Kayzen

Espresso, kappuçino, latte...Kofenin müxtəlif növləri var, və hər birimizin sevdiyi növ vardır. Bəziləri üçün, ən yaxşısı əlavəsiz tünd qara kofedir, digərləri isə eksperimentləri xoşlayır və kofeni süd, krem, darçın, şokolad və ya vanil ilə içir. Müxtəlif növ kofelər barədə daha ətraflı.

Espresso
İtalyan kulinariyasına bağlı olan ən klassik kofedir. Espresso bir çox kofelər üçün baza rolunu oynayır. Keyfiyyəti səthində olan kremli köpüklərdən bəlli olur. Klassik İtalyan espressosu silindr şəkilli kiçik fincanlarda süfrəyə verilir.
Davamı →

Qəhvə bir qayda olaraq ifrat hisslər doğurur: biz ya bu içkinin aşiqiyik, ya ona qarşı tamamilə biganəyik. Bir çoxları qəhvəsiz bir gün də olsa yaşaya bilmir. Təəssüf ki, qəhvə ikili təbiətə malikdir və bunu hər kəsin bilməsi lazımdır.

Bəzi insanlar qəhvəni dadına görə, bəziləri də gün ərzində enerji toplamaq üçün içir. Bundan əlavə qəhvə bizim sağlamlığımıza müsbət təsir göstərir. Bu ilk növbədə yaşlanma prosesini ləngidən güclü antioksidləşdiricidir. Həmçinin bu içki qandakı mənfi xolesterinin səviyyəsini azaldaraq aterosklerozun və ürək-damar xəstəliklərinin inkişafının qarşısını alır. Aparılmış tədqiqatlar göstərir ki, qəhvə içmək miqrenin tezliyini, II növ diabet xəstəliyinin, xərçəngin bəzi növlərinin, Parkinson və Alzheimer kimi xəstəliklərin və eyni zamanda kariyes və astma riskini azaldır. Tədqiqatlar nəticəsində müəyyən edilib ki, qəhvədən mütəmadi olaraq içmək qısa müddətli yaddaşı yaxşılaşdırır və öyrənməyə kömək edir.
Davamı →

Yaxşı kofeni evdə düzəltmək elə də çətin deyil. Kofebişirən, espresso-maşın, “french-press” kimi kofe hazırlayan maşın varsa evdə kafelərdəki kimi ətirli, dadlı kofeniz hazırdır demək. Dadlı kofe haqqında müxtəlif sirlər var ki, ən vacibləri haqqında bu yazıda tanış ola bilərsiniz.

Sirr 1 – üyütmək
Hazırlanma metodundan asılı olaraq kofeni fərqli şəkildə üyütmək lazımdır. Belə ki, espresso-maşın üçün kofe incə olmalıdır, dəmlənməsi 18-23 saniyə çəkir, “french-press”də isə kofelər böyük olmalıdır və isti suda onlar 4 dəqiqəyə həll olunur.

Sirr 2 – su
Kofe düzəldərkən suya diqqət etmək lazımdır. Onun dadlı alınması üçün su ya filterdən keçmə ya da təbii olmalıdır.

Davamı →

Qəhvə bütün dünya xalqları tərəfindən çox qədimdən təbii qida kimi qəbul olunur. Qəhvəni lazımi miqdarda qəbul etdikdə orqanizmin gücü artır, fəaliyyəti yaxşılaşır, fiziki və zehni yoruğunluq aradan qalxır, yüngüllük, xoş əhval-ruhiyyə və gümrahlıq yaranır.

Qəhvə tozu qəhvə ağacının toxumlarıdır. Qəhvə hazırlayanda onu uzun müddət od üzərində saxlamaq olmaz, çünki onun tərkibində olan müalicə əhəmiyyətli maddələr parçalanaraq öz təsirini itirir. Qəhvədən qədərindən artıq istifadə etmək də onun faydasını azaldır. Artıq çəkidən əziyyət çəkən xanımlar piy qatından qurtulmaq üçün tərəvəzli qəhvə pəhrizindən istifadə edə bilərlər.
Davamı →

Əsrlər boyu insanlar cavan qalmağın sirrini axtarır. Alimlər də bu sirri açmaq üçün əllərindən gələni edirlər. Bu yaxınlarda onlar insanı cavan saxlayan içkilərdən ibarət siyahı hazırlayıblar. Bu siyahıda qocalığın qarşısını alan 7 növ içki yer alıb.

1. Yaşıl çay
Çində milli içki sayılan çay qədim zamanlardan bəri xalq təbabətində geniş istifadə olunub. Həkimlər bu içkinin uzunömürlülüyə birbaşa təsirini qeyd edir. Bu çayın tərkibindəki fermentlər, hətta, xərçəng hücəyrələrini məhv edir. Xüsusən, çay agciyər, süd vəzi və dəri xərcəngi ilə mübarizədə effektivdir. Bundan əlavə, çay beynin fəaliyyətinidə gücləndirir. Elmi eksperiment nəticəsində məlum olub ki, gündə iki fincandan artıq yaşıl çay içən insanlarda yaddaşsızlığa iki dəfə az rast gelinir.
Davamı →

Dadı bənzər, çöküntüsü yox, fincanı bənzər, falı yox! Tapın görək bu nədir? Əlbəttə ki, çoxlarının sevimli içkisi espresso.

Çoxlarının bəh-bəhlə danışdığı türk qəhvəsinin digər oxşar növü isə qərbdə qəhvə hazırlanmasında tətbiq edilir. Onlar bir az fərqli olaraq qəhvəni bir az daha iri çəkib isti suda saxlayır, ardından isti süzgəc və ya filtrdən keçirərək içirlər.

Əsl yaxşı espresso necə olur?
Hər şeydən əvvəl espressoda önəmli olan üzərindəki köpüyüdür. Bu köpüyə “crema” (krem) deyilir. Krem qəhvənin möhtəşəm aromasının bayıra uçmaması, yox olmaması üçün xidmət edir və qəhvə içilib qurtarana kimi yox olmur. Yaxşı bir krem həm qəhvənin keyfiyyətinə, həm də hazırlayanın bacarığına bağlıdır.

Mükəmməl bir espressonun köpüyü qalın, açıq-qəhvəyi rəngdə olur. Buna “pələng dərisi” adı verilir.

Ardı →

Pəhriz saxlamaq bir o qədər  asan deyil. Bunun üçün güclü iradə sahibi olmaq lazımdır. Bu sahədə çətinliyi olanlar pəhriz içkilərindən başlaya bilərlər. Sadə pəhriz üsullarından biri olan maye qəbulu pəhriz saxlayanlar üçün vacibdir.
Pəhriz içkilərinə yağlılığı çox olmayan süd, adi və mineral sular, tərəvəz suları, kofe və çay kimi içkilər daxildir:

Süd
Südün tərkibində zülal olduğundan toxluq hissini təmin edir və maddələr mübadiləsini sürətləndirməyə faydalııdr. Süddə olan kalsium mineralının nizamlı alınması göbək ətrafında meydana gələn artıq yağlanmalara təsir göstərir. Tam yağlı südlərə görə daha az kalorisi olan  südün tərkibində doymuş yağ və xolesterol var. Gündə 2 stəkan süd içmək sümük sağlamlığına faydalıdırdır. Yağlılığı çox olmayan süd  artıq çəki probleminə kömək edir.

Adi və mineral sular
Adi su: Əvvəla onu qeyd etmək lazımdır ki, su pəhriz üsulları arasında vacib olanıdır. Uzun müddət toxluq hissi ilə bərabər insan orqanizmində maddələr mübadiləsini sürətləndirməyə kömək edir.

Ardı →

Hamilə qadınlara çox kofe içmək məsləhət görülmür.

Amerikan alimləri sübüt etmişdilər ki, gundə 200 mg kofe hamilə qadınlarda erkən doğum və ya heç bir digər qüsur yaratmır. Lakin bu miqdardan artığı yarana biləcək riskləri artırır.

Doktor Uliyam Bartın dediyinə görə: «Gün ərzində az bir miqdarda kofein erkən doğuma və ya düşük ehtimalına hər hansı bir təsiri müşahidə olunmur» və bu faktları nəzərə  alaraq, gün ərzində bir fincan kofenin heç bir zərəri olmayacağını xanimlarımıza anlatmalıyıq.

Kofe dünyada ən çox içilən içkilərdən biridir və eyni zamanda kofein psixoaktiv maddələr içində ən çox istifadə olunanlar sırasındadır. Kofeinin yaratdığı bəzi effektlər, məsələn həyacanlılıq, digər kokain və amfitomin kimi psixotrop maddələrin effektindən fərqlənmir. Gündəlik kofe norması 300 mg-dır. Bu təxminən 3-4 fincan kofe deməkdir.

Ardı →

Qəhvə ilə yanaşı kofein çayın, enerjiverici sərinləşdiricilərin və şokoladın tərkibində var.
Çox qəhvə içənlərin gözünə qarabasma görünə, ya da ki, qulaqlarına səs gələ bilər. Gün ərzində 7 fincandan çox qəhvə içənlər hallyusinasiyadan əziyyət çəkə bilərlər. Durham Universiteti 200 tələbəni dindirərək onların qəhvəiçmə adətlərini sual edib. Amma alimlər deyirlər ki, son tapıntı birbaşa bağlılığın olduğunu sübut etmir.

Onlar iddia edirlər ki, hallyusinasiya zehni xəstəliyin əlaməti sayılmır və 3% adam mütəmadi olaraq səslər eşitdiyini bildirib.
Psixologiya üzrə elmi əsər üzərində işləyən Simon Jones deyir ki, bu, hallyusinasiya ilə bağlı faktorların araşdırılması istiqamətində ilk işdir.

Stresslə üz-üzə
O bildirir ki, əvvəl önə sürülən uşaqlıq travması kimi faktorlar da hallyusinasiya ilə bağlı ola bilər. Stresli olanda orqanizm bədənə kortisol adlanan hormon buraxır. Bir neçə fincan qəhvə içəndən sonra isə bu proses sürətlənir. Onun fikrincə, məhz buna görə də, kofein ilə əhval-ruhiyyə arasındakı bağlılıq öyrənilməlidir.
Qəhvədən başqa çay, şokolad və enerjiverici sərinləşdiricilərin də tərkibində kofein var.

Ardı →

Dünyanın ən bahalı qəhvəsi fil ifrazatı vasitəsilə hazırlanır. Fillərə təmiz qəhvə dənələri verilir. Fil yedikdən sonra isə ifrazatındakı həmin dənələr yenidən toplanır.
Sonra onu toz halına gətirib satırlar. Bu cür qəhvənin özünəməxsus qoxusu və dadı olur. Black Ivory adlanan bu qəhvənin bir kiloqramı 1100 dollardır. İfrazatlı qəhvə təkcə fillərdən alınmır. Dünyada müxtəlif nadir növ ceyrandan, pişikdən də bu cür qəhvələr alınır.
Davamı →