Sobada qayğanaq

Tərkibi:
2 ədəd yumurta
göy soğan
pomidor
4 x/q qaymaq
yaşıl noxud
kərə yağı (formaları yağlamaq üçün)
zövqə görə duz
zövqə görə istiot

Hazırlanma qaydası:
İnqredientlər hazırlanır. Soba 180°C temperaturunda qızdırılır. Forma qabları yağlanır. İçlik əlavə edilir: xırda doğranmış soğan, yaşıl noxudlar, pomidor, üzərinə bir xörək qaşığı qaymaq əlavə edilir.

Yumurta əlavə edilir. Duz və istiot vurulur. Yenidən bir xörək qaşığı qaymaq əlavə edilir. Forma bişirmə formasının içinə yerləşdirilir və bişirmə formasına yarı miqdarda su əlavə edilir. Hazır olana qədər sobaya yerləşdirilir. Bişərkən diqqət edin, əsas odur ki qurutmayasınız. Səhər yeməyi hazırdır! Nuş olsun!
Davamı →

Gicitkənli spagetti

Tərkibi:
5-6 porsiya üçün:
200 qr gicitkən yarpağı
300 qr spagetti
4 x/q zeytun yağı (+ 2 x/q sonda əlavə edilir)
4 diş sarımsaq
1 ç/q qırmızı quru bibər (acısız)
0.5 ç/q əzilmiş qara istiot
0.5 ç/q duz
150 qr parmesan pendiri

Hazırlanma qaydası:
Lazım olan inqredientlər hazırlanır. Gicitkən yaxşı yuyulmalıdır (adətən buna sərf olunan vaxt ümumi hazırlanmaya gedən vaxtdan çox olur). Gicitkəni yumağın iki üsulu var. Ya gərək əlcəkdən istifadə edəsiniz, ya da ilk olaraq gicitkən dəstəsinin üzərinə qaynar su töküb sonra isə onu soyuq suda yaxalayaraq yarpaqlarını dərəsiniz. Ümumilikdə inqredientlərin sayı az olduğu üçün: yağ, spagetti, gicitkən, pendir — onların keyfiyyətinin yaxşı olması məsləhətdir.
Davamı →

Kartof Şato

Kartof Şato — Fransa mətbəxinin ənənəvi qarniridir.

Tərkibi:
6-8 ədəd orta ölçüdə kartof
kərə yağı
2 x/q zeytun yağı
duz
ağ istiot

Hazırlanma qaydası:
2 Kartof yuyulub təmizlənir.  İti bıçaqla, ehtiyyatla kartoflara "çəllək" forması verilir. Bu şəkildə kartof balaca görsənər və daha tez qızarar. Kartofdan bu cür səliqəli formalar hazırlanır. Sonra kartoflar qaynayan suya salınır və 5-7 dəqiqə bişdikdən sonra çıxarılır.
Davamı →

Narnumru

Deyin görüm bu narlı yumurta şəklini görəndə ilk reaksiyanız necə oldu? Əgər siz “Wow!” dedinizsə, onda çox sağ olun! Sevindim ki, bəyəndiniz. Əgər “İkisi bir yerdə? Nə? Necə yəni? Elə niyə? Hmm.” Deyə düşündünüzsə yenə də sağ olun. Bu sizin günahınız deyil. Çünki, həqiqətən də, bir-biri ilə qətiyyən əlaqəsi olmayan bu iki ərzağı bir yeməkdə birləşdirmək kimin ağlına gələ bilərdi?

Əgər kiminsə bunu etdiyindən xəbərim olmasaydı mən də elə sizin verdiyiniz sualları verərdim. Amma mən bilirəm ki, kimsə bunu artıq edib. Azərbaycanın Salyan rayonunda, nar və yumurtanın narnumru adlı qeyri-adi xörəkdə birləşdiyi gözəl məkanda.
Davamı →

Keşniş sousu

Keşniş sousu toyuq, balıq, ət xörəkləri üçün əla sousdur. Qeyd olunan qidalara xüsusi dad verən bu sousu uzun müddət saxlamaq olmaz. Hazırladıqdan sonra soyuducuda cəmi bir həftə saxlamaq mümkündür. 

Tərkibi: 
4 iri dəstə keşniş
2 göy soğan
2-3 diş sarımsaq
1,5 sm təzə zəncəfil kökü
1 acı istiot (göy, yaxud qırmızı)
3 x.q. limon şirəsi
1 x.q. şəkər tozu
1 ç.q. duz 
Davamı →

Folqada bişirilmiş ət

Dietoloqların fikirinə görə, ətin bu üsulla bişirilməsi ən düzgün sayılır. Bu üsulla bişirilmiş ət bütün öz faydalı xüsusiyyətlərini saxlayır, bişirilmə zamanı yağdan istifadə olunmur.

Folqada bişirilmiş ət həm dadlı, həm də faydalıdır. Bu ət həm isti, həm də soyuq şəkildə (qəlyanaltı kimi) masaya verilə bilər.


Ardı →

Rizə küftəsi

Tərkibi:
300 q. qoyun əti  adambaşına
1 baş soğan
40 q. marqarin
20 q üzüm sirkəsi
100 q. şəkər
15 q. tamat-püre
25 q. keşniş və şüyüd
duz
istiot

Hazırlanması:
Qoyun əti soğanla birlidə ətçəkən maşından keçirilir.

Buna istiot və duz vurub qarışdırılır və 30 dəqiqə soyuq yerdə saxlanılır.

Sonra çəkilmiş ətdən xırda küftəciklər hazırlanaraq, yağ içində qızardılır.


Ardı →

Varenik

Ərzaqlar:
— kəsmik- 200 qr,
— şəkər tozu- 2 xörək qaşığı,
— yumurta- 1 dənə,
— un- 4 xörək qaşığı,
— duz (zövqə görə).

Hazırlanması:
1. Kəsmiyi yumurta, şəkər tozu, un və duzla yaxşı qarışdırın. (Unu ələmək lazımdır.)

2. Masanın üzərinə bir qədər un səpin, xəmiri uzun kolbasa şəklində yayın və sonra 1 sm-li hissəciklərə kəsin.

3. Qazanda su qaynadın, bir qədər duz əlavə edin və varenikləri qazana tökün.

4. Vareniklər suyun üzərinə çıxdıqda onları bir neçə dəqiqə ərzində bişirin və sonra çömçə ilə enli qaba yığın.

5. Varenikləri xama və ya mürəbbə ilə yemək olar.

Nuş olsun!


Davamı →

Yulaf yarması sıyığı

Yulaf yarması sıyığı bir çox Avropa ölkələrində ənənəvi səhər yeməyi sayılır.

Bunun çox dərin mənası var. Yulaf yarması sıyığı buterbrod və digər səhər yeməkləri ilə müqayisədə yüngül qidadır. Lakin bu sıyığın tərkibində yüksək enerji və qida dəyəri olan karbohidratlar var ki, bu karbohidratlar orqanizmdə daha gec qlyükozaya çevrilir. Bunun nəticəsində insan daha uzun müddət ərzində toxluq hiss edir və fəal olur.

Yulaf yarması müxtəlif vitaminlər (B qrupu, E, PP və s.) və mineral maddələrlə (kalium, dəmir, kalsium, maqnezium, fosfor və s.) zəngindir. Yulaf yarmasının tərkibində nadir fol turşusu var. Fol turşusu hamilə qadınlar üçün xüsusilə vacibdir, bu maddə döldə inkişaf pozulmaların riskini azaldır.

Yulaf yarması sıyığı həzm proseslərinə çox müsbət təsir edir. Qəbizlikdən əziyyət çəkən insanlar bu sıyığı müntəzəm olaraq yeməlidir. Bu halda onların bağırsaqları daha yaxşı işləyəcək.


Ardı →

Narşərab

Evdə hazırlanan nar şərabı daha dadlı və nar dadında olur. Ənənəvi narşərabı hazırlayarkən narın dənələri təmizlənir və suyu çıxarılır, süzülür.

Odun istisində saatlarla qatı hala gələnə kimi qaynadılır. Nar şərabı üçün turş nar istifadə etmək lazımdır. 15 kq nardan 1 litr narşərab çıxır.

Ərzaqlar:
5 kq nar

Hazırlanması:
Portağalın suyunu sıxmaq üçün istifadə edilən preslə narın suyunu sıxın. Pres yoxdursa, narı dənələrə ayırıb blenderdən keçirin.

Daha sonra bir camda vam odda qatı hala gələnə kimi qaynadın. Ya da 130-150 dərəcə isidilmiş sobada bəhməz halına gələnə qədər 5 saat bişirin.

Bişdikdən sonra soyudub şüşə qablara boşaldın. İşıq düşməyən və sərin bir yerdə saxlasanız, daha uzun müddət istifadə edə bilərsiz. 


Davamı →