Macarıstanın Duna Kollecinin rəhbəri: Anam və həyat yoldaşım Azərbaycanlıdırlar, ona görə azərbaycanlı tələbələri qəbul etmək mənim üçün şərəfdir

Matin_Hashem

Zəhmət olmasa özünüzü bizim oxuculara təqdim edin.

Mən Mətin Haşem, Budapeştdə yerləşən Duna Beynəlxalq Kollecinin (Duna International College) təsisçisi və direktoruyam. Mən kompüter elmləri üzrə mühəndislik oxumuşam, bununla bərabər Macarıstanda Beynəlxalq Biznes Məktəbində (International Business School) menecment üzrə magistraturada təhsil almışam. Mən əvvəl müəllim olmuşam və Macarıstana magistr təhsilimi başlamaq üçün gəlmişdim. Daha sonra bu yerin təhsil və karyera üçün gözəl olduğunu dərk etdim. Mən çox xoşbəxtəm və fəxr edirəm ki, Budapeşt şəhərində Duna Kollecini (Duna College) təsis etmək və başlamaq mənə nəsib oldu. Budapeşt mənim üçün sevimli bir şəhərdir, çünki həyatımdakı ən yaxşı dostları, həmkarları və unudulmaz anları məhz bu şəhərdə tapdım.


Ardı →

Budapeştdə 4 həftəlik ingilis dili kursu (yay məktəbi)

Bu kurs hər biri 45 dəqiqə davam edən 100 ingilis dili dərsindən ibarətdir və 2015-ci ildə 5 iyul-1 avqust tarixlərində Budapeştdə International Business School-da keçiriləcək. Kursun məqsədi ümumi və biznesyönümlü ingilis dili biliklərini bütün istiqamətlərdə (dinləmək, danışmaq, oxumaq və yazmaq) orta səviyyədə inkişaf etdirməkdir.  Kursun iştirakçıları üçün Budapeştdə əyləncə proqramı – muzeyləri gəzmək, filmlərə baxmaq, görməli yerlərə səyahət etmək kimi sinifdənkənar fəaliyyətlər də nəzərdə tutulub. Bundan əlavə həftədə iki dəfə Macarıstanın ən gözəl tarixi və təbiəti olan yerlərinə eksursiyalar da təşkil olunacaq.

Tələbələr International Business School-un (Beynəlxalq Biznes Məktəbinin) kampusunda yerləşən yataqxanada qalacaqlar. Tələbələrə gündə 3 dəfə yataqxananın restoranında yemək veriləcək. 4 həftə ərzində 100 dərsdən ibarət ingilis dili kursu + gündə 3 dəfə yemək + lüks şəraitdə qalmaq + səyahət etmək + əyləncə (kino, oyunlar, muzeylər, rəqs və s.) = hamısı cəmi 1550 avro. Budapeştə gediş və gəliş, eləcə də viza xərcləri göstərilən 1550 avroya daxil deyil və iştirakçı tərəfindən ödənməlidir. Cəmi 1550 avroya 1 ay ərzində həm ingilis dilini öyrənəcəksiniz, həm də Avropanın ən gözəl şəhərlərindən biri olan Budapeştdə dincələcəksiniz.

Ardı →

Budapeştə International Business School-a gəldikdə seçimimdə nə qədər düzgün olduğumun şahidi oldum

    IMG_3705  

Bugünkü müsahibimiz Macarıstanda yerləşən International Business School-un məzunu və Macarıstan-Azərbaycan Gənclər Birliyinin sədri İbrahim Səfərlidir. O, bizimlə Budapeştdəki tələbə həyatı və ictimai iş təcrübəsi barədə fikirlərini bölüşür.

  — Necə oldu ki, məhz Macarıstanda təhsil almağa qərar verdiniz? Bu ölkəyə sizi nə cəlb etdi? 

İlk olaraq müsahibə üçün sizə öz təşəkkürümü bildirirəm. Bakalavrda təhsil alarkən belə, Avropada magistr təhsili haqqında düşünürdüm. Bir neçə variantı nəzərdən keçirdikdən sonra mənim üçün ən optimal variantın Macarıstan olduğunu qərara aldım. Əsas amillərdən biri seçdiyim universitetin məni Britaniyanın nüfuzlu diplomu ilə təmin etməsi, Budapeştin Avropanın ən gözəl şəhərlərindən biri olması ilə yanaşı, həm də əsl tələbə şəhəri olması idi. Bir məqamı da vurğulamaq istərdim ki, ümumi yaşayış qiyməti də tələbə üçün əsas faktorlardan biri hesab edilir. Bu nöqteyi nəzərdəndə Budapeştdəki qiymətlər digər Avropa şəhərlərindən xeyli ucuzdur.


Ardı →

Budapeştdə fəaliyyət göstərən ali məktəbimiz alman dilli bölgələrin xaricində yerləşən və tamamilə alman dilində fəaliyyət göstərən yeganə universitetdir

 Schützhold (1)

Zəhmət olmasa, özünüzü oxucularımıza təqdim edin.

Mən Peter Schützhold, Budapeştdə yerləşən Andraşi Universitetində (Andrássy University Budapest – AUB) marketinq və kommunikasiya departamentin rəhbəriyəm.

Qısaca Andraşi Universitetini necə təsvir edə bilərsiniz?


Ardı →

Budapest Business School-un Macarıstanda olması, xüsusi ilə də Budapeşt kimi gözəl şəhərdə yerləşməsi seçimim zamanı məni cəlb etdi

Orxan_11041332_404630936378846_934323380_n

Bu dəfəki müsahibimiz Macarıstanın ən böyük universitetlərindən olan Budapeşt Biznes Məktəbində maliyyə üzrə təhsil alan həmyerlimiz Orxan Hüseynzadədir. Biz onunla oxuduğu universitet, Budapeştdə tələbə həyatı və digər mövzularda söhbətləşdik. Həmin müsahibəni Sizə təqdim edirik.

-Təhsil aldığınız Budapest  Business  School (BBS) haqqında oxuculara qısa məlumat verə bilərsinizmi?

Budapest Business School (Budapeşt Biznes Məktəbi) xüsusi ilə maliyyə və mühasibatçılıq üzrə Macarıstanın aparıcı universitetlərindən biridir. 1857-ci ildə tacirlər və Avstriya-Macarıstan bankçıları tərəfdən əsası qoyulub və rəsmi olaraq dünyanın ən qədim ikinci biznes məktəbir.

 


Ardı →

Türkiyədəki təhsilimi yarımçıq qoyub Macarıstanda oxumağa gəldim

ziya tarverdizade - 1 (1)

Bu dəfəki müsahibimiz Macarıstanın ən böyük universitetlərindən olan Corvinus Universitetində marketinq üzrə magistraturada təhsil alan həmyerlimiz Ziya Tarverdizadədir. O, bakalavr təhsilini Budapeştdə aldıqdan sonra, magistratura üçün də yenidən Budapeştdə oxumağa qərar vermişdir. Biz onunla oxuduğu universitet, Budapeştdə tələbə həyatı və sair mövzularda söhbətləşdik. Həmin müsahibəni Sizə təqdim edirik.


Ardı →

Macarıstanın Mərkəzi Avropa Universitetini seçməyimin əsas səbəblərindən biri buranın dünyanın ən nüfüzlü universitetlərindən biri olması idi.


ph2

Bugünkü müsahibimiz Macarıstanda Siyasi Elmlər (Political Science) ixtisası üzrə təhsil alan həmyerlimiz Ülvi Əlizadədir. O, hazırda Mərkəzi Avropa Universitetində magistr pilləsində təhsil alır. Biz onunla oxuduğu universitet və Macarıstan barədə təəssüratlarını soruşduq, o isə öz təcrübəsini və təəssüratlarını bizimlə bölüşdü. Ülvi bəy bizim suallarımıza ətraflı və maraqlı cavablar vermişdir. Buyurub müsahibə ilə tanış ola bilərsiniz.

— Necə oldu ki, məhz Macarıstanda təhsil almağa qərar verdiniz? Bu ölkəyə sizi nə cəlb etdi?

İlk öncə müsahibəyə görə Sizə öz minnətdarlığımı bildirirəm. Bakı Dövlət Universitetində oxuyarkən artıq qərara gəlmişdim ki, magistr təhsilimi Avropada davam etdirim. Bakalavr təhsilimi bitirdikdən sonra müxtəlif universitetlərə baş vurdum və bir neçəsindən qəbul cavabı aldım. Qəbul aldığım universitetlərin arasında çox yaxşı universitetlər var idi. Amma əsas prioritetim Mərkəzi Avropa Universitetinə (CEU-ya) daxil olmaq idi. Sözün düzü konkret olaraq Macarıstanda təhsil almaq qərarına gəlməmişdim, yəni əgər bu universitet Banqladeşdə yerləşsəydi, ora da gedərdim (gülür).


Ardı →

Balaca Silvianın həyat hekayəsi

Tanzaniyanın ucqar kəndlərindən birində yaşayan səkkiz yaşındakı Silvia yaxşı bir təhsil almağa qərarlıdır. Ancaq onun bu arzusu hər bir dərs günü tək başına uzun və təhlükəli, bir saat yarımlıq bir yolu piyada getməsi  anlamına gəlir. Yoxsul ailəsinin Silviaya ayaqqabı, ya da məktəb forması almağa gücü çatmır. Amma Silvia yenə də şanslı uşaqlardandır.  Çünki, Afrikada məktəb yaşına çatmış yarısı qız 29 milyon uşaq hələ də  məktəbə gedə bilmir.

Silvia daha çox kiçik olarkən atası vəfat edincə  anası yenidən evlənmişdir. Hal-hazırda Silvia ailəsi ilə   Darüssəlam şəhərindən  təxminən 300 kilometr uzaqda, əkin ərazilərinin ortasında, ən yaxın yola yarım saat məsafədə bir evdə yaşayır. Birləşmiş Millətlər Təşkilatının məlumatlarına görə, 1999-2008 illər arasında Afrikadakı qız uşaqlarının məktəbə getmə faizi  54-dən 74-ə yüksəlmişdir.  Ancaq hələ də  16 milyon qız uşağı məktəb təhsili ala bilmir. Yeri gəlmişkən Tanzaniyada pulsuz təhsil sisteminə 2001-ci ildə keçilib

Ögey atası Silvianın orta məktəbə getməsini maddi bir yük olaraq görür, amma Silvia bunun həm özünə, həm ailəsinə faydalı olacağını düşünür. «Müəllimlərimiz qarşı hiss etdiyim hörmət üzündən mən də müəllim olmaq istəyirəm. Bu yolla məni gözləyən həyatdan daha yaxşı bir həyata sahib ola bilərəm» deyə Silvia vurğulayır.


Ardı →

Macarıstanda təhsil maddi imkanı orta olan istənilən insan üçün əla seçimdir

 fidan abdullayeva 4

Bugünkü müsahibimiz Macarıstanın paytaxtı Budapeşt şəhərində təhsil alan həmyerlimiz Fidan Abdullayevadır. Biz onunla Macarıstanda təhsil almaq yolları, oradakı təhsilin üstünlükləri, tələbə həyatı ilə bağlı söhbətləşdik. Həmin  müsahibəni sizə təqdim edirik.

-Təhsil aldığınız univeristet və ixtisasınız haqqında oxuculara məlumat verə bilərsinizmi?

Mən, Fidan Abdullayeva Macarıstanın ən böyük dövlət universiteti olan ELTE-də, magistraturada  təhsil alıram. İxtisasım isə İngilis dili və ədəbiyyatıdır. Məlumat üçün deyim ki, ELTE Macarıstanın ən tanınmış universitetlərindən biridir və bu universitetdə bir sıra Nobel mükafatçıları dərs deyir. Bu ali məktəb “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”na daxildir.


Ardı →