Təraşdan sonra

Bəzən üzqırxmadan sonra dərimizdə müxtəlif problemlər meydana gəlir: dəri qızarır və qaşınmalar yaranır və.s. Əgər siz də bu kimi problemlərdən əziyyət çəkirsinizsə o zaman bu məqaləni diqqətlə oxuyun. Çünki bu dəfəki məqaləmiz ülgüclə üzqırxmadan sonra yaranan problemlərin həlli haqqındadır.

Mount Sinai Xəstəxanasının Dermatoloji Departamenti və Kosmetik Klinik araşdırmalar mərkəzinin direktoru Dr.Joshua Zeicherə görə dərisi qızarmaya meyilli, quru və qaşıntılı olan kişilərə üzlərini təmizləmək üçün ülgücdən istifadə etməmək məsləhət görülürür. Əgər ülgücdən istifadə etməkdə qərarlısınızsa, bu prosesdən bir neçə saat öncə üzünüzü buna hazırlamalısınız. Hazırlıq prosesi isə aşağıdakı məehələləri əhatə edir:
 
Davamı →

Günəş kremləri yalnız qadınlar üçün deyil

Kişilər, yəqin, siz də qəbul edərsiniz ki, bizim ən böyük problemlərimizdən biri saqqal və bığdır. Hər gün təraş etmək dərini qıcıqlandırır, qızartlara səbəb olur. Həmçinin üzdə civzələri varsa, təraş problemlərə yol açır.

Təraş köpükləri, təraş gelləri kimi məhsullarda bol miqdarda alkoqol, nanə, hidroksid kimi maddələr var. Bunlar isə dəridə müxtəlif qızartıların yaranmasına səbəb olan amillərdir.

Buna görə də maksimum dərəcədə dərimizə uyğun təraş köpüyü və ya gel seçməyə çalışmalıyıq. Məsələn, həssas dərilər üçün nəzərdə yuyulan gel və təraş köpüklərinin tərkibində ətir, mentol, spirt, limon, portağal, qreyfrut, evkalipt, kafur ya da nanə kimi qıcıq yaradan maddələr olmur.
Davamı →

Kişiləri qoruyun!

Tarixə düşən bu cümlə tanınmış bir demoqrafa məxsusdur. Demoqraf və həkimlərin müşahidələrinə görə, kişilər qadınlardan daha az yaşayır.

Bu tendensiya, demək olar, bütün ölkə və millətlərə xasdır. Orta hesabla qadınlar kişilərdən 7-10 il çox yaşayır. Bunun səbəbləri nədədir?

1. Bioloji səbəb. Həkimlərin müşahidələrinə görə, kişi cinsinə mənsub olan rüşeymlərin sayı bir neçə dəfə çox olur. Lakin buna baxmayaraq qızlar daha tez-tez doğulur. Məsələ burasındadır ki, müşahidələrə görə, uşaqsalmalar zamanı daha tez-tez hallarda məhz oğlanlar həlak olur. Belə ki, oğlanlar qızlarla müqayisədə daha «incə məxluqdurlar».

Burada da hər şey qurtarmır. Həyatın 1-ci ilində doğulan oğlanlardan müxtəlif səbəblərə görə qızlarla müqayisədə 20% çox uşaq həlak olur. Beləliklə, qızların həyat davamlılığının səviyyəsi oğlanlarla müqayisədə daha yüksəkdir.

2. Ehtiyatsızlıq və risk. 1 yaşından 4 yaşına qədər olan yaş qrupunda da oğlan uşaqları arasında ölüm halları qızlarla müqayisədə daha çoxdur. Bunun səbəbi — qızların oğlanlarla müqayisədə daha diqqətli, ehtiyatlı və qorxaq (yaxşı mənada) olmasıdır.

Bu tendensiya, demək olar, bütün yaş qruplarında dəyişilmir. Kişilər qadınlarla müqayisədə daha riskli və ehtiyatsız olur. Bu səbəbdən də bədbəxt hadisələr, ağır qəzalar, zəhərləmələr və s. kişilərin iştiraki ilə daha tez tez baş verir.


Ardı →

Qadın ruhundan anlayan kişilər


Qadının ruhundan anlayan, qadını xoşbəxt etməyi bacaran kişiylə birlikdə olmağın müsbət tərəflərini qadınlar çox yaxşı bilir. Amma çox təəssüf ki, belə şansa çox az qadın sahib olur. Qadını başa düşən kişiylə birlikdə olmağın 10 üstünlüyü:

1. Qadın olmağın ləzzətini sonuna qədər yaşayırsınız.

2. Heç bir xüsusi gün yaddan çıxmır, balaca sürprizlərlə ağlınızı başınızdan alıb sizə yaşam enerjisi verir.


Ardı →

Centlmenliyə gedən 10 addım

1. Dürüst olun və niyyətinizi nədirsə, onu bəlli edin.
Sevgili olmağı düşünmürsünüzsə, bunu ona deyin. Axtardığınız şey başqadırsa, zatən bu münasibət alınmayacaq, aldatmağın mənası yoxdur. Qadınlar əşya deyil, fərddir. İstifadə edib atacağınız insanlar deyillər. Əgər bir gecəlik münasibət axtarırsınızsa, bunu əldə etmək üçün yalan danışmağınıza ehtiyac yoxdur. Küçədə sizin kimi düşünən və kağız üzərində qələbə əldə edə biləcəyiniz xeyli qadın var.
2. Münasibətin davam etməyəcəyinin fərqinə varmısınızsa, onu daha çox aldatmayın.
Bəzən işlərin yaxşı olduğunu və gələcəkdə də yaxşı olacağına özümüzü inandırırıq. Ancaq reallıqda münasibət irəliləmir, irəliləməyəcək də. Bəli, bunu qəbul etmək çətindir. Fəqət iki tərəf üçün də ən yaxşıdır budur. Vəziyyət budursa, kişi məsuliyyəti öz üzərinə götürüb addım atmalıdır. Vaxtını itirmə, ən əsası isə qarşındakı insanın vaxtını xərcləmə.
Davamı →

Qadınlar saqqallı kişiləri bəyənir

Qadınlar kimi biz kişilər də daim sevdiyimiz insanın gözündə gözəl görünmək üçün çalışmalıyıq. Bunun üçün sevdiyimiz qadının kişilərdə bəyəndiyi əsas xüsusiyyətlər haqqında məlumatlı olmağımız mütləqdir.

Əziz kişilər, bu dəfə sizə qadınların böyük hissəsinin bizim barəmizdəki fikrləri haqqında məlumat vermək istəyirik. Oxuyun və onların kişilərin xarici görünüşündə əsas diqqət etdiyi özəlliklər barədə daha yaxından tanış olun.

“Social Psychological and Personality Science” jurnalında çap edilən bir araşdırmada göstərilir ki, qadınlar  hələ də gur saçlı kişiləri daha cazibədar hesab edirlər. Lakin bütün bunlarla yanaşı onların fikrincə, keçəl kişilər çox vaxt yaraşıqlı olmasalar da, bu saç modeli onları daha inamlı və özünəəmin göstərir.

Buna görə də onlar uzunsaçlıları yaraşıqlı hesab etsələr də, keçəl kişilərlə birlikdə ola bilirlər. Ancaq keçəllik dedikdə qətiyyən seyrək saçlar nəzərdə tutulmur. Qadınların fikrincə, seyrək saçlı kişilər daha etibarsızdırlar.

Eyni zamanda sözügedən məqalədə o da bildirilir ki, qadınlar özlərinə tərəf müqabili seçərkən kişilərin üz quruluşuna və saqqallarına qarşı da xüsusi həssaslıqla yanaşırlar. Belə ki, onlar gur saqqallı və təmiz üzlü kişiləri eyni dərəcədə yaraşıqlı hesab edirlər. Bu zaman qadınlar tərəfindən  heç arzu edilməyən tərəf müqabili çirkli saqqallı kişilərdir.

Bu qədər, əziz kişilər. Bu dəfə sizi müəyyən qrup qadınların fikri ilə tanış etməyə çalışdıq. Amma unutmayaq ki, bu fikirlər heç də bütün qadınların münasibəti deyil. Əsas odur ki, sizi olduğunuz kimi sevən və qəbul edən insanı tapasınız.

kishi.az 


Davamı →

Kişi saatından tanınar


Kişinin zövqü həm də onun istifadə etdiyi aksesuardan bilinər. Bu dəfəki məqalədə isə biz sizə kişinin saatı ilə onun xasiyyəti arasındakı əlaqədən söhbət açmaq istəyirik.

Dördkünc saat sevənlər
Bu tip insanlar rəhbərlik etməyi və plan qurmağı çox sevirlər. Onun dediyi bütün sözlər, hətta bütün həyatı belə əvvəlcədən düşünülmüş, planlaşdırılmışdır. Qeyri-adi hadisələri, sürprizləri və sirləri xoşlamazlar. Müşahidəçidirlər, tələbkardılar və təşkilati işləri sevirlər. Belə kişilərin öhdəsindən yalnız işgüzar qadınlar gəlir.

Dairəvi saat sevənlər
Mehriban və sakitdir. Şirin dili ilə ilanı yuvasından çıxarar. Bu şəxslər başqalarına qulaq asıb onların problemlərini həll etməyə can atar. Belə insanlar çox romantik olur və onları ələ almaq üçün sadəcə bir-iki xoş söz kifayət edər.


Ardı →

Qısqanc kişini necə yola gətirməli?

Əksər kişilər həddindən artıq qısqanc olmalarına və bunun münasibətlərində tez-tez problem yaratmasına baxmayaraq öz qısaqanclıqlarına “Sevən adam qısqanar” deyimi ilə haqq qazandırırlar. Biz isə bu və buna bənzər bütün deyimləri kənara qoyaraq bu dəfə qısqanclığın hansı çatışmazlıqlardan yarandığını aydınlaşdırmağa çalışacağıq.
Özünə güvən
Kişinin qadından şübhələnməsi, onu izləməsi, hər sözünün altında bir məna axtarması həqiqətən də güvənin olmadığını göstərir. Həm özünə, həm də qadınına qarşı olan güvənsizlik isə tərk edilmək, sevdiyini başqası ilə paylaşmaq qorxusuna çevrilir. Bəzi kişilər sərt reaksiyalarını, kobudluğu, qısqanclığı sahiblənmək kimi qələmə verir lakin, bunun arxasında duran ən başlıca səbəb tərk edilmək qorxusu, özünə inamsızlıqdır.
Davamı →

Mətbəxə ilk dəfə girən kişilər üçün məsləhətlər

Bu vaxta kimi mətbəxə yalnız su içmək üçün gedən kişilərə birdən birə yemək hazırlanması tapşırılarsa, sizcə nə baş verər?
Amma məşhur kişi aşpazların bu məsləhətlərinə əməl etsəniz, hazırladığınız yeməklərlə ev əhlini təəccübləndirəcəksiniz.
Kitab və saytlardan faydalanın: amma əsla çətin yeməklər bişirməyə çalışmayın. Başlanğıc üçün omlet, makaron və qızartmalara üstünlük verin.
Davamı →

Kişilərdə futbol sevgisi

                            

Psixoloqların illərdi apardığı araşdırma:

Xüsusilə kişilərin həyatında futbol matçlarını seyr etmək, bir futbol komandasının tərəfdarı olmaq niyə bu qədər əhəmiyyətlidir?

Niyə kişilər futbolu fanatik olma dərəcəsində bu qədər çox sevib təqib etməyə çalışır, hətta bütün plan və proqramlarını matç saatlarına görə qururlar?

Azarkeşlik etdikləri komandanın qazanmalarından çox xoşbəxt olub, itirdiklərində depressiyaya girəcək qədər özlərini pis hiss edirlər?

Bu və digər sualların cavablarını idmansevərlərlə bərabər psixoloqlar illərdən bəri araşdırmaqdadır. Araşdırmalara görə xüsusilə kişilərin matç seyr etməsinin ən əhəmiyyətli səbəblərindən biri fikirlərini dağıtmasıdır. Futbol gərgin iş rejimindən, gündəlik həyatın gətirdiyi məsuliyyətlərdən qurtuluş vasitəsidir.


Ardı →