Ana südü uşağın cinsinə görə fərqli olur

Harvard Universitetinin araşdırmalarına əsasən məlum olmuşdur ki, analar uşağın cinsindən asılı olaraq fərqli süd istehsal edirlər.

Mütəxəssislər ilk öncə südverən 1,5 million inək üzərində müşahidə aparmışdırlar. Məlum olmuşdur ki, dişi dünyaya gətirən inəklər erkək gətirənlərə nisbətdə 453 litr daha çox süd istehsal edirlər. Çünki, dişi inəklərin reproduktiv yaş hədləri daha aşağıdır. Bu səbəbdən daha tez böyüyərək daha çox törəmək imkanları olacaqdır.
Davamı →

Uşaqlı ananın mətbəxdə işini asanlaşdıracaq 10 qızıl məsləhət

Sizcə bir qadın üçün ən çətin sual hansıdır? – “Görəsən bu gün nə bişirim?”. Balaca körpəsi olan ananın isə bəzən nəinki bu suala cavab verməyə, heç bəlkə bu sualı ağlına belə gətirməyə zamanı olmur. Bəs evdə “aclıq böhranı” baş verməsin deyə neyləmək olar?

1. Sadə, asan yeməklər hazırlayın və yeməyi uşaq oyaq ikən bişirin. Onu yanınızda yelləncəyə, kürsüyə və ya avtokürsüyə yerləşdirin. Əlinə oyuncaqlar, qab-qacaq verin, özü üçün əylənsin. Yeməyi bişirə-bişirə onunla oynaya və beləliklə iki quşu birdən vurmuş olarsınız: həm yeməyiniz hazır olar, həm də uşaq yatacağı zaman istirahətə sərf etməyə vaxt udarsınız.

2. Hansı ərzaqların və qidaların soyuducuda neçə müddət saxlanılması barədə məlumat toplayın və yeməyi 2-3 günlük bişirin. Beləcə, hər gün yemək bişirmək məcburiyyətində olmazsınız.
Davamı →

Ana olduqdan sonra işə çıxan xanımlara məsləhətlər

  • Qadın
Ana olduqdan sonra yenidən işə dönmək bəzən qorxunc görünür. Bu möhtəşəm kiçik varlıq artıq həyatınıza daxil olub və siz ona heç kimə olmadığı qədər bağlısınız. Üstəlik, az müddətdir birlikdə vaxt keçirmisiniz və artıq işə dönmək məcburiyyətində olduğunuz üçün ayrı qalacaqsınız.

1. Mümkünsə iş saatlarınızı azaltmağa çalışın
Əvvəlki kimi çox və gərgin işləmək yerinə, daha az çalışın. Hətta mümkündürsə, iş saatlarınızı və günlərinizi azalda bilərsiniz. Bir digər variant isə təkrar işə çıxmazdan əvvəl periodik olaraq uşaqdan ayrı vaxt keçirin. Bu halda onu və özünüzü bu ayrılığa alışdırmış olarsınız.

2. Zəng edin və nə etdiyini öyrənin
Əgər gün ərzində nə etdiyi ilə bağlı narahatlıq keçiririsinizsə, hətta bu narahatlıq size işləməyə qoymursa zəng edib onunla maraqlana bilərsiniz. Bunda səhv heç bir şey yoxdur. Onunla kim maraqlanır maraqlansın, sizing bu addım pis yozulmaz, çünki siz bir anasınız.
Davamı →

Yalnız anaların anlayacağı 30 hal

  • Qadın
Hamilə xanımlar müxtəlif hisslər keçirir, adi insanlardan fərqlənirlər. Özləri də bilmədən başqa bir dünyanın sakininə çevrilirlər. Ana olduqdan sonra aşağıda qeyd olunan hallar sizin də başınıza gələ bilər.

1.
Uşaq olduqdan sonra evdə film izləmək təxminən beş saat davam edir.

2. Yeməklərinizi çox sürətlə yeyirsiniz.

3. Sevişərkən körpəniz ağlamaya bilər və sizi izləyər.

4. Körpənizi digərlərilə müqayisə edəcəksiniz və onun ən mükəmməl olduğuna inanacaqsınız.

5. Bahalı kimi görünən oyuncaqlar qarşısında xoşbəxt bir körpənin qiymətsiz olduğunu düşünəcəksiniz.

6. Körpəniz sizi təqlid etmək istədikdə bahalı elektron əşyaları ona vermək məcburiyyətində qalacaq və zərər verməməsi üçün dua edəcəksiniz.

7. Ailənizin kömək edəcəyini düşünəcəksiniz, ancaq gözlədiyiniz yardımı görə bilməyəcəksiniz.
Davamı →

Qardaşın valideyninə etdiyi qayğı Allah dərgahında sənin ibadətindən daha yüksəkdi.

 İki qardaş var imiş. Bunların qayğıya möhtac anaları da var imiş. Hər gecə qardaşlardan biri ananın xidməti ilə məşğul olur, digəri ibadətlə məşğul olardı… Bir axşam, ibadət edən qardaş etdiyi ibadətdən aldığı həzz və mənəvi rahatlığı hiss edib qardaşına deyir: 
— Bu gecə də anama sən qulluq elə, mən ibadət edim. 
— Qardaşı təklifi qəbul edir. İbadət edərkən yuxuya gedən qardaş yuxuda bir səs eşidir. Səs ona: 
— Qardaşını bağışladıq, səni də onun xətrinə bağışladıq. Bu sözləri eşidən gənc: 
— Mən Allah Təalaya ibadət edirəm. Qardaşım isə anama xidmət edir. Bəs nə üçün məni onun etdiyi əmələ görə bağışlayırsınız? Mənim ibadətimin savabı, fəziləti daha çox olmalı deyil? dedi. 
Səs ona: 
— Sənin etdiyin ibadətlərə bizim heç bir ehtiyacımız yoxdu. Ancaq, qardaşının anana etdiyi xidmətlərə ananın ehtiyacı vardı, ona görə qardaşın valideyninə etdiyi qayğı Allah dərgahında sənin ibadətindən daha yüksəkdi.
Davamı →

Nə üçün bir insan ona məhrəm sayılan birisi ilə evlənə bilməz?

   
   Nə üçün bir insan ona məhrəm sayılan birisi ilə evlənə bilməz?

Sual oluna bilər ki, nə üçün bir kişi və ya qadın ona məhrəm sayılacaq (ana, ata, bacı, qardaş, nənə və s.) kəslərlə evlənə bilməz? Bunun bir dəlil-sübutu varmı?

Sözsüz ki, hikmət sahibi olan Allahın bu iş üçün göstərişi vardır. Belə bir evlilik İslam dininə görə qəti qadağan edilmişdir. Bu hökmün dəlili isə «Nisa» surəsinin 23-cü ayəsidir. Belə ki, bu ayədə buyurulur:
«Sizə analarınız, qızlarınız, bacılarınız, bibiləriniz, xalalarınız, qardaş və bacılarınızın qızları, süd analarınız, süd bacılarınız, arvadlarınızın anaları və yaxınlıq etdiyiniz qadınlarınızın himayənizdə olan qızları (ögey qızlarınız) ilə evlənmək haram edildi. Cinsi əlaqədə olmadığınız qadınlarınızın qızları ilə evlənmək isə sizin üçün günah deyildir. Öz belinizdən gələn oğullarınızın arvadları ilə evlənmək və iki bacını birlikdə almaq da sizə haramdır. Yalnız keçmişdə (Cahiliyyət dövründə) olan bu cür işlər müstəsnadır. Həqiqətən, Allah bağışlayandır, rəhm edəndir!»
Bu ayəyə əsasən Allah-Taala kişilərə ana, bacı, bibi, xala, bacı qızı, qardaş qızı və s. ilə evliliyi əbədi haram etmişdir. Düzdür, bu hökmün həqiqəti, fəlsəfəsi bizim üçün aydın deyil. Lakin Quran təfsirçiləri bu ayə barədə bəzi fikirlər söyləmişlər:
1. Bütün insanlar təbii olaraq bu cür insest yaxınlığa nifrət edirlər. Buna görə də az bir dəstə istisna olmaqla bütün qövm və millətlər məharim ilə evliliyi qadağan etmişlər.
2. Məharim arasında ümumi qayda olaraq, cazibə, cinsi təhrikedicilik yoxdur. Çünki, öz aralarında bir-birilərinə qarşı hörmət və ehtiram göstərirlər. Onlar üçün əks cins adi sayılır. Psixoloji cəhətdən onlar qarşı tərəfi özləri üçün sərhədləmişlər. Amma ümumi hal budur ki, insanı əks cinsi ilə yaxınlığa cinsi cazibə təhrik etdirir. Əgər Allah etməsin, insest hadisə gerçəkləşsə belə, bu süst və hissiyyatsız olacaqdır.
3. Məharim olmayan birisi ilə evlilik, ictimai bağları bir-biri ilə bağlayır. İnsanlar doğru hesab edilmiş evlilik vasitəsilə nəsil artırır, digərləri ilə qohumluq əlaqələri qurur və insanlığın rabitəsini möhkəmləşdirirlər. Bir sözlə, özlərini «dörd divar arasında» görmək istəmirlər. (Şeyx Nasir Məkarim Şirazinin «Nümunə təfsiri»ndə bu barədə qeyd edilmişdir. Müraciət edə bilərsiz, c.3, s.327,328)

Qeyd edək ki, bir çox xarici ölkələrdə bu cür insest hadisələri ara-sıra gözə dəyir. Bu da onun göstəricisidir ki, din və iman olmayan yerdə cinayət və fəsad törəyir. Nəzarətsiz qalmış insan vəhşi yırtıcı kimi saldırğan olur.

Hazırladı: Fərid Abdullah
Davamı →

Mənim anam

       Gənc adam gül mağazasının önündə maşınını saxlayır. O bir dəstə gül bağlatdırıb birlikdə yaşamadığı anası üçün hədiyyə göndərmək istəyir. Maşından düşərkən, yolun qıragında oturub ağlayan bir qız uşağını görür. Gənc adam bu qız uşağının yanından laqeydliklə ötə bilmir. Ona yaxınlaşıb soruşur: 
       -Niyə ağlayısan? bir hadisə baş verib?
       Qızcığaz aglaya-aglaya deyir:         — Anama gül almaq istəyirdim, amma pulum çatmır.
       Bunu eşidən gənc gülümsəyərək:         — Gəl mənimlə gedək, sənə gül alım.
        Və gənc onun əlindən tutub gül mağazasına daxil olur. Qıza gül alır və həm də anasına göndərmək üçün daha bir dəstə gül sifariş edir.
Onlar mağazadan çıxanda gənc adam qıza deyir:        — Gedəcəyin yeri de, səni aparım.
        Qızcığaz sevinərək razılığını bildirir. Qız onu qəbiristanlığa tərəf aparır. Onlar yenicə qazılmış bir məzara yaxınlaşırlar. Qız əlindəki gülü həmin məzarın üzərinə qoyur. Bu onun anasının məzarı idi… Hadisədən təsirlənən gənc tələ gül mağazasına qayıdır. Bir az əvvəl sifarişi etdiyi gülü götürüb 200 km uzaqlıqda yaşayan anasına baş çəkməyə gedir…
Davamı →

Anaların ən yaxşı bildiyi 20 şey

Analar əvəzolunmazdıDostları araşdırma mərkəzi
Kimlə görüşüb-görüşmədiyimizi, kimdən zərər gəlib-gəlməyəcəyini hardan bilirlər? Altıncı hissləri güclü olan analarımız daima dost çevrəmizi nəzarət altında saxlamaq istəyirlər.

Anamız “usta aşpaz”dır!
Hansı şef-aşpaz anamızın yeməklərindən dadlı yemək bişirə bilər? Hələ yeni evlənən oğlanlar sevgililərinə: “Anam bunu daha dadlı bişirirdi, bəlkə yeməyin reseptini ondan götürəsən?” deməsi əsl fəlakətdir.

Analar “axtarış” sistemi kimi
10 saat axtarıb tapa bilmədiyimiz köynəyi, corabı, saatı analar əlləri ilə qoymuş kimi tez tapır. “Necə tapdın?” sualı mənasızdır, onlar bu işdə mahirdirlər.

Vaxtında yuxudan durmaq
Əgər səhər tezdən durmalısınızsa, zəngli saatı qurmaq boş şeydir. Çünki zəngi susdurub “5 dəqiqə də yatım, duracam”, — deyib yenidən yatacaqsınız. Bircə ananıza “Məni 7-də oyada bilərsən?” desəniz, inanın, gecikmə ehtimalınız yoxdur.

Hər şeyin ən ucuzunu tapmaq
Ailə büdcəsi nə qədər olursa-olsun, ana o büdcəyə hər şeyi sığışdırar. Almanın da, şalvarın da, mebelin də ən ucuzunu ana tapar. Bizə elə gəlir ki, internet əlimizin altındadırsa, hər şeydən xəbərimiz var. Anaların belə imkanları olmasa da ən ucuzunu ala  bilirlər.


Ardı →

Hamiləliyini yarıda kəsmək istəyən ananın hekayəsi

       Bir qadın narahat olmuş halda ginekoloqun yanına gəlib deyir:
— Həkim, mənim ciddi bir problemim var, ümidsiz vəziyyətdəyəm və mənə sizin yardımınız lazımdır! Uşağımın hələ bir yaşı yoxdur, amma mən yenə də hamiləyəm! İstəmirəm ki, uşaqlarım demək olar ki, eyni yaşda olsun. 
Həkim soruşdu: «Yaxşı, indi siz mənə nə təklif edirsiz?»
Ardı →

Ana | Mikayıl Müşfiq

Bir gün Mikayıl Müşfiqi Rəsul Rza evinə dəvət edir.Xeyli söhbətdən sonra süfrəyə yemək gətiriləndə Müşfiq gülümsəyərək:
— Mən ömrümdə bu böyüklüyündə qutab görməmişəm, — dedi, — ac adam bunun ikisini güclə yeyər. 
Dostlar gülüşdülər. Rəsulun anası isə dedi:
— Oğlum, bu, qutab deyil. Şirvanda hamı ona kətə deyər. Çox dadlıdır. İçərisinə ən ətirli göyərtilər, bir də turşu əvəzinə nardança qoymuşam. Nuşi-canlıqla yeyin. 
Müşfiq ilk dəfə eşitdiyi «kətə», «nardança» sözlərini ağızucu təkrar etdi. Nədənsə bir anlığa xəmir yayan Rəsulun anası ilə sac üzərində kətə bişirən qaynanasına baxdı və dərindən köks ötürdü. Bir papiros yandırıb, ürəyində həmişəlik qubar salmış bu sözləri pıçıldadı:
— Görəsən, anam sağ olsaydı...
Həmin axşam Müşfiq üzünü xatırlamadığı, sözünü, söhbətini yada sala bilmədiyi, 2 yaşında ikən itirdiyi anası Züleyxa haqqında şerini yazdı:
Ardı →