Kayzen

Şəkər tozu kariyesə səbəb olmur, buna səbəb turşudur. Ancaq şəkərli məhsullar qəbul etdikdə, ağızda yaşayan bakteriyalarda bundan faydalanır.

Bakteriyalar turşu istehsal esir. Bu isə diş emalının zədələnməsinə səbəb olur. Növbəti qida məhsulları və içkilər dişləri zədələyir.
Davamı →

Diş minasının cilalanması gigiyena prosedurunun son mərhələsidir. Diş daşı və ərpinin təmizlənməsindən sonra minanın səthi nahamar olur. Bu vəziyyəti aradan qaldırmağa cilalama proseduru kömək edir.

Diş minası cilalalanmazsa qida qalıqları asanlıqla minaya yapışaraq diş ərpi və daşlarının tez əmələ gəlməsinə səbəb olacaq. Cilalama proseduru bunun üçün nəzərdə tutulmuş xüsusi rezin başlıqlar, ştripslər, abrazivliyi müxtəlif olan məcunlar, konusşəkilli və digər fırçalarla icra olunur.
Davamı →

Siqaretin təsirindən diş minası tünd ərplə örtülür. Buna səbəb siqaret tüstüsünün tərkibindəki nikotin, qətran və fenol tərkibli birləşmələrdir. Eyni zamanda qaynar siqaret tüstüsünün dişin mina qatı ilə mütəmadi təması minanın qurumasına və onda mikroçatların əmələ gəlməsinə səbəb olur.

Belə mina kofenin, çayın, meyvələrin tərkibində olan rəngləyici piqmentlərlə çox asan rənglənir. Amma bu fakt siqaretdən gələ biləcək ziyanın çox az qismidir. Çünki, siqaret dişlərdən çox diş ətinə ziyan verir.
Davamı →

Müasir dövrün ən böyük tələblərindən biri də, estetikadır. İnsanın üz quruluşuna gözəlliyinə rəng qatan əsas meyarlardan biri estetik gülüşdü. Gözel quruluşlu və bəyaz dişlər hər insana qismət olmur. Lakin bəzi peşə sahiblərində (incəsənət nümayəndələri, jurnalistlər, işi ilə əlaqədar insanlarla daima ünsiyyətdə olan və.s) bu yolverilməz haldı.

Bəs bunun üçün nə etməli?
Müasir dövrdə insanin itirilmiş estetikliyini bərpa etmək üçün bir neçə üsul var. Bunlardan biri də vinirlərdir. Bu konstruksiyalar dişlərə həm rəng baxımından həmdə görünüş baxımından gözəllik verir. Bir sözlə sizlərə Hollivud gülüşü qismət edir.
Davamı →

1. Karies dünyada ən yayılmış xəstəlik sayılır. İnsanların 95-99%-də karies var.

2. Maraqlıdır ki, eskimoslarda və Cənub Palmir dağlarında yaşayan qunzu tayfasında kariesə təsadüf edilmir.

3. Qadınlar arasında kişilərlə müqayisədə karies 2 dəfə daha çox təsadüf edilir. Bunu əsasən hamiləlik zamanı kalsiumun orqanizmdən yuyulması ilə əlaqələndirirlər. Bundan əlavə qadınlar şirniyyatlara daha meyillidir.
Davamı →

Bildiyimiz kimi, ağzımızda ən axırıncı çıxan dişlər ağıl dişləridir. Əsasən 17-25 yaşları arasında çıxır. Hal hazırda bir çox insanlarda ağıl dişləri çıxmır.

Ağıl dişlərin çıxması bəzi problemlər yarada bilə. Bu dişlərin ağızda qalıb qalmaması mübahisəlidir. Əgər dogru vəziyyətdə çıxırsa və ətraf toxumalara zərər vermirsə bu diş yerində qala bilər. Çənə sümüyünə birləşmiş və anormal vəziyyətdə olan bir dişin (rentgenlə müəyyən edilmiş) gələcəkdə yol açacağı zərərlər göz önünə alınaraq çəkilməsinə qərar verilə bilər. Ağıl dişlərinin çəkilməsinə yol açan hallar hansılardır?
Davamı →

Müasir stomatologiyada dişlərin çəkilməsi yalnız istisna hallarda tətbiq edilir.

Stomatoloqlar deyir ki, ən yaxşı və bahalı süni diş heç zaman təbii dişin yerini verə bilməz. Müasir stomatoloji metodikalar hətta qismən dağılmış dişləri bərpa etmək imkan verir.

Lakin bəzən dişi saxlamaq mümkün olmur və həkim xəstənin dişini çəkmək məcbur olur. Dişin çəkilməsi kiçik cərrahiyyə əməliyyatıdır — ağrısazlaşdırma tətbiq edilir, bəzən diş yuvasına tikişlər qoyulur, ağrısızlaşdıran və antibakterial preparatlar («antibiotik»lər) təyin edilir və s. Bu səbəbdən dişi çəkilən insan müəyyən qaydalara əməl etməlidir ki, qanaxma, iltihab kimi fəsadlar inkişaf etməsin.

— Diş çəkiləndən sonra 3 saat ərzində qida və maye qəbul etmək olmaz.

— Fiziki gərginliklər (xüsusilə əyilmək, ağır əşyaları qaldırmaq və s.), isti vanna, sauna  əks-göstərişdir. Bu dişdən qanaxmaya səbəb ola bilər.

Ardı →

İnsanın sağlam həyat tərzində gigiyena xüsusi əhəmiyyətə malikdir. Ağız-diş təmizliyi, əl-dırnaq təmizliyini həyata keçirən vasitələr şəxsi olmalı və digər insanların bundan istifadəsinə icazə verilməməlidr. Diş fırçaları da belə vasitələr qrupuna daxildir və seçilərkən orqanizmin xüsusiyyətlərinə uyğun qaydada seçilməlidir.

Bu gün mağazalarda müxtəlif firmaların müxtəlif qiymətlərə diş fırçaları satılır. Mütəxəssislər bildirirlər ki, 80 qəpikdən 10 manata qədər olan diş fırçaların istifadə müddəti 3 aydır. Yəni hansı firma olur-olsun, ağız və diş sağlamlığı üçün diş fırçası 3 aydan artıq istifadə edilməməlidir.

Ümumiyyətlə, ağız təmizliyi üçün insanlar hər zaman axtarışda olublar. Hələ lap qədim dövrlərdə dişləri təmizləmək üçün budaq, quş tükü, heyvan sümükləri, kirpi tikanı və s. bu kimi təbii vasitələrdən istifadə edilib. İlk diş fırçası isə e.ə 3000-ci ildə qədim Misirdə qələm boyda ağac budaqlarının istifadəsi ilə tətbiq edilib. İslam dünyasında isə Salvador misvak ağacının budaqları ilk dəfə diş təmizləmək üçün istifadə olunub. Hazırda istifadə edilən diş fırçalarını xatırladan diş fırçası isə 1498-ci ildə Çində hazırlanıb. İlk diş fırçası patentini 1857-ci ildə Amerikada Vadsvorth alıb.

Stomatoloqlar bildirir ki, diş fırçaları sərtliyinə görə yumşaq, orta sərtlik və sərt olmaqla üç hissəyə bölünür.

Ardı →

Bir çox insanlar bu problemlə vaxtaşırı olaraq üzləşir.
İsti, soyuq, şirin, turş qidalar və içkilər dişlərdə ağrıya səbəb olur. Ağrı hətta dişlərin təmizlənməsi zamanı və çöldə soyuq hava udduqda inkişaf edə bilər. Bu hal «hiperesteziya» adlandırılır. Problemlə həm böyüklər, həm də uşaqlar (xüsusilə yeniyetmələr — onların orqanizmlərində gedən güclü dəyişikliklərə görə) üzləşir.

İltihab zamanı olan ağrı ilə müqayisədə hiperesteziya zamanı olan ağrı yalnız qıcıqlandırıcı (qida, maye və s.) dişin üzərinə düşdükdə əmələ gəlir və tez də keçir. Dişin iltihabı zamanı isə ağrı daha uzun çəkir.

Hiperesteziya müstəqil pozulma kimi inkişaf edə bilər və ya digər xəstəliklərin əlaməti kimi meydana çıxa bilər (parodontit, parodontoz, endokrin pozulmalar və s.).
Ardı →

Bildiyimizə görə insan orqanizminin yarı hissəsi sudan ibarətdir. Məhz buna görə suya olan tələbatını ödəmək üçün, insan gün ərzində çoxlu miqdarda su içməlidir.

Lakin içdiyimiz bəzi digər içkilər orqanizmə adi suyun təsir etdiyi kimi müsbət təsir göstərmir. İstifadə etdiyimiz bir çox içkilər: çay, qəhvə, qazlı sular, limonadlar və s. bir çox hallarda orqanizm və ən əsası ilk olaraq kontaktda olduğu dişlərə mənfi təsir göstərə bilir. Son zamanlar qazlı içkilərin dişlərə nə qədər ziyanlı olduğu haqda bir çox məlumatlar yayıldığından, bu məqalədə sizə bunun səbəbi və nə qədər düzgün fakt olduğunu bildirmək istəyirik:

Beləlilkə hər bir şirin qazlı içki, tərkibində şəkər və ya şəkər əvəzedicisi olan turşa şirin əsasa və tuşuya malikdir. Həm şəkər həm də turşu(xüsusən də limon turşusu) diş emalını parçalayaraq, kariesin yaranmasına səbəb yaradaraq dişlərə eyni dərəcədə çox pis təsir göstərir.
Ardı →