Saçlarınızı çobanyastığı və lavanda dəmləməsi ilə yaxalayın

Saçlarımı hər dəfə yuduqdan sonra müxtəlif dəmləmələrlə yaxalayın. Əgər siz də saçlarınızına qulluq edirsinizsə çox asan və ucuz başa gələn dəmləmədən istifadə etməyi məsləhət görürəm.
Aptekdən quru çobanyastığı çiçəklərinin və ayrıca lavanda çiçəklərinin quru çay formasında olan növlərini alırıq. Mən adətən Herba Floranın çaylarından alıram.

Davamı →

Duzla saç maskaları

Duzla saç maskaları çox təsirli müalicəvi və profilaktik vasitədir.
Duz saç follikullarının aktivliyini stimullaşdırır, saçları möhkəmləndirir, kəpəklə və saç tökülməsi ilə mübarizə aparır, saçlara sağlam parlaqlıq və yumşaqlıq verir.Duz baş dərisinə skrab kimi təsir edir. Nəticədə dəri ölmüş hüceyrələrdən, artıq piydən azad olur ki, bu da öz növbəsində baş dərisinin qan dövranını yaxşılaşır.
Duz həmçinin güclü antiseptik xüsusiyyətlərə malikdir və bu səbəbdən baş dərisini daha sağlam edir.Dəniz duzu müxtəlif mikroelementlərlə zəngin olduğundan daha faydalıdır. Lakin dəniz duzu olmadıqda adi duzdan istifadə edə bilərsiniz.
Davamı →

Saç rənginin təbii və ucuz yollarla açılması

Havalar istiləşdikcə qızların çoxu saç rəngini dəyişmək istəyir. Saç rəngini təbii və ucuz yollarla açmaq istəyənlər üçün bir neçə maska resepti təqdim edirik.
Çobanyastığı
Bir qabı qaynar su ilə doldurun. Çobanyastığı çiçəyini 10 dəqiqə isti suda saxlayıb süzün, sonra soyumasını gözləyin. Maskanı təmiz saçlara çəkib 1 gecə saxlayın, ertəsi gün yuyun. Saç rəngini daha çox açmaq üçün maskanı  təkrar edə bilərsiniz. Çobanyastığı çayı eyni zamanda kəpəyin də qarşısını alır.
Davamı →

Güclü və sağlam saçlara sahib olmağın yolları - Dermatoloji Mütəxəssisi Həkim Ata Nejat Ertek

Sağlam və baxımlı saçlar üçün soyuq aylarda saçlarınızına daha çox diqqət göstərməlisiniz. Budur saç baxımınızda diqqət yetirməniz lazım olanlar məqamlar ...

Sağlam və gözəl saçlara sahib olmaq hər kəsin arzusudur. Dermatoloji Mütəxəssisi Həkim Ata Nejat Ertek mövzu ilə əlaqədar maraqlı məlumatlar verir.

Qış aylarında hava çox quru olduğu üçün saçlara daha çox diqqət göstərilməsinin lazımlı olduğunu vurğulayan Ata Nejat Ertek bildirir ki, «Tez-tez yumaq saçı qurudar, icələrək qırılmasına səbəb olur. Saçları 3 gündə bir yumaq böyük şəhərlərin çirkli havası səbəbi ilə məcburidir. Saç dibləri və saç üzərində olan turşu və qoruyucu lipid təbəqəni əritdiyi üçün saçınızı çox isti suyla yumayın. İlıq su istifadə edin, çünki sağlam saçlar üçün saçınızı ilıq su ilə yumağınız faydalıdır».

Saçı kip şəkildə yığmaq qopmasına səbəb olur.


Ardı →

Qış mövsümündə saç baxımı yolları

Qışda baca tüstüləri, ağırlaşan hava, yağış, qar və soyuq havalar sağlamlıqla bərabər saçlara təsirsiz ötüşmür.
Soyuq və quru havanın artıq olması daha çox saç kökünün qurumasına, zəifləməsinə və köhnəlməsinə təsir göstərir. Bu baxımdan qış mövsümündə saçlarımızın diqqətə və gözəl düzülüşə ehtiyacı var. Həmçinin külək və havada olan nəm nəzərə alınmaqla saç dərinliyi və saçlarınızın quruması probleminə diqqət yetirmək məsləhətdir. Saç quruluğu elektriklənmədən və ya pis görünüşlü saç saxlamaqdan ola bilər.    
 Onuda xüsusi ilə vurğulamaq lazımdır ki, havalar saç kökündəki nəmə də təsir edir. Buna görə bu aylarda saç baxımı üçün təbii və nəmləndirici effektə malik məhsullardan istifadə edə bilərsiniz. Daha çox baş nahiyəsini isti saxlamaq lazımdır. Tekstil məhsullarından istifadə edənlər isə bu məhsulların çox möhkəm və bağlı olmamasına, saçların nəfəs almasına və qan dövranının sağlam olmasına fikir verməlidir.
Bu sadə prosedurlar saçların yaxşı formada qalmasına kömək edir.

Onuda qeyd etmək lazımdır ki, saçları külək və soyuq havadan qoruyarkən oksigensiz tutduqda tökülmə, zəifləmə kimi əlamətlər ola bilər.

Ardı →

Saçları uzatmağın 8 üsulu

Saçlar orta hesabla ay ərzində 1-2 santimetr uzanır. Bu prosesi iki, üç dəfə sürətləndirmək mümkündürmü?

Qidalanma - Saçların əsas tikinti elementi və hüceyrələrin artımını sürətləndirən zülaldır. Gündəlik rasiona yumurta, balıq, süd və ət məhsulları əlavə edin. Omeqa 3, 6 və 9 yağ turşularını rasiondan əksik etməyin. Bu yağ turşularının ən əlverişli mənbəyi zeytun və kətan yağlarıdır. Bu yağları salatlara əlavə edin və ya qaşıqla için. Saçları A və E  vitaminləri, məsələn, kök, kələm və çuğundurla da uzatmağa cəhd edin.

Saçları uzatmaqla bağlı bir əla xəbəri də xanımlarla bölüşəcəyəm. Məlumdur ki, saçlar sinki sevir. Bu mineralın ən gözəl mənbəyi isə qabaq toxumları, mal əti və əlbəttə ki, şokoladdır. Bu, sevimli ləzzəti dadmaq üçün sanballı bəhanədir.

Təbii ki, gün ərzində 1,5 litr su içməyi də unutmayın.

Qidalanmanın effektini gözləməyən səbirsizlər isə əlbəttə ki, aptekdən saçları uzatmaq üçün mineral kompleks alıb qəbul edə bilərlər.

Saçlara qulluq vasitələri - Rəfiqələrinizin tövsiyələrinə, heyranlığına aldanıb şampun almayın. Bəlkə də onu xoşbəxt edən şampun sizi üçün əsl baş ağrısı olacaq. Şampun alarkən mütləq baş dərisinin tipini nəzərə alın. Piy vəziləri yaxşı işləyərsə, saç köklərinin inkişafı dayanmaz. Saçları ağırlaşdırmamaq üçün tərkibində silikon, paraben olmayan şampunlara üstünlük verin. Kondisionerlər, balzamlar və maskalar saçların kövrəlməsinin, qırılmasının qarşısını alır. Yağlar isə əksinə uzanmasına yardım edir. 4-6 aydan bir saçları uzadan xüsusi şampunlardan, kapsullardan istifadə etmək olar.  Bonus qismində isə peşəkar tonik və ya zərdab alın.


Ardı →

Saç tökülməsinin qarşısı almağın yolları

1. Qan dövranını sürətləndirmək və saç köklərini canlandırmaq üçün zeytun yağı və ya hindistan qozu yağı ilə saç dərinizi masaj edin. Saçlarınızı duruladıqdan sonra ilıq su ilə masaj etmək saç dökülməsinin qarşısını almaq və saçlarınızın uzanması üçün olduqca faydalıdır.

2. Saç dökülməsinin müalicəsində istifadə olunan əsas üsullardan biri də alma püresi ilə hindistan qozunun yağından hazırlanmış qarışıqdır. Bu qarışıq saçların uzanması, quru və qaşınan saç dərisinin müalicəsi üçün istifadə edilir. Qarışımı saçınıza vurduqdan sonra başınızı bağlayın və sabaha qədər gözləyin. Səhər yüngül bir şapun ilə saçlarınızı yuyun və soyuq su ilə durulayın. Bu işi hər həftə təkrarlayın və nəticəni öz gözlərinizlə görəcəksiniz.

3. Gücsüz və tez-tez qırılan saçların müalicəsində ən çox sardinya bitkisinin yarpaqlarından istifadə edilir. Sardinya bitkisinin yarpaqlarını 15-30 dəqiqə qaynar suyun altında ağarana qədər saxlayın. Sardinya yarpağının suyunu süzün və bu su ilə həftədə ən azı iki dəfə saçlarınızı şampun ilə yuduqdan sonra durulayın.


Ardı →

Saçlarınızın rəngi və quruluşu haqqınızda nə deyir?

Psixoloqların fikrincə, insanın saç rəngi, forması onun xasiyyətindən xəbər verir. Əgər sevdiyiniz insanı daha yaxşı tanımaq istəyirsinizsə, onun saç rəngini yadınıza salın və aşağıdakı uyğunluqları oxuyun.
* Tünd qara rəngli saç sahibləri – qənaətcil və sərt insandırlar. Saturunun təsiri altında olan bu insanlar iradəli və güclü xarakterlərinin sayəsində əksər istədiklərinə nail olmağı bacarırlar. Dostlarına və sevgililərinə qarşı xüsusi həssaslıqla yanaşan bu insanlar eyni zamanda çox qısqancdırlar.
* Açıq qara saçlılar – yaradıcı, cəzbedici və qorxmaz insanlardır. Plutonun enerjisi qara saçlılara güc, qüdrət verir. Nə qədər güclüdürlərsə, bir o qədər də təvazökardırlar. Daim yeniliklərə can atan bu saç sahibləri tez-tez sevgili dəyişirlər.

* Xurmayı saçlılar – Onlar çox qısa zamanda ətrafdakıların etibarını qazana bilirlər. Comərd və sadiqdirlər. Sadiqliklərini ailə həyatında da sübut edən bu insanlar həm də xoşbəxt ailə sahibidirlər.
* Şabalıdı saçlılar – Yupiterin enerjisi altında olan bu şəxslər həm hakim olmağı, həm də hakimiyyətdəkilərə təsir göstərməyi əla bacarırlar. Buna görə də siyasət sahəsində özlərini sınadıqda böyük uğurlar əldə edirlər. Münasibətlərində də ipləri öz əllərinə almağı bacarırlar.
* Kürən saç sahibləri – Marsın alovlu enerjisi üzərlərində olan bu kəslər seçdikləri istənilən sahədə uğur əldə edə bilərlər. Yumor hissləri güclü olan bu insanlar, hətta ən çıxılmaz vəziyyətdə belə bu bacarıqlarından istifadə edib etrafa müsbət enerji ötürürlər. Bu şəxslərlə münasibət yaşamaq olduqca maraqlı və əyləncəlidir.
* Qızılı saçların sahibləri – Günəş enerjisinin daşıyıcılarıdırlar. Ətrafdakıların diqqətini asanlıqla özlərinə çəkə bilirlər. Özlərinin mükəmmələ yaxın olduqlarını düşünən bu insanlar daim ideal sevgili axtarışında olurlar.
* Parıltılı sarı saç sahibləri – Bu insanlar romantiklikləri və zəriflikləri ilə digərlərindən seçilirlər. Bir çox paranormal (qeyri-adi) bacarıqları olan bu insanlar özləri də bunun fərqinə çox gec varırlar. Daha çox standartdan kənar münasibət yaşamağı sevirlər və belə münasibət qura biləcəkləri insan axtarırlar.

Bəs saçının quruluşu onun haqqında nə deyir?

Saçlar nə qədər sərt, sözə baxmayandırsa, insan da ən az o qədər inadkar və davakar biridir. Bunun əksinə olaraq əgər onun saçı ipək kimi yumuşaqdırsa, deməli siz zərif, tez yolagələn tərəf müqabili ilə birlikdəsiniz.
P.S Ancaq bu o demək deyil ki, saçları bu rəngdə, bu formada olan insanlar mütləq yuxarıda sadalanan xarakterin sahibirlər. Sözsüz ki, istisnalar həmişə var.
 
Davamı →

Saçlara qulluq- sadə tövsiyələr

Saçların sağlam olmasında əhəmiyyətli faktorlardan biri saç tipinə uyğun gələn məhsullarından istifadə edilməsidir. Bunun üçün ilk nöbədə saç tipini müəyyənləşdirmək əsasdır.  Saçların incəliyinə, qalınlığına, normal  olmasına da diqqət edilməlidir. 

Bəzi insanların saç dərisi yağlı olur. Həmin insanlarda saçların uc qisimləri saç dərisinə nisbətən quru olur. Saç dərisinin necəliyi müəyyən edildikdən sonra saç dərisinin növünə görə  şampundan istifadə etmək olar.
Quru saç ucları üçün isə lazımi məhsullar seçilməlidir. Saçları yuduqda sabundan istifadə etmək olmaz. Bu saç tellərinin qurumasına və üstündəki kiçik canlı hüceyrələrin ayrılmasına səbəb olur.

Saçları möhkəm tokalarla yığmaq, saç teli hüceyrələrinin sıxışmasına gətirib çıxarar və saçları qırır. Saçları  gərgin bir şəkildə yığmaq müəyyən bir zamandan sonra alında və gicgahlarda saç tökülməsi probleminə səbəb olar.  Bu baxımdan açıq buraxaraq saç telləri və dəri hüceyrələrinin hava almasını təmin etmək  lazımdır.

Saçları daradıqda nəmli və ya yaş olması da önəmlidir. Çünki, saçların quru halda daranması onların qırılmasına və zaman içində qurumasına səbəb olar. Bundan əlavə saçlara zərər verməyən saç daraqları və ya fırçaları almaq da vacibdir. 


Ardı →

Çətin uzanan saçlar üçün təbii üsül

Bəzi insanlarda saçlar gec uzanır. Bunun yaxşı qidalanmamaq, hava çirkliliyi, genetik faktorlar kimi bir çox səbəbi ola bilər. Qadınlar üçün bu vəziyyət olduqca cansıxıcıdır.

Mütəxəssislərin fikrincə saçların uzanmasına sağlam qidalanmaq, bol su içmək və stressdən uzaq olmaq da təsirlidir.

Bütün bunların yanında evdə təbii üsullarla saçları daha sürətli uzatmaq olar.

Çətin uzanan saçlar üçün:

— 1 qəhvə fincanı zeytunyağı
— 1 çay qaşığı cəfəri toxumu yağı
— 1 çay qaşığı gicitkən toxumu yağı
— 1 çay qaşığı kətan toxumu yağı
— 1 çay qaşığı çörəkotu yağı lazımdır.

Bunlar qarışdırılıb isti su dolu bir qabın üzərinə qoyulub qızdırılır. Alınan qarışıq saç diblərinə sürtülür. Daha sonra 3 və 8 saat-a qədər gözlətdikdən sonra saç tipinə uyğun şampunla yuyulur. Bu prosedur saçların uzanmasına kömək edir.


Davamı →