokkio olmuşdur. 1472-ci ildən 1482-ci ilə kimi Leonar­do Florensiyada yaşayıb-yaratmış, sonra isə Milan şəhərinə köçmüşdür. 1499-cu ildə Milan Fransızlar tərəfindən zəbt olunanda O, Florensiyaya qayıtmışdır.
1516-cı ildə Fransa kralının dəvəti ilə o, Fransaya köçmüş və 2 may 1519-cu ildə vəfat etmişdir.

Ardı →