Kayzen

Sonsuz sorğular və yeniliklər müştərini şirkətinizdən uzaqlaşdıra bilər. Və bu zaman xidmətlərin genişləndirilməsinə edilən xərclər özünü doğrultmayacaq.
 
Hər kəs bilir ki, xidmət müştərinin qorunub saxlanılması zamanı vacib tərkib hissələrindən biridir. Müştəriyə sadəcə məhsul satmaq azdır. Məhsulunuzun növbəti dəfə satışını, zəmanətli təmiri, müvafiq məhsul və xidmətlərin satışını, qarışıq məhsul satışını təmin etmək lazımdır. Bir sözlə, müştərini brend və şirkətinizin tərəfdaşına çevirməyə nail olmaq gərəkdir. Bütün bu tapşırıqları bir qayda olaraq müştəriyə xidmət həll edir. Biznes müştəri davamiyyətinə nail olmaq üçün qulluq məsələsinə əhəmiyyətli pul yatırır. Bəs bu həmişəmi yaxşı haldır?
Davamı →

Yəqin ki, hər birinizin şkafında mağazadan evə gətirdiyi, lakin bir dəfə belə geymədiyi geyim var. Təəssüflər olsun ki, bir çoxumuz sözün əsl mənasında bizə lazım olmayan əşyaları, yaxud geyimləri almağa meyilliyik. Bu geyimləri geyməməyimizin bir çox səbəbi ola bilər. Ölçüsü artıq sizə uyğun gəlmir, dəbdən düşüb və yaxud sevmədiyiniz rəngdədir. Əslində, səbəb elə də maraqlı deyil. Əsas olan odur ki, o artıq qarderobumuzda lazımsız şəkildə mövcudluğunu davam etdirir. 

Amerikalı psixoloq Kit Yarrou nəyə görə impulsiv, yəni düşünülməmiş alış-veriş etdiyimizi izah edir və bununla necə mübarizə aparmalı olduğumuzu izah edir.
Davamı →

Heç kimə sirr deyil ki, alıcıların loyallığını qazanmaq bir qədər çətindir. Bunun üçün çox və gərgin işləmək lazımdır. Lakin bu hələ kifayət etmir: müştərini necə qoruyub saxlamağı, onu necə “daimi” etməyi bacarmaq və onun sizə dəfələrlə yenidən geri dönməsinə nail olmaq lazımdır.

Stabil keyfiyyəti qoruyun
Stabillik dəyişməz olaraq müştəriləri cəlb edən amillərdən biridir. Onlar sizin mağazanıza gəldikdə və yaxud sizin xidmətinizdən yararlandıqda məhz istədikləri məhsul/xidmət ilə qarşılaşacaqlarına əmin olsalar mütləq olaraq vəfalı müştərinizə çevriləcəklər. Məsələn: dünyanın istənilən ölkəsində McDonalds restoranına getsəniz, burgerin dadı eyni olacaq. Bu standartlaşdırma və stabil keyfiyyət etalonudur.
Davamı →

Bəyəndiyiniz məhsulu sizə ən uyğun qiymətə almaq üçün dörd məsləhətdən yararlana bilərsiniz.

1. Qiyməti endirməyin mümkün olub-olmadığını araşdırın:
Qiymət endirməyin hətta xoş qarşılandığı ölkələrdə belə bəzən bunu hər yerdə etmək mümkün olmur. Xoşagəlməz vəziyyətə düşməmək üçün qiymət “öldürməyə” başlamazdan əvvəl satıcının sizin şərtlərinizə hazır olduğuna əmin olun. Bunun üçün almaq niyyətində olduğunuz məhsula işarə edərək “Əla məhsuldur, çox istərdim almağı, lakin çox bahadır” demək kifayətdir. Məhsulu nisbətən ucuz qiymətə satmaq mümkün olduğu təqdirdə, satıcı özü sizdən nə qədər ödəməyə hazır olduğunuzu soruşacaq və yaxud daha əvvəl qeyd etdiyi qiymətdən bir qədər aşağı qiymət deyəcək.
Davamı →

Qadınların istehlak sektorunun əsas alıcısı olduğu və kişilərdən daha çox pul xərclədikləri hamımızın bildiyi və qəbul etdiyi həqiqətdir. Amma son zamanlar aparılan araşdırmalar göstərir ki alış-veriş edən qadınlar kişilərdən daha duyğulu davranırlar.

Makiyaj: Gözəllik sektoru bu gün ən çox gəlir əldə edən sahələrdəndir. Ən çox satılan kosmetik məhsul isə kirpik üçün tuşdur. Deməli, qadınlar seksual baxışlara sahib olmaq üçün tuşa böyük ehtiyac duyurlar. Daha sonra onu göz qələmi və pomada izləyir. Ən çox alış-veriş edən qadınlar 24-35 yaş arasında olanlardır. Dodaq qələmi isə 18-24 yaş arası qadınların aldığı kosmetik vasitədir. Araşdırmalara görə, 45 yaşdan yuxarı 31% qadın makiyaj etməyi dayandırır.
Davamı →

Azərbaycanda ən yaxşı internet-maqazin olmaq. Məhz bu məqsədi alsevin.az saytının yaradıcıları öz qarşılarına qoyublar.

Saytın adı yaddaqalandır: Al+sevin=alsevin.az. Bir tərəfdən sayt çox sadədir və xarici  xarici internet-dükanlarda olan mürəkkəb funksiyalar burda yoxdur. Digər tərəfdən saytın dizaynı fərqlidir və insanı darıxmağa qoymur.

Alsevin.az saytının yaradanlar haqqında səhifəsində özləri haqqında yazılıb. Değerli dostum kardeşim Süleyman Dəmirəl Tural Kərimovun da üzərində çalışdığı bu layihənin uğurlu olacağına əminəm.

Bakı daxilində çatdırılma pulsuzdur. Özünüzə yaxud başqasına hədiyyə almaq istəsəniz, ən yaxşı internet-mağazaya üz tutun. Ucuz qiymət, pulsuz çatdırılma, online ödənişin yer aldığı alsevin.az saytı onlayn-maqazinlər içində ən qabaqcıl yerlərdən birini tutacaq.

Ardı →

«Yaxşı qızlar əsəbləşəndə ağlayırlar, pis qızlar içirlər, ağıllı qızlar isə mağazaya alış-verişə yollanırlar...»
Psixoloqların sözlərinə görə, tibbdə bu xəstəliyin bir neçə adı var. Daima nəsə yeni bir şey almaq istəyənlərin xəstəliyi şopomaniya, şopoqolizm, şopinqparanoya və onyomaniya adlanır. Bu cür insanların hər şeyləri olsa da, onlar daim alış-verişə ehtiyac duyurlar. Bu həm psixoloji, həm də nevroloji bir problemdir.
Psixoloq Azad İsazadənin fikrincə, şopomaniya adlı xəstəlik daha çox qadınlarda təzahür edir. Onlar daim mağazalardan nəsə almaq istəyirlər. Belə insanlar hətta sonuncu qəpiklərini belə mağazada xərcləməkdən çəkinməzlər.

Ardı →

İngiltərədə qadınların sevdikləri paltarları alarkən özlərinə bəraət qazandırmaq üçün dilə gətirdikləri bəhanələri araşdırılıb.
Məlum olub ki, hər 4 qadından 3-ü özünü əlindəki pulu həddən çox xərcləməkdə günahkar sayaraq alış-verişdən sonra hərəkətlərini müdafiə etməyə çalışır. Qadınların üçdə ikisi evə döndükləri anda pul xərclədikləri üçün peşman olur, dörddə biri isə təlaşdan tərləyir. Hər 3 qadından biri həyat yoldaşına aldıqları paltarların real qiymətini söyləmir, beşdə biri aldığı paltarı bir müddət gizləyir.
Bu araşdırmanı  “promocodes.co.uk” moda saytı 3 min qadın arasında aparılıb.

Ardı →

ABŞ-ın «Nyu-York Deyli» qəzetinin araşdırmalarına əsasən qadınlar ömürlərinin üç ilini mağazalarda keçirirlər. Mərkəzin keçirdiyi sorğuda iştirak edən iki mindən çox qadının hər birinin bütün ömrü boyu mağazalarda alış-verişə orta hesabla 25 min 200 saat sərf etdiyi aydın olub.
Qadınlar göstərilən vaxtın çox hissəsini təzə paltar, ayaqqabı və aksessuarlar axtarışına, təxminən dörddəbirini isə ərzaq alverinə sərf edirlər. Zərif cinsin nümayəndələri il ərzində mağazalara 300 dəfədən çox baş çəkir, buna 400 saat vaxt sərf edirlər. Onlar il ərzində təkcə baqqaliyyə mağazalarında 95 saat vaxt keçirirlər. 


Davamı →

Alış-verişi sevməyən qadın yoxdur. Zərif cinsin nümayəndələri onlarla paltarı, zinət əşyası, ayaqqabısı olmasını arzulayır. Onların fikrincə geyim nə qədər çox olsa, bir o qədər yaxşıdır.
Amma gəlin düşünək, alınan bu qədər şeyə doğurdan ehtyac var? Təbii ki, yox. Külli miqdarda pul xərclənərək alınan bəzi geyimlər, aksesuar, ayaqabbı və çantadan elə olur ki, 1 və ya 2 dəfə istifadə edilir.
Bəzi qadınların bu qarşısıalınmaz alış-veriş həvəsini azaltmaq üçün məsləhətə ehtiyacı var.

Ardı →