Münasibətləri yoluna qoymaq üçün məsləhətlər

Söhbət edin
Gündəlik işlərdən söhbət etməyə vaxt olmur. Uşaqlarla, alış-veriş siyahısı və günün dedi-qoduları ilə bağlı ayaqüstü danışa bilirik. Necə olduğunuzu, ruh halınızı və dərdləşməyə vaxt tapa bilmədiyiniz anlar olursa, günah sizdədir. Dərdləşmək və söhbət etmək üçün vaxt ayırmalısınız və bu sizin öz əlinizdədir. 

İki həftədən bir bir neçə  saatınızı həyat yoldaşınızla söhbət edib, dərdləşməyə sərf edin. Lakin bu müddət ərzində evliliyiniz və bir-birinizin duyğusal istəkləri xaricində olan mövzulardan uzaq durmalısınız. 

Güahlandırmaqdan vaz keçin 
Özünüzü kök hiss edirsinizsə, bu onun günahı deyil. “Məni daha tərifləyib xoş sözlər demirsən!” kimi günahladırıcı cümlələr qurmayın. Bu cümlələrin əvəzinə, “Hamiləlik kilolarından xilas olmadım. Məni əvvəlki kimi cazibədar hesab etməyin üçün dəstəyinə ehtiyacım var”  deyə bilərsiniz. Əgər yeməyi daha çox sevirsinizsə, kişinin diqqətsizliyini başa düşmək olar. Odur ki, yeməklərinizə fikir verin. 
Ardı →

Birgə yaşayışın tərs üzü

Sağlamlığınızın həyat yoldaşınızdan asılı olduğu haqda heç düşünmüsünüz?
Birlikdə yaşadığınız insanın həyat tərzi və xasiyyəti sizə də təsirsiz ötüşmür. Gəlin bu zərərlərə diqqət yetirək:

Onun stressi sizin təzyiqinizi qaldırır
Nottinqhem Universitetinin araşdırmasına görə, daima stress içində olan biri ilə yaşamaq yüksək təzyiqə yol açır. Bu da öz növbəsində ürəyin zəfiləməsinə səbəb olur. 
Stanford Univeristeti stressli insanlara həftədə ən azı 30 dəqiqə idman etməyi məsləhət görür. Yəni sizlə vaxt keçirməkdənsə, dostları ilə futbol oynamağı daha xeyirlidir.

Onun yuxusuzluğu sizi kökəldir
Kökəlməyə yol açan şeylərdən biri də yuxusuzluqdur. Gündə 8 saat yatmayan, qısa yuxularla kifayətlənən insanlarda maddələr mübadiləsi zəifləyir. 
Əgər yuxusuzluqdan əziyyət çəkən biri ilə birlikdə yaşayırsınızsa, onunla eyni vaxtda yatmağınız sizin də yuxu sisteminizi pozur. Həkimlər məsləhət görür ki, yatmamışdan əvvəl banan və ya xurma yeyin ki, yuxunuz tez gəlsin.

Ardı →

Tərbiyə və stress

Hər uşağın tərbiyəsində istər atanın, istərsə də ananın «nizam-intizamına» böyük ehtiyac var. 
Ancaq ailə daxilində daha sistemli və daha prinsipli bir həyat üçün tətbiq edilən bu «nizam-intizam»dan yerində və vaxtında istifadə edilməlidir. Əks halda, bu sahədə atdığınız hər addım faydalı olmaq əvəzinə ziyanlı ola bilər.  
Ata-anaların «nizam-intizam» məsələsində yol verdikləri səhvlərdən biri də gün ərzində yaşadıqları stresi və bu streslə bağlı yaşadıqları yorğunluğu öz uşaqlarına əks etdirmələridir. Halbuki, belə vəziyyətdə, istər ata olsun, istər ana, sağlam düşünə bilmir və bir qayda olaraq daha çox «hücuma keçməyə» üstünlük verir. Buna görə də, ata-analar uşaqları ilə bağlı problemlərə stresli olduqları vəziyyətlərdə «reaksiya verməməli», ya da «reaksiya vermək» və ya «xəbərdarlıq etmək» kimi bir zərurət varsa, bu vəziyyət keçənə qədər gözləməlidirlər. Bir də unutmayın ki, mövcud bir problemə qarşı dərhal «reaksiya versəniz», uşağınız da təbii olaraq, sizin istədiyiniz nəticənin əksi olan bir nəticəyə gətirib çıxaracaq. Ancaq problemə o vaxt deyil, başqa bir vaxt reaksiya verdikdə, uşağınız bunu müsbət qarşılayacaq və üstəlik, mövcud problemi bir daha təkrar etməməyə çalışacaq. 


Ardı →

Ailədə hörmət qaşılıqlı olmalıdır

munasibətlərHəyat yoldaşımıza necə hörmət etməliyik? Həyat yoldaşına hörmət etmək nə deməkdir? 
Əgər istəyirsinizsə, məsələyə bu sualın cavabından başlayaq. Bir çox ailələrdə hörmət məfhumunu düzgün başa düşmürlər. Məsələn, bəziləri hörməti həyat yoldaşı üçün «hər şeyə hazır olmaq» kimi qəbul edirlər. Halbuki, hörmət təkcə qadınlara yox, hər iki tərəfə aiddir. Və təbii ki, bunun üçün tərəflər bir-birilərini tam mənası ilə qəbul etməlidirlər. Hörmət müəyyən vaxtlarda yox, həyatın bütün mərhələlərində olmalıdır. Danışarkən hörmət, dinləyərkən hörmət, münasibətdə hörmət, ünsiyyətdə hörmət və s.

Bir az əvvəl də qeyd etdiyimiz kimi hörmət tərəflərin bir-birilərini qəbul etməsindən çox asılıdır. Tərəflər bir-birilərini xəbərdarlıq etmək və ya müsbət mənada tənqid etmək hüququna malikdirlər. Bu da çox təbiidir. Ancaq bir tərəfin qarşı tərəfi qəbul edə bilməməsindən irəli gələn mənfi tənqidlər hörmətsizlik səviyyəsinə çata bilər ki, bu da hər iki tərəf üçün təhlükəlidir.
Elə isə həyat yoldaşımıza necə hörmət etməliyik? Hər şeydən əvvəl hər hansı bir hadisə qarşısında özümüzü həyat yoldaşımızın yerinə qoyub o şəkildə reaksiya verməliyik.


Ardı →

Boşanmaq istəyirsiniz?

Boşanmaq istəyirsiz? Elə isə bu topik  tam sizlikdir.
Son günlər az qala dəb halına çevrilmiş boşanmaların sayı günü-gündən artmaqdadır. Əlbəttə mənim fikrim onları qınamaq, ya da nədəsə təqsirkar bilmək deyil.
Əminəm ki, heç bir insan ayrılmaq üçün ailə qurmur. Əlbəttə hər kəsin özünə görə  səbəbləri olur. Bəzən istəyərək, bəzən də istəmədən boşanmaq məcburiyyətində qalır.
Mən indi boşanmaya gətirən səbəbləri araşdırmayacaq, boşanmayın deyə təkid etməyəcək, nə də bunun mənfi tərəfləri haqqında danışmayacam.
Əslində, siz özünüz bunları hamıdan yaxşı bilirsiz. Çox zaman da elə bildiyimiz şeylər üzündə əziyyət çəkirik, amma işləri yoluna qoya da bilmirik.
Ardı →

İlk addımı siz atın

«Evinizdə bir problem olduqda onu həll etmək əvəzinə kənarda dayanmağamı üstünlük verirsiniz?»
"
Hər dəfə mübahisəniz düşdükdə barışmağı birinci həyat yoldaşınızdanmı gözləyirsiniz?"
Əgər bütün bu suallara cavabınız müsbətdirsə, sizin üçün ailə səadətindən danışmaq hələ tezdir.

Bəzi qadınlar “ilk addım həmişə kişilərdən gəlməlidir” fəlsəfəsinə üstünlük verirlər. Bu, onlara görə, ailədə tərəflər arasında meydana gələn inciklikləri aradan qaldırmaq, əlamətdar günləri xatırlamaq, sürprizlər hazırlamaq, hər hansı bir problemi həll etmək və s. ola bilər. Təbii ki, bu vəziyyətdən sui-istifadə edənlər də var. Üstəlik, bəzi kişilər də eyni cür səhvlərə yol verirlər. Halbuki ailədə tərəflərdən biri geri addım atsa, tarazlıq pozular. Bu isə gələcəkdə həlli mümkün olmayan problemlərin meydana çıxmasına səbəb olar. Beləliklə, illər keçdikcə tərəflər bir-birindən daha çox şey gözləməyə başlayar.

Digər tərəfdən, ailədə tərəflər arasında fərqli fikirlərin olması da təbiidir. Məsələn, sizə görə problem olan bir məsələ həyat yoldaşınıza adi bir şey kimi görünə bilər. Belə olduqda o, sizdən üzr istəməkdən də imtina edər.
Bütün bu səbəbləri nəzərə alaraq ilk addımı həyat yoldaşınızdan gözləməyin. Əgər həll olunacaq bir məsələ varsa, ilk addımı siz atmağa çalışın. Çünki bu məsələdə itirdiyiniz hər dəqiqə ailə həyatınızı təhlükə altında qoya bilər. 


Davamı →

Allahın valideynlərə əmanəti | Uşaqlar

Yaxşı övlad böyütmək valideynin borcu olmaqla yanaşı, həm də sabahının zəmanətidir. Yaşlı valideynindən imtina edən, bəzi hallarda isə onu küçəyə atan övladı Allah heç kəsə qismət eləməsin.
Yaxşı övlad böyütmək hər kəsin arzusu olsa da, hər kəsin qisməti deyil. Ola bilsin valideyn övladının tərbiyə işində doğru-düzgün davranır, hər şeyi olduğu kimi yerinə yetirir, amma nəticə istədiyi kimi olmur. Bəziləri isə övlada çəkilən zəhməti gələcəyə verilmiş borc kimi dəyərləndirir, yəni “bu gün mən sənə baxaram, sabah sən mənə baxarsan”. Bu baxış  kökündən yanlışdır. Çünki sabah kimin nə edəcəyi səni düşündürməməlidir, bu gün sən öz boynuna düşən borcu layiqincə yerinə yetirməlisən. Axı övlad əmlak deyil, əmanətdir. Bu həqiqəti dönə-dönə düşünmək və öz ruhuna, duyğularına hopdurmaq çox vacibdir. Əmanətdir dedik, sizə heç təəccüblü gəlməsin. Evləndiniz, heç xərciniz, borcunuz da çıxmadı, bir də gördünüz ki, gül kimi övladınız dünyaya gəldi.
Ardı →

Əxlaqi normalar

      Təəssüflər olsun ki, nikah anlayışı artıq çoxdan təhrif olunmuş, həyat yoldaşlarının vəzifələri haqqında təsəvvürlər zəifləmiş və ər-arvad münasibətlərinin müqəddəsliyi alçaldılmışdır. ALLAHIN insandakı surəti bu cür təhrif olunur və əzablar və şər üçün qapılar açılır.

      Əxlaqsızlıq indiki dünyada baş qaldırmış başlıca günahdır.İndiki kimi heç vaxt əxlaqsızlıq öz mənfur başını bu cür kobud şəkildə qaldırmamışdır. Görünür, insanlar çaş-baş vəziyyətdədirlər və xeyirxahlığı sevənlər əxlaqsızlığın kobudluğu, gücü və vüsəti qarşısında aciz qalmışdırlar.
Ardı →

Tarazlıq pozulanda

ailəBəzi ata-analar övladları ilə olan münasibətlərinin “ideal” olduğunu düşünürlər. Bəlkə də bunu həmin valideynlərə görə normal saymaq olar. Bəs uşağa görə necə, normal saymaq olarmı? Təbii ki, bu məsələni bir qədər ciddi-ciddi, dərindən düşünmək lazımdır.

Uşaq üçün əsas məsələ atanı “ata” kimi, ananı isə “ana” kimi görməkdir. Təbii ailə modelində ana “şəfqəti”, ata isə “nüfuzu” təmsil etməlidir. Ancaq bəzən ata-anaların ailə daxilindəki bu rolları dəyişir və bu da ailədə, necə deyərlər, tarazlığın pozulmasına səbəb olur.
Ata ailədə “nüfuzu” təmsil etsə də, bu “nüfuz” məcburi şəkildə olmamalıdır. Başqa sözlə, bu “nüfuz” ataya ailə tərəfindən könüllü şəkildə verilməlidir. Məcburi şəkildə əldə edilən “nüfuz” ailə daxilində tarazlığın pozulması deməkdir. Digər tərəfdən, bu “nüfuz” zorakılıq kimi də qəbul edilməməlidir.
Ana isə ailə daxilində “şəfqətin” təmsilçisidir. Ancaq təəssüf ki, bəzi hallarda ananın bu rolda çıxış etməsi passivlik kimi qiymətləndirilir. Bu isə ananın bu rolunu yerinə yetirməsində psixoloji maneəyə (ya da maneələrə) səbəb olur. Beləliklə, ana “şəfqət”ə deyil, “nüfuz” roluna üstünlük verir. Nəticə etibarilə bu proses zaman keçdikcə ailədə tarazlığın pozulmasına səbəb olur. Buna görə də istər ata, istərsə də ana, nə olursa olsun öz rolundan kənara çıxmamalıdır. Çünki uşaqların ata kimi atalara, ana kimi analara ehtiyacları var.


Davamı →

Həyat yoldaşınız dostunuzdurmu?

Həyat yoldaşınıza etibar edirsinizmi? Bu, evli insanları düşündürən ən ciddi suallardan biridir. Burada etibar kəlməsini “sədaqət” mənasında işlətmirik. Demək istədiyimiz odur ki, sirrinizi həyat yoldaşınızla paylaşırsınızmı? Həyat yoldaşınız heç kimə demədiklərini sizə söyləyirmi? Yoldaşınıza qarşı nə qədər səmimisiniz?

Əlbəttə, ən yaxşısı odur ki, həyat yoldaşımızla aramızda dostluq münasibətləri olsun. Ancaq yaxşı bir dost olacağımız təqdirdə, ona etibar edib həyatımıza dair ən məhrəm məlumatları onunla paylaşa bilərik. Yəni başqa insanlardan gizlətməyə çalışdığımız şəxsi məlumatlara ancaq həyat yoldaşımızı ortaq edə bilərik. Lakin tərəflərdən birinin niyyəti xoş deyilsə, onda mübahisə zamanı həyat yoldaşının yalnız ona söylədiyi sirləri açıb hər kəsə deyə bilər. Belə zamanlarda qarşı tərəfi ittiham edən ifadələrin ardı-arası kəsilməz. Halbuki ailə üzvləri bir-birilərinə hamıdan daha çox etibar etməlidir. Əgər tərəflər ailə içərisində bir-birilərinə etibar etməsələr, o zaman fikirlərini paylaşa biləcəkləri başqa insanları axtarmağa başlayacaqlar. Bu da ailənin bütövlüyünə zərər verəcək. Bu baxımdan tərəflər bir-birilərinin sirdaşı olmalıdırlar.


Ardı →