Saçları nazikləşdirən 5 vərdiş

Sən də köhnə fotolarına baxanda saçlarının əvvəl necə güclü və həcmli olduğunu düşünürsən? Hər nə qədər inkar etsək də saçların nazikləşməsi sadəcə genetik səbəblərlə bağlı deyil. Saçlarımıza etdiyimiz bəzi yanlış davranışlar da saçın incəlməsinə səbəb olur.

Çox isti
Saçlarının incəlməsindən şikayətçisənsə, bol buxarlı duşlardan vazkeçin. Eyni dərimizdə olduğu kimi çox isti saç tellərini də qurudur. Saç dərisindəki təbii yağ olan “sebum” isti suyun təsirindən silinir və bu da saçların qurumasına yol açır. Saçları qorumaq üçün ilıq suyla yuyun.

Sıx saç modelləri
Gərgin və sıx yığılmış saç modelləri saç dərisinə və saç tellərinə zərər verir. Özəlliklə yay aylarında bu cür modellərə üstünlük verdiyimiz üçün saç qırılması problemi daha çox yaşayırıq.
Davamı →

Nəm saçlarla yatmağın ziyanları

Yuduqdan sonra saçları tam qurutmadan yatmaq həqiqətən çox ziyanlıdır.

1. İlk növbədə bu kəpəyin əmələ gəlməsinə və artmasına səbəb olur. Məsələ burasındadır ki, kəpəyin əmələ gəlməsinə səbəb olan mikroskopik göbələk bir çoxlarımızın baş dərisində yaşayır. Saçlara düzgün baxım göbələyin artmasının qarşısını alır. Lakin nəm mühitdə göbələk tez çoxalmağa başlayır və bu da kəpəyin sürətlə artmasına gətirib çıxardır.

2. Suyun təsirindən saçlar kövrək və zəif olur, tez qırılır, asan tökülür. Bu səbəbdən daim yaş saçla yatan insanın saçları cansız görünür, tökülür. Mütəxəssislər suyun təsirini azaltmaq üçün saçları yuduqdan sonra mümkün qədər tez qurutmağı tövsiyə edirlər.
Davamı →

Yazın dəbli saç stili - Bob

Bir çox qadınlar həyatının bu və ya digər dövründə öz obrazında radikal dəyişiklik istəyir və ilk “zərbə altına” saçlar daha çox məruz qalır. Uzun saçların istənilən dövrdə dəbdə və gözəl olması ilə mübahisə etməyin mənası yoxdur. Lakin bu günün müasir, uğurlu və işgüzar qadın obrazı əsasən qısa və orta uzunluqda saç kəsimi ilə daha çox assosiasiya edilir.

Məsələ burasındadır ki, əksər qızlar və qadınlar çox fəal həyat tərzi sürür, dolayısı ilə saçlarının qayğısına qalmağa və mürəkkəb saç düzümlərinə ayırmağa vaxtları olmur. Bundan başqa heç də hamının saçı möhkəm, gur və sağlam olmur. Bu amil xanımların çoxuna saçını uzatmağa mane olur. Bu günün dəbi qısa saç kəsimlərini diktə edir. Yaz və yay aylarının ən dəbdə olan saç kəsimi bobdur.

Bob kəsiminin xüsusiyyətləri
Məlum olduğu kimi bob kare saç kəsiminə yaxındır. Lakin oxşarlıq yalnız ilk baxışdan görünür. Bəs bobla kare saç düzümü bir-birindən nə ilə fərqlənir? Əsas fərqi həcmlərinin bir-birindən əhəmiyyətli dərəcədə müxtəlif olmasıdır. Belə ki, bos kəsimində bir qayda olaraq boynunun arxa hissəsi açıq görünür, bəzi variantlarda isə arxadakı kəsim başın lap yuxarısında bitir.
Davamı →

Ağ saçları gizlətməyin 6 yolu

Ağaran saçlarınızı rəngləmək üçün vaxtınız və imkanınız yoxdur? Ya da saçlarınızı rəngləməyə qıymırsınız? Bəs ağ telləri gizlətməyin yollarını bilirsinizmi?

Saçınızı fərqli tərəfə ayırın
Hər gün saçınızı ortadan, ya da eyni tərəfə ayırırsınızsa, bunu dəyişdirin. Saçınızı fərqli tərəfə daradığınızda çıxan ağlar daha az diqqət çəkəcək. Eyni zamanda saçlarınıza həcm də qazandıracaq.

Saçınıza fərqli hava qatın
Dümdüz saçlarda çıxan ağ saçlarınız o dəqiqə bəlli olur. Dağınıq qıvrımlar mükəmməl bir şəkildə istənməyən rəngdəki saçlarınızı gizlədər. Saç fırçasının yardımı ilə saçlarınızı dalğalandırın və saç spreyi sıxın.

Davamı →

Səhər gözəl saçlarla oyanmaq üçün

Yuxudan oyananda güzgüyə baxmağa qorxursunuz? Saçlarınız sizi dəhşətə salır? Elə bilirsiniz gözəl saçlarla oyanmaq ancaq kinolarda olur? Əslində isə bu, sandığınız kimi çətin iş deyil.

Yatmadan əvvəl saçlarınızı hörün
Yatarkən saçlar bir-birinə sürtünərək, elektriklənir və dolaşır. Bunun qarşısını almaq üçün edilə biləcək ən praktik yollardan biri saçları hörməkdir. Ancaq saçlarınızı quru ikən hörün və çox bərk sıxmayın.

Bir neçə damcı hindqozu yağı damcıladın
Saç uclarına sürtdüyünüz hindqozu yağı saçların elektriklənməsinin qarşısını almaqla yanaşı parlaq görünməsinə də yardımçı olur. Ancaq hindqozu yağını çox istifadə etməməyə və saç diblərinə sürtməməyə diqqət edin.
Davamı →

Saçlar niyə elektriklənir?

Saçların elektriklənməsi ilə bir çox insanlar üzləşir. Xüsusilə bu soyuq fəsillərdə tez-tez baş verir.

Bunun səbəbi istilənmə sistemlərinin təsirindən saçların həddindən artıq quruması, sintetik papaqların taxılması, saçlara düzgün olmayan qulluq ola bilər. 

Saçların elektriklənməsi ilə mübarizə aparmaq üçün bizim məsləhətlərimizdən faydalana bilərsiniz: 

— Evdə istilənmə sistemi işləyirsə, evin havasını daim nəmləndirin. Bu saçların və dərinin qurumasına mane olacaq.

— Plastik və metal daraqlardan istifadə etməyin, taxta və ya keramik örtüyü olan daraqdan istifadə edin.
Davamı →

Saçların düzgün yuyulması

Saçınızı necə yuyacağınızı bildiyinizimi düşünürsüz? Yenidən düşünün! Fərqində olmadan etdiyiniz bəzi səhvlər var. 

Həftənin 7 günü, ilin 365 günü eyni şampundan istifadə edirsiz.
Hər şeydən əvvəl saçlarınızı hər gün şampunlamamalı və hər dəfə eyni şampundan istifadə etməməlisiz. Bir neçə aydan bir şampunuzu dəyişdirin.

Şampunlamadan əvvəl saçlarınızı yetərincə islatmırsız.
Saçlarınızı tamamən yaxşı islatdığınıza əmin olun.

Şampunlamağa həmişə eyni yerdən başlayırsız.
Həmişə saçınızın düz ortasından şampunu tökürsüz. Bu dəfə ya boyun hissəsindən, ya da saç uclarından başlayın.

Çox sürtünmə yaradırsız.
Saçlarınıza çox zərər verməmək üçün sadəcə barmaq ucları ilə zərif masaj edərək saçlarınızı yuyun.

İsti suyla durulayırsız.
İsti su saç dərisinin, saçların qurumasına səbəb olur, ilıq sudan istifadə edin.


Davamı →

Saçlar niyə vaxtından tez ağarır?

Bir çox xanımlar saçların ağarmasını qocalma prosesinin bir siqnalı kimi qəbul edirlər.

Bu həqiqətən belədirmi? Bu təbii proses olduğundan, gec və ya tez hər bir insanda baş verir. Adətən tək-tək ağ saçların peyda olması 30-35 yaşlara, 50-55 yaşlarda isə bu prosesin tezləşməsi müşahidə olunur. Bəs  bu prosesin cavan yaşlarda əmələ gəlməsini necə qəbul etmək lazımdır? Tibb sahəsində vaxtından əvvəl saçların ağarması, yalnız saçların 50% -nin 40 yaşa qədər ağarması  və ya ağ saçların 30 yaşdan əvvəl əmələ gəlməsi hallarında qəbul edilir.

Saçın rəngi onun mərkəz hissəsi olan- beyin maddəsi ilə təyin olunur. Beyin maddəsinin tərkibi, melanisidlər- saç soğanaqlarında yaranan xüsusi hüceyrə olan az saylı piqment və qaz qabarcıqlarından ibarətdir.Piqmentin sayından asılı olaraq saçlar müxtəlif rəngdə olur: açıq, şabalıdı, kürən və qara. Ağarmış saçlarda piqment olmur, onlar yalnız hava qabarıcıqlarından ibarət olurlar.


Ardı →

Saç rəngini açmağın təbii üsulları


Özünü başdan yaratmaq istəyən hər bir xanım ilk olaraq saçlarına əl atır. Saçlarınızın rəngini kimyəvi maddələrlə dəyişdirib canlılıq və parlaqlığını korlamaqdansa təbii yollardan istifadə edə bilərsiniz.

Saç rəngini açmağın təbii yolları:
Çobanyastığı xüsusilə solğun sarı saçlar üçün təsirlidir. Saç uclarını həftədə 1 dəfə çobanyastığı çayı ilə yumaq saçlarınıza parlaqlıq verəcək. 1-2 fincan çobanyastığı çiçəyini 6 stəkan suya əlavə edib yarım saat dəmləyin. Dəmləmdikdən sonra azca nəmləndirdiyiniz saçlarınıza tökün. Yarım saat saxladıqdan sonra bol suyla yuya bilərsiniz.
Ardı →