Kayzen

Göyərtiləri çürümədən qurudub saxlamaq istəyirsinizsə, sərin, kölgəli və havalı yerlərdə başıaşağı asmaqla qurutmaq olar.

Kəklikotu, nanə kimi tez quruyan göyərtiləri pambıq parça üzərində qurutduqdan sonra təmiz qablara və ya materialı parçadan olan torbalara yığın. Bu üsulla göyərtiləri 6 ay sərin, kölgə və quru yerdə saxlamaq mümkündür.

Göyərtiləri dondurmaqla da saxlamaq olar. Məsələn tərxunu, keşnişi bir qaba qoyub üzərinə su tökün (su göyərtinin üzərinə çıxmalıdır) və soyuducunun buzluğunda saxlayın.

Reyhanı, keşnişi, tərxunu zeytun yağında da saxlamaq olar. Göyərtiləri yaxşıca yuyun, suyu çəkildikdən sonra bir qaba doldurun, üzərinə zeytun yağı tökün, sərin və kölgəli yerdə saxlayın.

Davamı →

Mətbəxdə istifadə olunan bıçaqların istifadəçiyə zərərini minimuma endirmək üçün nə etmək lazımdır? Hazırladığınız müxtəlif qidaların necə və hansı bıçaqla kəsiləcəyini bilsəniz, onda əllərinizdə daha az kəsik olar.

Məşhur “Riders Daycest” jurnalında çap olunan məqaləyə görə, məqsədinə uyğun olaraq istifadə edilən bıçaqlar yaralanmaları azaldır. Məsələn, ət kəsmək üçün istifadə edilən bıçaqla meyvə-tərəvəz doğramamaq lazımdır. Mətbəx bıçaqları haqqında bu və bunun kimi bir çox nüansları bilməlisiniz.

1. Doğrama taxtası
Hər şeydən öncə üzərində iş görəcəyiniz doğrama taxtası çox vacibdir. Onun hazırlandığı material önəmlidir. Uyğun doğrama taxtası istifadə etmək və bıçaqları yumaq əsasdır. Əsasən taxta, bambu və plastik doğrama taxtaları məsləhət görülür. Şüşə, metal, keramika və daşdan hazırlanmış doğrama taxtaları isə bıçaqlarınıza zərər verir. 

2. İti bıçaqlar
İnsanlar çox vaxt elə bilirlər ki, bıçaqla iş görərkən yaralanmaların əsas səbəbkarı iti bıçaqlardır. Bu, yanlış düşüncədir. İti bıçaqlardan qorxmayın. Çünki iti bıçaqla hər hansı bir şeyi kəsərkən istifadə olunan güc, xərclədiyiniz enerji minimum olur. Ancaq iti olmayan küt bıçaqlarla işləyəndə daha çox enerji sərfinə daha çox yaralanmağınıza səbəb olur. Kəsəcəyiniz parçaya uyğun bıçaqdan istifadə edin.

Ardı →

Çiçəklərin ömrü uzatmaq üçün aşağıdakıları yerinə yetirin. Həyat yoldaşınız, ya da ən çox sevdiyiniz dostunuzun xüsusi gündə hədiyyə etdiyi gül dəstəsini uzun müddət yaşatmaq istəyirsinizsə, bu qaydalara əməl edin. 
Ardı →

Yun paltarı yumamışdan əvvəl (onları mümkün qədər az yuyun) onun rənginin çıxıb –çıxmamasını müəyyən etmək lazımdır.

Bunun üçün yun parçadan bir sap götürüb isti sabunlu suya qoyun, sonra çıxarıb pambıq parçaya bükün. Əgər rəngi çıxmırsa, yumaq olar.
Rəngi çıxırsa belə paltarı yumayıb kimyəvi təmizliyə vermək lazımdır.

Yun paltarı sabunlu ilıq suda yuyun. Yuyandan sonra bir neçə dəfə ilıq suda yaxalayın və axırıncı dəfə yaxalayanda suya bir qaşıq qliserin və bir neçə damcı naşatır spirti tökün ki, ləkələri aparsın və paltarın rəngi parlaqlaşsın.

Əgər suya bir az sirkədə əlavə etsəniz paltarın rəngi çıxmaz. Sudan çıxararkən paltarı sıxmayın. Yun paltarları düz yerə sərilmiş halda qurudun.
Rəngi çıxan yun paltarı yuduqda ilıq sabunlu suya duz və sirkə tökün.

Belə paltarı kölgədə astar üzünə sərilmiş halda qurudun.

Müəllif: Tahirə
Davamı →

Sirkə üzüm, kişmiş, xurma, əncir, bal, alma və sairdən hazırlanır. Sirkənin müalicəvi-profilaktik cəhətləri soyuqluq, quruluq verir, bədənə tez sorulur, susuzluğu yatırır, həzmə kömək edir, iştahanı artırır, bəlğəmi əridir, mədə iltihabının qarşısını alır. Ac qarına sirkə işlətmək mədə qurdunu öldürür. Sirkə ilə qarqara etmək boğaz, diş, qırtlaq ağrısı zamanı xeyirlidi. 

Sirkəyə duz qatıb ağızı qarqara etmək diş dibinin qanamasını, ağ zəy qataraq qarqara etmək damaq qanamasını kəsir. Yaralı yerlərin kənarına sürtdükdə yara yayılmır, dəri uzəri şişlər, təzə yaraların şişməsi, baş ağrısı, qaşınma hallarında istifadə edilir. Bal ilə qarışığı göz altının qırışlarını aparır .Gül yağı ilə qarışığı günvurmadan olan baş ağrısını sakitləşdirir. Bəzi ümumi cəhətlərə görə sirkəni limon suyu əvəz edə bilər. Daxili qanaxmanı dayandırır, yağlı, ağır ət yeməklərində sirkə işlətmək faydalıdı, arıqlamaq üçün sirkədən istifadə etmək olar, lakin mədə xorası olanlar sirkə istifadə etməsinlər.

Ardı →

Təbii məhsullardan istifadə etməyi sevən xanımlar artıq bilir ki, satışdakı ketçup, qatıq, süd və başqa məhsullar süni şəkildə hazırlanır. Həmçinin mayonez də süni şəkildə hazırlanır. Süni məhsullar insan orqanizmi üçün çox zərərli olduğundan hər şeyin təbii yolunu axtarmaq lazımdır. Mayonezdən çox istifadə olunduğu üçün istədik siz də mayonezin təbii reseptini öyrənəsiniz.

— 1çay qaşığı duz
— 1 yumurta
— 1ç.q sirkə (çalışaq evdə hazırlanan, təbii olsun)
— 2 ç.q limon suyu
— 1 stakan zeytun yağı
Ardı →

Mətbəximizdə hər şey təmizliyə xidmət etməlidir. Bunun üçün zədəli qablar, yemək artıqları, çirkli parça qırıqları saxlamayın. Qablar yuyulmazdan əvvəl yemək artıqlarından təmizlənməlidir. Bu mənada qabyuyan maşın, soba və qaz plitələrinin təmizliyi də əsas şərtdir.
Yemək hazırlamağa başlamazdan əvvəl, çiy ət, yaxud toyuq məhsullarına toxunduqdan sonra əllər 20 saniyə fasiləsiz olaraq isti su və sabunla yuyulmalıdır. İstifadə etdiyiniz bez və süngərlər yaxşı təmizlənmədikdə bir neçə saat ərzində üzərlərindəki bakteriyalar artıb çoxalır. Çiy əti doğrayarkən işlətdiyiniz bıçağı təmizləyib, qaynar suda saxlayaraq dezinfeksiya edin.
Mətbəx avadanlıqları və əlüzyuyan isti, sabunlu su ilə yuyulduqdan sonra 1 çay qaşığı xlor əlavə edilmiş su ilə durulanmalıdır. Sintetik, plastik qablardan təkrarən istifadə etməyin, atın. Bəzən ət məhsullarını bişirməzdən əvvəl bakteriyalardan təmizləmək məqsədi ilə yuyurlar. Buna ehtiyac yoxdur, çünki bakteriyalar yalnız 71 dərəcə selsidə məhv olur.
Mətbəxdə işlədilən yaş bezlər mikrob mənbəyinə çevrilməsin deyə, həftədə 1 dəfə paltaryuyan maşında isti su ilə yuyun.
Əlüzyuyanda yığılıb qalmış yemək artıqları nəmli şəraitdə bakteriyaların çoxalmasına səbəb olur: Odur ki, əlüzyuyanı tez-tez xlorlu su ilə yumaq və dezinfeksiya etmək lazımdır.
Ardı →

Evdə arzuolunmaz qoxulardan xilas olmaq üçün bir neçə tədbir görə bilərsiniz. Məsələn, zibil vedrəsindəki qoxunu aradan qaldırmaq üçün meyvə-tərəvəz və yemək tullantılarını bir paketə yığıb, ağzıbağlı halda zibilə atın.
Hər gün olmasa da, iki-üç gündən bir zibil vedrəsini yuyucu vasitə ilə yuyun. Belə etsəniz, ağcaqanadların da qarşısını ala bilərsiniz. Qoxunu yox etmək üçün qızartma zamanı yağa bir budaq cəfəri atın, balıq qoxusuna görə isə ağzıaçıq qabda azca sirkəli su qaynadın.
Ardı →

Kələm və badımcanlı qəlyanaltı

• 250 q kələm
• 2 ədəd badımcan
• 2 baş soğan
• 1 ədəd yumurta
• 200 q pendir
• 2 ədəd kök
• 1 ədəd bibər
• 4 diş sarımsaq
• 50 ml bitki yağı
• 250 q bişmiş balıq
• Cəfəri
• Üyüdülmüş istiot
• Duz

Ardı →

Nəsirəddin Tusi
Mənzilə olan ehtiyacın səbəbi, onun
əsasları və ən mühüm cəhətləri

    (...) Doğum baş tutduqdan, uşaq doğulduqdan sonra tərbiyəsi düz olmazsa, böyüdükdə onun zəhməti də valideynin boynuna düşür. Adamlar artdıqca, yəni qadın, kişi, övladlar çoxaldıqca, bu adamların yeməklərini çatdırmaq, ehtiyaclarını ödəmək bir adam üçün çox çətin olar, köməkçilərə (...) ehtiyac yaranar və mənzilin Rüknünü təşkil edən bu camaatın məişətini nizama salmaq məsələsi ortaya çıxar.
Ardı →