Dünyanın 10 ən bahalı bank kartı

Dəbdəbəli həyat sürürsünüzsə, hesabınızdakı məbləğ isə milyonlarla ölçülürsə, dünyanın ən eksklüziv bank kartlarından birininin sahibi olmaq, həmçinin bir sıra güzəşt və imtiyazlardan yararlanmaq şansınız böyükdür. Adətən belə kartları varlı müştərilərinə bankın özü təklif edir.

1. J.P. Morgan Palladium Card
JPMorgan Chase bankı Palladium Card kartını 2009-cu ildə xüsusi müştərilərin tələbatlarını qarşılamaq məqsədilə təqdim etmişdi. Bu kartdan istifadə etmək təklif edilən J.P. Morgan müştərilərinin əksəriyyəti bankın nəzarəti altında 10 milyon dollardan az olmayaraq vəsaitə və hesabda orta hədlə 100 milyon dollara malik olmalıdır.

J.P. Morgan Palladium Card ABŞ-ın EMV texnologiyası (çip) ilə təchiz edilmiş ilk kredit kartlarından biridir. Kart metal konstruksiyaya və palladium örtüyə malikdir. Çəkisi isə təqribən 28 qramdır ki, bu da onu digər adi plastik kartlardan 5 dəfə daha ağır edir. 2016-cı ilin sentyabr ayında Palladium Card-ın adı J.P. Morgan Reserve Card olaraq dəyişdirildi. Bu kart öz sələfindən xarici görünüşcə fərqlənməsə də, bir sıra əlavə üstünlük və imtiyazlara sahibdir.
Davamı →

Beyinləri idarə edən şəxs

Volf Messinq bütün dünyada şüurlara təsir edən və onları istədiyi kimi idarə edə bilən bir insan kimi məşhurdur. Müharibə zamanı Messinq həbsxanaya düşür və əgər bu qeyri-adi qabiliyyətə sahib olmasaydı hər şey onun üçün pis nəticələnəcəkdi. Lakin o həbsxana gözətçilərinin birbaşa olaraq şüurlarına təsir edir və təlqinlə qapını onlara açdıraraq onları içəri salır. Qaldığı hücrənin qapısını isə arxadan bağlayaraq azad olur.

Volf Messinqə öz imkanlarını inkişaf etdirməyə kömək edən şəxs berlinli psixiatr Abel olub. Küçədən tapılan uşağın ürək döyüntüləri yox idi. Bu səbəbdən də onu morqa yerləşdirirlər. Uşaq burada 3 gün qaldıqdan sonra bir tibb tələbəsi meyiti yarmaq üçün hazırladıqda onda ürək döyüntülərini aşkar edir. Abel heyrətdən donub qalmışdı. O Messinqə izah edirdi ki, onun orqanizmi öz gücünü saxlayaraq katalepsiyaya düşür.

Və Volf bunu istədiyi an edə bilərdi. Beləliklə Messinqin “səhnə” fəaliyyəti başlayır. O sirklərdə “meyit” rolunu oynayırdı. O böyük kütlə qarşısında öz ölümünü, sonradan isə dirilməsini nümayiş etdirirdi. Zamanla o başa düşür ki, başqa insanların fikirlərini eşitməyi bacarır. O öz çıxışları ilə Avropa və Cənubi Amerikanı gəzmişdi.
Davamı →

Tarixin ən məşhur mərci

Tarixin ən məşhur mərclərindən biri Kleopatra ilə onun romalı sevgilisi Mark Antoni arasında baş tutmuşdu. Kleopatra Antoni ilə belə bir mərc edir: məşhur çariça bütün bir şam yeməyi ərzində şərab içəcək və sərxoş olmayacaqdı. Mark mərci dəyərləndirir və perspektivlərinin geniş olduğunu düşünərək razı olur. Lakin o bilmirdi ki, hiyləgər Kleopatra onu aldadacaq.

Şam yeməyinin əvvəlində masaya şərab sirkəsi ilə dolu qədəy qoyulur. Bu zaman Kleopatra qulağındakı iri mirvarili sırğasını çıxararaq qədəhin içərisinə atır. Bu dövrdə kraliçanın bu sırğasının dəyəri hər kəsə məlum idi.
Davamı →

İki dəfə edam edilən şəxs

Villi Frensis (12 yanvar 1929 – 9 may 1947-ci il) – amerikalı qatil idi. O 1945-ci ildə (16 yaşında) Luiziana ştatında elektrikli stul ilə ölüm cəzasına məhkum edilmiş yeniyetmə, qaradərili cinayətkar idi. Onun başına gəlmiş hadisə elektrikli stulda edam cəzasının baş tutmadığı ilk hadisə idi. Lakin ölüm cəzası ikinci cəhd ilə həyata keçirilir. Bu cəhd vəkil Vertrand DeBlankın etirazına səbəb olur. Belə ki, vəkil bu qəddar və qeyri-adi cəza növünü 8-ci düzəlişin pozulması hesab edirdi.

3 may 1946-cı ildə Villi Frensisi elektrikli stula bağlayırlar. O işə düşdükdə Villi qışqırır: “Söndürün onu, mən qızarıram”. Onu cəld bir şəkildə stuldan ayırırlar və ölüm cəzasına məhkum edilmiş məhbusların olduğu kameraya göndərirlər. Stul isə yoxlanışa göndərilir. Rəsmi məlumata görə, stulda naqillərdən biri sıradan çıxıbmış. Belə olduqda, cinayətkarın vəkili Vertran De Blank Frensinin layiq görüldüyü ölüm cəzasının ömürlük həbs cəzası ilə əvəz edilməsinə nail olmağa çalışır.
Davamı →

Dövlət borcunu satın almağa cəhd edən narkobaron

Karlos Leder – Kolumbiyanın dövlət borcunu almağa cəhd edən narkobaron idi. O bununla yanaşı, Kolumbiyanın ən məşhur narkobaronu idi və iki dəfə dövlət borcunu almaq təklifini irəli sürmüşdü.

 Onun əsas məşğuliyyəti ABŞ-da kokain qaçaqmalçılığı idi. O Floridadan 340 kilometr uzaqlıqda, Baham adalarından birində baza təşkil etmişdi və bura adətən kokain ilə yüklü yük maşınları, yaxud yüngül mühərrikli təyyarələr gətirilirdi.

Ada Karlosa 4,5 milyon dollara başa gəlmişdi. Adanın bütün sakinləri adanı tərk etməli olmuşdu. Bu zaman kimisi pulla əldə edilir, kimisinin isə cəsədi öz yaxtasından tapılırdı. 1978-ci ildən 1982-ci ilə qədər adadan ABŞ-a Kolumbiya kokaininin gətirilməsi üçün xüsusi kanal keçirdi.

Karlosun “karyerası” 1984-cü ildə Kolumbiyanın Ədliyyə nazirinin qətlini sifariş verdikdə məhv olur. Hökumət onun bütün hesablarını dondurur və daşınmaz əmlakını müsadirə edir. Karlosun artıq Baham adalarında şəxsi adası yox idi. O cəngəllikdə ələ keçirilir və ABŞ hökumətinə təhvil verilir. Bundan sonra isə ABŞ məhkəməsi onu ömürlük həbs cəzasına (üstəlik də əlavə 135 il) məhkum edir.
Davamı →

Adrian Lamo – bir xakerin tarixçəsi

Hazırda söhbət açacağımız şəxsi Amerikada bir çoxları tanıyır: federal marşallar, FTB və polis onu axtardığı bir vaxtda o NBC, CNN kanallarının canlı efirində çıxış etməyə cürət etmiş, 32 yaşına baxmayaraq AOL, AOL, Yahoo, Microsoft, [email protected], AT&T Telecom, MCI WorldCom, Intel, Bank of America, CityBank, Cisco, Google və bir sıra məşhur şirkətlərin şəbəkələrini sındırmağı bacarıb.

Bu məqalədə isə məşhur xaker haqqında bir sıra maraqlı faktları təqdim edəcəyik:

Adrian Lamo dünyanın bəlkə də yeganə evsiz xakeridir. O adətən atılmış binalarda, isti havalada park skamyalarının üzərində, soyuq havalarda isə gənclərin yığıncaqlarında gecələyir. İnternetə isə internet kafe, bar və pulsuz simsiz internetin olduğu yerlərdən daxil olur. O demişdir: “Ömrüm boyu internet üçün 1 qəpik belə olsun ödəməmişəm”. Təhsili isə faydasız hesab etdiyindən uzun müddətdir ki, tərk edib və o zamandan etibarən bir yerdə uzun müddət qalmayaraq bütün Amerikanı gəzir.
Davamı →

Butch Cassidy – əfsanəvi bank qarətçisi

Butch Cassidy məşhur amerikalı bank, qatar qarətçisi və “Vəhşi dəstə” adlı quldur dəstəsinin lideri idi.
Butch 13 aprel 1866-cı ildə Yuta ştatında Robert Leroy Parker adı ilə dünyaya gəlir. O İngiltərə əsilli ailənin 13 övladının ilki idi. Butch uşaqlıq illərini valideynlərinin Ohayo ştatında yerləşən imarətində keçirmişdi. Öz karyerasını kriminal aləmdə başlamadan öncə butch-cassidy-1900maldarlıq ilə məşğul olurdu.

Onun yazılı sənədlərin də sübut etdiyi ilk cinayəti 1889-cu ildə Kolorado ştatında Tellurayd şəhərində yerləşən “San Miguel Valley Bank”-a edilən hücum olur. Bu zaman o 20 000 dollar apara bilmişdi. 1884-1886-cı illərdə at oğurluğu səbəbindən iki ilini həbsdə keçirməyə məcbur olur. Azadlığa çıxan Butch “Vəhşi dəstə” adlı quldur dəstəsini yaradır. Bu quldur dəstəsinin ən məşhur üzvü Harri Longbau idi.
Davamı →

“Dominos pizza”nın yaradılması

Tom Monaqan – amerikalı biznesmen, “Dominos pizza” kimi transmilli şirkətin yaradıcısıdır. O fəxri 6 elmi dərəcənin və “İlin sahibkarı – 1984” titulunun sahibidir.

Tom Monaqan 25 mart 1937-ci ildə Miçiqan ştatında, Ann Arbor şəhərciyində dünyaya gəlib. Onun 4 yaşı olarkən atasının dünyasını dəyişməsi Tomun uşaqlıq illərini müxtəlif yetimlər evi və internatlarda keçirməsinə səbəb olur.

O demək olar ki, tənha uşaq olaraq böyüyür və demək olar ki, heç bir dostu olmadığından bütün zamanını kitab oxumağa ayırır. Kitablardan öyrəndikləri onun beynində yeni dünya yaradır. Daim öz vəziyyətini yaxşılaşdırmağa cəhd etmək onun xarakterinin ən müsbət cəhətinə çevrilir.
Davamı →

Jan-Bedel Bokassa və onun özünəməxsus tacqoyma mərasimi

Mərkəzi Afrika Respublikasının prezidenti Jan-Bedel Bokassa 1966-cı ildə hakimiyyəti ələ keçirir. Növbəti il o ölkənin minlərlə vətəndaşını repressiyaya məruz qoyur, dantistləri qadağan edir və özünü dövlətin əbədi rəhbəri elan edir. Lakin bu ona azlıq təşkil edirdi.

Bokassa 1976-cı ildə özünü İmperator elan edir. Onun tacqoyma mərasiminin hazırlıqları 1 il tələb edir. Məraminin xərcləri isə milyard dolları geridə qoyurdu. Bu vəsaitin böyük bir hissəsi isə əhalidən və əcnəbi şirkətlərdən müsadirə edilmişdi. Tacqoyma mərasiminə bütün ölkələrin rəhbərləri dəvət olunsalar da, onlardan heç biri gəlməmiş, bəziləri hətta öz səfirlərini belə göndərməmişdi.
Davamı →

Zairləşdirmə

Jozef-Dezire Mobutu Konqo prezidenti olan kimi dərhal olaraq əcnəbi dilləri qadağan etdi. Dəqiqləşdirmək üçün qeyd edək ki, sözləri deyil, məhz əcnəbi dilin özünü qadağan etdi. Ölkə ərazisində fransız, ingilis və s. digər ənənəvi dillərdə danışmaq olmazdı. Elə bununla da “Zairləşdirmə” kursu, daha doğrusu öz köklərinə, yəni mənşəyinə geri dönmə prosesi başladı.

Zair adlandırılmağa başlayan Konqo da hər şey afrikansayağı görünüş almağa başladı. Buraya təbii olaraq geyim, davranışlar, qida da daxil idi. Fransız adlarına sahib olan ölkə vətəndaşları adlarını yerli adlarla əvəz etməyə məcbur idilər.

Mobutu özü vətəndaşlara nümunə olmaq qərarına gəldi. Bu andan etibarən o Mobutu Sese Seko Kuku Nqbendu va za Banqa adlanmağa başladı ki, bu da tərcümədə “Dəmir iradəsi və dözümlülüyü sayəsində qələbədən qələbəyə gedən və yolunun üzərindəki hər kəsi məhv edən yenilməz savaşçı” mənasını verirdi.
Davamı →