Kayzen

Cinsi sıxıntıları olan, daha dəqiq, vaginizmdən əziyyət çəkən xanmların ən çox eşitdiyi qınayıcı sualdır bu: “Əgər eləyə bilmirsənsə, onda niyə ərə gedirdin?! Oturmuşdun da atanın evində!”

Bu sualı ona istiqamətləndirən xala, rəfiqə, qonşu, qayınana və s. olduğu kimi, həkimlər də siyahıya qatılır. Sonuncunu təəssüf hissi ilə yazıram. Çünki xüsusilə cinsi problemlərimiz varsa, birinə bu haqda danışmaq olduqca çətindir. Özümüzü toplayıb həkimə getmək isə daha da çətindir. Nə ilə üzləşəcəyimizi əvvəlcədən bilmərik. Hələ üstəlik, tam da cəsarətimizi toplamışkən, həkimdən belə qınayıcı bir reaksiya gördüyümüzdə, qəlbimizlə yanaşı, motivasiyamız da qırılmış olur. Siz buna, ümidi də əlavə edə bilərsiniz.
Davamı →

Bir çox başqa kişilər kimi, siz də həyatın qarşınıza qoyduğu bütün suallara özbaşına cavablar tapmağa çalışırsız? Və əlbəttə ki, bu işdə sizin ən etibarlı köməkçiniz internetdir. Sağlamlığınızla bağlı problemlər ortaya çıxanda istisna deyil ki, ilk növbədə noutbuku açırsız. Həqiqətən də çox asandır: özündə hər hansı bir əlamətləri aşkar edib, axtarışa “açar” sözləri daxil edən kimi istənilən həyat məsələləri ilə bağlı cavablar alırsan.

Elə dərman preparatlarının əksəriyyətini də ölkəmizdə reseptsiz almaq mümkündür — getdin, aldın və qəbul etdin. Tez, ucuz və rahat. Fikirləşirsiz ki, xəstəliyi aldada bildiniz və ya qismətdən qaçdınız? Çox təəssüf ki, belə özbaşına müalicə pis nəticələrə gətirib çıxara bilər. Nəticədə isə:
Davamı →

Sevgi və cinsi əlaqə iki insan arasında bir qarşılıqlı təsirdir. Düzdür çoxları sevgi ilə cinsi əlaqənin heç bir yaxınlığının olmadığını iddia etsə də, əslində cinsi əlaqələrin çoxu elə sevgidən başlayır. Yaxınlıq qurmaq insanın özünü, duyğu və düşüncəsini və hətta bədənini, iç dünyasını bir başqasına açmasıdır, nizamlanmış düzgün seks isə heç vaxt qəbahət sayıla bilməz.
Münasibətlər və cinsi əlaqə insana çox vaxt sevilməyə dəyər biri olduğu duyğusunu yaşadar və bu duyğu insanı daha da xoşbəxt edər. Xoşbəxt, nizamlı, paylaşan, yaxın əlaqə içində olmaq çox insanın, qadın və kişinin, istədiyi bir vəziyyətdir.

Ardı →

Vaxtından əvvəl boşalma bir cinsi problem kimi insana gəlsə də, sadəcə olaraq cinsi uyğunsuzluqdur. Cinsi əlaqədə ən vacib olan şey 2 nəfərin uyğunluğudur. Buna əsasən, vaxtından əvvəl boşalma problemi ondan yaranır ki, kişi qadının orqazmından öncə, və ya qadınla heç əlaqədə olmadan öncə boşalır və cinsi uyğunsuzluq meydana gəlir. Belə halda vaxtından tez boşalma cinsi problem deyil, sadəcə həll edilməsi lazım olan bir problemdir. Yoldaşınız sizinlə qurduğu əlaqədə siz boşalmadan orqazma çatır, və ya sizdən sonra daha gec boşalır və siz ondan daha tez orqazma çatırsınız. Bu cür uyğunsuzluğu aradan qaldırmaq lazımdır.

Ardı →

Əsrlər boyu insanlar nəsil artırmaq məqsədi ilə ailə qurublar. Ailədə varisin olmaması isə həmişə böyük bədbəxtlik kimi qəbul edilib. Qəribədir ki, min illər boyu sonsuzluqda yalnız qadın günahlandırılıb və zərif cinsin nümayəndələri həmişə sonsuzluğun əsas səbəbkarı kimi cəzalandırılıb. Əfsuslar olsun ki, indi də çoxları sonsuzluğa görə günahı yalnız qadında görürlər. Son dövrün statistikasına görə, sonsuzluqda ər və arvadın hər birinin payı təqribən 40-45% təşkil edir. Qalan 10-15%-i isə onların hər ikisinin vəziyyəti və xəstəliyi nəticəsində olur.
Davamı →

Ana olmaq hər bir qadının arzusudur. Təəssüf ki, nikahların ümumi sayında sonsuz nikahların nisbi miqdarının artması ilbəil müşahidə olunur. Bu problemin bir neçə tərkib hissəsi var. Bu gün artıq mübahisəsiz qəbul edilmişdir ki, sonsuzluğun kişilərlə və qadınlarla əlaqədar səbəblərinin nisbəti təxminən eynidir və buna görə də ər və arvadın hər ikisi müayinə olunmalıdır.
Sonsuzluğa gətirib çıxara biləcək amilləri aradan qaldırmağa imkan verən profilaktik tədbirlər çox böyük əhəmiyyət kəsb edir. Sirr deyil ki, hamiləlik prosesinin süni pozulması bu günə qədər doğumun tənzimlənməsinin əsas vasitəsi olaraq qalır. Bu məsələyə məsuliyyətlə yanaşmaq lazımdır.
Davamı →

Frigidlik nədir?
Frigidlik (cinsi soyuqluq) — qadınlarda cinsi marağın, seksual hissiyatın və orqazmın olmamasıdır. Bəzi hallarda isə cinsi münasibətlərə nifrət kimi də özünü büruzə verir. Adətən cinsi soyuqluğun 4 tipi müəyyən olunur.
1. Gecikən orqazm
Cinsi hissiyyatlar heç də bütün qadınlarda eyni cür inkişaf etmir. Bəzilərində bu hisslər tez başladığı hallarda bir qisim qadınlarda gecikmiş orqazm baş verir. Uşaq dünyaya gətirdikdən sonra problem aradan qalxır. Bu cür qadın frigidliyi (retardasion – kecikmiş) xoşbəxtlikdən keçici xarakter daşıyır.
Nə ilə xarakterizə olunur.

Ardı →

Statistikaya inansaq dünya əhalisinin 20%-ə yaxını bu və ya digər səbəblərə görə sonsuzluqdan əziyyət çəkirlər. Ancaq təəssüf ki, hələ də hamı bu məsələdə rasional düşünmür, müxtəlif fərziyyələrə və hətta xurafata da uyurlar və nəticədə bəzi ciddi problemlər öz həllini tapmaqda çətinlik çəkir. Bu isə əssasız boşanmalara və qalmaqallara rəvac verir. Bəs sonsuzluqda mifləri və həqiqəti ayıran sərhəddi necə tapmaq olar?

Ardı →

Ailə cəmiyyətin ən kiçik nümunəsidir. Buna görə də ailəni kiçik cəmiyyət adlandırırlar. İnsan Allah və onun yaratdıqları qarşısındakı vəzifələrini — böyüklərə hörmət, kiçiklərə şəfqət, mərhəmət və insanlıq borcunu ilk növbədə ailədə öyrənir. Ailə sevgi və tərbiyənin ilk mənbəyidir. Ər və arvad ailənin iki köküdür. Ailənin qurulması, yəni kiçik cəmiyyətin yaranması evlənmək ilə baş verir. Buna görə də Peyğəmbərimiz (s): «Evlənin, çoxalın, çünki mən qiyamət günü başqa ümmətlərə sizin çox olmanızla iftixar edərəm», — buyurur. Amma çoxalmanın da özünəməxsus problemləri var. Son zamanlar ailə quran gənclərin qarşılaşdığı ilk problemlərdən biri də elə sonsuzluqdur.
Davamı →

«Məsələ onda deyil ki, sizin cinsi alətiniz hansı ölçüddi,
əsas məsələ budur ki, o, uşaqlıq yolunda öz vəzifəsinin öhdəsindən necə gəlir».
Lao Tszı
Kişinin cinsiyyət orqanları-tənasül aləti (penis) və xaya kisəsindən ibarətdir. Xaya kisəsində bir cüt yumurta özünə yer tapıb. Bundan əlavə, prostat vəzisi, toxumun (spermanın) yığılıb saxlanıldığı müxtəlif orqanlar — toxum borusu, toxum qovucuğu və s. mövcuddur.
Kişinin cinsiyyət orqanları, xüsusən tənasül aləti müxtəlif ölçüdə ola bilər. Kişilərin əksəriyyətini bu amil çox narahat edir və onlar «normal» ölçünün həddi haqda məlumat almağa çalışırlar.
Orta göstəricilərə gəlincə, deyək ki, cinsi üzvün uzunluğu sakit vəziyyətdə 8-10 santimetr, dikəlmiş vəziyyətdə 12-18 santimetr olmalıdır. Lakin tibb tarixində, sakit vəziyyətdə uzunluğu 30-32 sm. çatan tənasül alətlərinin təsvir edildiyi kifayət qədər nümunələr mövcuddur. Bunlardan bəzilərinin uzunluğu di­kəlmiş vəziyyətdə 50 sm. çatır.
Davamı →