Kayzen

«Time» jurnalı tarixin bütün dövrlərində orqanizm üçün ən faydalı olan 50 bitki və qidanın siyahısını dərc edib. Tufts Tibb Mərkəzlərinin dietoloqlarının hazırladığı siyahıdan bəzi bitki və təamların faydalı xüsusiyyətləri orqanizmin sağlamlığı üçün olduqca əhəmiyyətlidir.

1. Ghe yağı — hind mətbəxində istifadə olunur. Dadlı və orqanizm üçün faydalıdır. Duzsuz kərə yağından əldə edilir. Mədə-bağırsaq xəstəlikləri, dəri və gözaltı qırışları aradan qaldırır, qan dövranının fəaliyyəti üçün çox faydalıdır;

2. Harissa sousu — Mərakeş mətbəxinə aid olan həddindən artıq acı ədviyyatdır. Sousda bibər, zeytun yağı, sarımsaq və bəzi acı ədviyyatlardan istifadə olunur. Tərkibində xalestrol və şəkərin olmaması onun orqanizm üçün faydalılıq dərəcəsini artırır. İmmun sistemini gücləndirir.
Davamı →

İllər keçdikcə metabolizmin sürəti və yandırılan kalori miqdarı azalır. Arıqlama prosesini yavaşlatmaqla yanaşı, kökəlməyə də səbəb olan bu halın qarşısını almaq üçün etməli olduqlarınızı sizin üçün qeyd etdik.

Oyandıqdan sonra səhər yeməyini gecikdirməyin.
Səhər oyandıqdan sonra uzun müddət ac qalırsınız və ürəyiniz səhər yeməyi yemək istəmirsə, bu metabolizmin yavaşladığını göstərən bir işarə ola bilər. Çünki ac olduğumuz zaman bədən kalori yandırmağı dayandırır.
Davamı →

Dünyada heyvan mənşəli məhsullardan tamamilə və ya qismən imtina etmək getdikcə populyarlaşır. Vegetarianlıq özü-özlüyündə bir neçə növə bölünür- süd içən vegeterian və ya yumurta yeyən vegeterian. Həqiqi vegetarianlar, onları veqanlar da adlandırırlar, ümumiyyətlə heyvan mənşəli heç bir qida qəbul etməyib, balıq, yumurta, süd məhsulları və baldan da imtina edirlər.

Bir qayda olaraq, vegetarian həyat tərzi seçmiş valideynlərin övladlarının da rasionunda ət və ət məhsulları olmur. Lakin, son zamanlar vegetarian ailələrdə böyüyən uşaqların pis qidalanma səbəbilə xəstəxanaya yatırılma halları artıb.
Davamı →

Qeyri-sağlam qidalanma və fiziki avtiv olmamaq bütün dünyada bir çox sağlamlıq problemlərinin əsas səbəblərindəndir.

Sağlam qidalanma piylənmə, diabet, ürək-damar xəstəlikləri, iflic və onkoloji xəstəliklər də daxil olmaqla bir sıra qeyri-infeksion xəstəliklərdən (QİX) qorunmağa yardımçı olur. Sağlam qidalanma vərdişi həyatın erkən dövründən başlanmalıdır. Həyatın ilk 2 ilində balanslı qidalanma QİX-ə yoluxma riskini azaldır və sağlam həyat sürülməsini dəstəkləyir.

Son illərdə əhalinin istifadə etdiyi qidalar daha çox enerji/doymuş və trans yağ/sadə şəkər/duzla zəngin olur, əksinə meyvə-tərəvəz, tam taxıl məhsullarını az qəbul edilir. Sağlam və balanslı qidalanma fərdi ehtiyaclara görə təyin olunmalıdır (yaş, cins, həyat tərzi, fiziki aktivlik vəziyyəti və s.).
Davamı →

Diyetoqlar və həkimlərin ümumi fikrinə görə, ən faydalı səhər yeməyi yulaf yarması sıyığıdır. Hər səhər 1 boşqab yulaf yarması sıyığını yeyən insan özünü bir çox xəstəliklərdən və pozulmalardan qoruya bilər. Bu sıyığı faydalı və müalicəvi xüsusiyyətləri arasında:

— qanda xolesterolun səviyyəsini aşağı salır və bununla da aterosklerozun əmələ gəlməsinin qarşısını alır. Ateroskleroz ürək-damar sistemi xəstəliklərinin, o cümlədən infarkt və insultun əsas səbəbi sayılır.

— stressi azaldır, əhval-ruhiyyəni yaxşılaşdırır, insanı daha gümrah edir.

— tez toxluq hissi yaradır. Sübut olunub ki, səhər yeməyi zamanı yulaf yarması sıyığını yeyən insan nahar zamanı daha az yemək yeyir. Bu isə arıqlamağa kömək edir.
Davamı →

Akvaterapiya psixoterapevtik və bilavasitə bədən xəstəliklərinin müalicəsi ilə əlaqədar olaraq iki yerə bölünür. Təcrübə göstərir ki, su mühitinə uyğunlaşma və ona qarşı qorxunun dəf edilməsi psixoloji problemlərin asan həll olmasına səbəb olur.

Xüsusilə psixoloji qiymətləndirmə əhəmiyyətli dərəcədə yaxşılaşır, ətrafdakılarla münasibətlərdə yaxşılığa doğru dəyişikliklər müşahidə edilir, əhval-ruhiyyə, yaradıcı potensial və işgüzarlıq yaxşılaşır, xəstə müxtəlif “fobiya”, izah olunmayan həyəcan və başqa mənfi psixofizioloji hallardan azad olur. Akvaterapiyanın köməyi ilə bir sıra xəstəlikləri müalicə etmək olar:
Davamı →

Sağlamlıq əsl sərvətdir. Təəssüf ki, əksəriyyətimiz bunu sağlamlıqda problemlər əmələ gəldikdə dərk etməyə başlayırıq.

Əslində insan orqanizmi çox möhkəm və özü özünü bərpa etmək xüsusiyyətinə malik olan mükəmməl bir sistemdir. Bizdən yalnız bu proseslərə mane olmamaq və bacardığımız qədər kömək etmək tələb olunur.

Sağlam olmaq üçün çox sadə qaydalara əməl etmək kifayətdir. Bu qaydalar arsında:
1. Pis vərdişlərdən imtina edin.
2. Hər gün ən azı 1 saat ərzində bədən tərbiyəsi ilə məşğul olun və ya heç olmasa açıq havada orta tempdə gəzin.
3. Hər gün təxminən 2 l təmiz su için.
4. Hər gün 500 qr meyvə-tərəvəz yeyin.
Davamı →

İdman sağlamlığın əsasıdır. Amma idmanla məşğul olanda diqqətli olmaq lazımdır. Belə ki, idman edərkən etdiyimiz bəzi səhvlər bədəninizdə narahatçılıqlara səbəb ola bilər. Səhv bir hərəkətlə hətta zədələnə bilərsiniz. Belə risklərdən uzaq, təsirli idman üçün etdiyimiz səhvlərin siyahısını sizinlə paylaşırıq. Səbirsiz olmaq+ İdmanla məşğul olanların əksəriyyəti, xüsusilə də artıq çəkidən azad olmaq istəyənlər o dəqiqə nəticə əldə etmək istəyirlər. Lakin idmanla tez bir zamanda nəticə əldə etmək mümkün deyil. Buna görə də idman edərkən səbirli olun və idmana vaxt verin. Ancaq yavaş-yavaş və səbirlə edilən idman sizi artıq çəkidən qurtulmaq və ya əzələləri inkişaf etdirmək üçün daha sağlam və təsirli nəticəyə aparacaq.

İdman etməzdən əvvəl isinmə hərəkəti etməmək
Hər dəfə idmana başlamazdan qabaq isinmə hərəkəti mütləqdir. Belə ki, bu hərəkətlərdən sonra idman hərəkətlərinizi daha rahat edəcəksiniz. Eyni zamanda bu hərəkətlər əzələlərə qan və oksigenin getməsini tezləşdirir, bədənin istiliyini artıraraq idmana hazırlayır. İdmandan öncə 10-15 dəqiqə asta qaça və ya dinamik dartınma hərəkətləri edə bilərsiniz.
Davamı →

Qidalı lifləri ilə zəngin olan məhsulların qəbulu artıq çəkidən azad edir, şəkərli diabet, ürək-damar sistemi, ağ ciyər xəstəliklərinin riskini azaldır.

İngiltərə alimləri tərəfindən keçirilən yeni araşdırmalar sübut edib ki, yeniyetmə və cavan yaşlarında çoxlu miqdarda qidalı liflərlə zəngin olan məhsulların qəbulu böyük yaşlarda süd vəzi xərçənginin riskini xeyli azaldır.

Medical Daily xəbər verir ki, alimlər 90 min qadın haqqında olan məlumatları (həyat tərzi, qidalanma, sağlamlıq və s.) analiz ediblər. Nəticədə məlum olub ki, yeniyetmə dövründə tez-tez meyvə-tərəvəz və digər qidalı liflərlə zəngin olan məhsulları qəbul edən qadınlarda süd vəzi xərçənginin riski bu qidaları az miqdarda qəbul edən qadınlarla müqayisədə 12-19% daha azdır. Alimlər bunun səbəbini hələ ki bilmir. Lakin onların fikirinə görə, qidalı liflərin çoxlu miqdarda qəbulu qanda estrogen hormonlarının səviyyəsinin aşağı düşməsinə səbəb olur ki, bu da xərçəngin ehtimalını azaldır.
Davamı →

Yaşlanmaq sanki birdən baş verirmiş kimi görünsə də, əslində hər orqanın öz yaşlanma sürəti vardır.

Sizi nəyin gözlədiyini bilsəniz, əvvəlcədən bədəninizin bəzi qisimlərinə daha çox diqqət edərsiniz. Klivlend Klinikasının geriatriya üzrə mütəxəssisi dr. Ronan Factorun fikrincə, bədəninizi hər yaşda mühafizə etmək mümkündür.

Beləliklə, hər orqan neçə yaşında və necə yaşlanmağa başlayır…

Dəri — 18 yaş: 18 yaşından etibarən davamlı kollagen və elastik elastin ildə 1% azalmağa başlayır. Bu müddətdə siqaret çəkməyərək, yaxşı qidalanaraq bunun qarşısını ala bilərsiniz.
Davamı →