Kayzen

Marketinq strategiyası  sizin şirkətinizin marketinq hədəflərini və onlara çatmaq üçün planın tərtib edilməsində sizə kömək edən addımlar silsiləsindən ibarətdir. Marketinq strategiyasını yazanda  hədəf bazarı təsvir edən bölmə əlavə edin; sizin məhsulun və xidmətin bazar meydanında nə ilə fərqləndiyini izah edən bir bölmə;  marketinq qarışığından məlumat verən bir bölmə;  və imkanlarını necə yerbəyer etmək  haqqında planı təsvir edən bir bölmə.

Təlimatlar: 

 1. Rəqiblərinə görə hədəf müştəriləri  araşdır. Onların müştərilərinin  yaş, cins və etnik mənsubiyyəti kimi demoqrafik məxsusiyyətlərini müəyyənləşdir.  Həmçinin, hədəf bazarlar üçün oxşar  istehsal sahələri haqqında  ticarət qrupları, kiçik biznes təşkilatları və yerli ticarət palatası ilə danış. Sonra  sən öz istehsal sahənlə əlaqədar onlayn araşdırma et. Hədəf bazarın üçün məişət gəliri, mediya istifadəsi  və texnoloji üstünlükləri kimi demoqrafik, psixoloji  və sosialoji informasiyaları axtar.

Ardı →

Bu gün hər kəs ağız boşluğunun gigiyenasını qorumaq üçün diş məcunlarından istifadə edir. Bəzi insanlar orqanizmin sağlamlığını düşünüb diş məcunu aldıqda tərəddüd edir, görəsən hansı yaxşıdır, tərkibi orqanizm üçün ziyanlıdırmı? Bəziləri isə məcunu tərkibinə baxmadan, dişimi ağartsın, dişimin karyesini töksün, damağıma xeyrili olsun deyə düşünüb alırlar. 
Bu gün istifadə olunan diş məcunlarının tərkibində zəhərli maddələr, süni qatqılar, köpükləndirici vasitələr insan orqanizmi üçün çox ziyanlıdır. Onlar ağız boşluğunun sağlamlığını qorumur, əksinə səhhətimiz üçün təhlükə yaradır. Bu xəstəliklərdən özümüzü qorumaq üçün təbii diş məcunu reseptini öyrənməliyik. Yalnız təbii diş məcunu qorxusuz və ziyansızdır.

Tərkibi:
Mürsafi ağacının bərkimiş halda yapışqanı
balaca 2 ədəd Limon qabığı (rəndənin xırda gözündən keçirilmiş, ya üyüdülmüş)
Rozmarin
Yaşıl çay
Ardı →

Qaşlarınız şəxsiyyətinizi əks etdirir. Necə göründüyünüz, üzünüzün ifadəsi qaşlardan asılıdır. Qaş modasını deyil, üzünüzə ən uyğun formanı seçməlisiniz. 
Evdə özünüz qaş formasını pozmadan necə alacağını addım-addım izah edəcəyik. Qaş almaq üçün hər dəqiqə salona getmək, həmçinin gözəlliyi hamıya etibar etmək olmur. Hər dəfə qaşların daha artıq incəlməsinə təhəmmül etməyənlər və mən bu işin öhdəsindən gələ bilərəm deyən qadınlar da özlərinin gözəllik mütəxəssisi ola bilir. Lakin bu proses yenə də salonla nəticələnə bilər. Qaşları düzəldərkən çox diqqətli və ehtiyatlı davranmaq lazımdır. Xüsusən də qaşları tələsərək almaq olmaz. 

Birinci addım: Qaş alma prosesində daha acı hiss etmək üçün ilk olaraq suda isladılmış makiyaj təmizlənyən süngəri qaşlarda bir müddət saxlamaq lazımdır.

İkinci addım: Qaşlarınızı bir qaş darağı ilə yuxarıya doğru darayın. Bu prosesi etməzdən əvvəl qaş almağa başlayanda açıq rəngli tüklərin ucu görünmür və onları təmizləmək çətin olur. Üzünüzə ən uyğun qaş şəklini tapın. Bir qələm alın və burun qanadlarınızdan birinə söykəyib, şəkildəki kimi dik olaraq üzünüzdə tutun. Qaş, qələmin bərabər gəldiyi nöqtədən başlamalıdır. Sonra qələmi gicgahınıza doğru əyin. Bu nöqtə də qaşın bitdiyi yer olmalıdır. Qaşın başlanğıcı və sonu tək bir xəttdir. Qaşlarınızı, bu xətt çərçivəsində formalandırın. 
Ardı →

Antibiotiklər – mikrobların inkişafını dayandıran və ya onları məhv edən kimyəvi maddələrdir. “Antibiotik” – yunan sozu olub mənası: anti — “qarşı”, bios isə “həyat” deməkdir.

Antibiotiklər aşkar edilənə qədər infeksion xəstəliklər milyonlarla insanın ölümünün əsas səbəbi idi. İlk antibiotik olan penisillin 1929-cu ildə Şotlandiyalı bakterioloq Aleksander Fleminq tərəfindən kəşf edilmışdır. O, təsadüfən laborator kasacıqların birində stafilokokların inkişafını dayandıran penisillin adlı kif göbələyini aşkar etmişdir. Bu, XX əsrin ən böyük kəşfi, tibbdə isə həqiqi bir inqilaba səbəb oldu. Daha sonra 1940-cı ildə İngiltərədə penisillin antibiotiki təmiz şəkildə alınmışdır.

Hazırda dünyada təxminən 200 növ antibiotik hazırlanmışdır. Kimsə soruşa bilər ki, bəs nə üçün bu qədər çox? Məsələ ondadır ki, mikroblar da özlərini antibiotiklərin hücumundan qorumaq üçün – bəziləri onlara qarşı davamlılıq yaradır, digərləri isə antibiotikin özünü parçalayan ferment hazırlayır və s. Ən pisi də ondan ibarətdir ki, daima bir-biri ilə cütləşən bu mikroblar antibiotiklərə qarşı davamlılığı bir növdən digərinə də ötürürlər! Məhz buna görə alimlər daim yeni növ antibiotiklər hazırlamağa məcbur olurlar. Yeri gəlmişkən onu da qeyd etmək lazımdır ki, ilk antibiotik olan penisillin hal hazırda öz əhəmiyyətini demək olar ki, tamamilə itirmişdir. Buna səbəb isə əksər mikrobların, penisillini parçalayan “penisillinaza” adlı ferment hazırlamaqla, özlərini ondan qoruya bilməsi ilə izah olunur.

Ardı →

Tərkibi:
3-4 kq kiçik körpə xiyar
5-6 budaq kərəviz yarpağı
1 baş sarımsaq
1 ədəd limon
1 dəstə şüyüd
2-3 ədəd dəfnə yarpağı
1 Litr su
6 x.qaşığı duz
Hazırlanması:
* Təzə, sərt, eyni boydakı xiyarları yaxşıca yuyub təmizləyin.
* Təmiz bir iynəylə bir neçə yerindən deşin.
* Bankanın dibinə bir neçə budaq kərəviz yarpağı yerləşdirin və bunun üzərinə də iki incə limon dilimi qoyun.
* Xiyarları möhkəmcə yerləşdirin.
* Aralarına sarımsaq dişlərini, dəfnə yarpağını və kərəviz yarpağını sıxışdırın.
* İncə limon dilimlərini xaricdən görüləcək şəkildə qabın kənarlarına yerləşdirin.
* Yerləşdirmə əməliyyatı bitincə, 1 litr suya (qaynadılmış və süzülmüş olması lazımdır ) 6 x.qaşığı duzu töküb suyunu hazırlayın.
* Duz əridikdən sonra bankaya tökün.
* Əgər su xiyarların üzərini örtmədisə eyni şəkildə duzlu su hazırlayıb, xiyarların üstünü örtəcək qədər duzlu su qoyun.
* Xiyarların üzərini dəfnə yarpaqları və şüyüdlə örtüb qabın qapağını bağlayın.
* Otaq istiliyində 3-4 həftə suyuna nəzarət edərək  gözlədin.
* 3-4 həftə sonra turşunuz hazır hala gəlmiş olar.

Davamı →

Dodaq dərisində piy vəzilərin olmadığı üçün dodaqların səthi daha həssas olub qurumağa və qabıq verməyə meylli olur. Bu hal vitaminlərin çatışmazlığı, orqanizmin bir sıra xəstəlikləri, streslər, uzun müddət soyuq havada qaldıqda və s. nəticəsində baş verir.

Dodaqların qurumasının səbəblərindən biri də siqaret çəkilməsi, həmçinin krem və ya pomadaya qarşı allergiyanın olmasıdır. Bir sıra hallarda dodaqların qırmızı haşiyəsinin iltihablaşması prosesinin səbəbi günəş şüalarına qarşı yüksək həssaslığın olmasıdır. 
Bu halda çölə çıxmamışdan qabaq dodaq dərisinə tərkibində günəşdən qoruyucu filtrlər olan krem və ya pomada sürtmək tövsiyə edilir (çimərlikdə günəş vannaları qəbul edərkən də bu cür etmək lazımdır).

Yadda saxlayın ki, şaxtalı və küləkli havada dodaqları yalamaq olmaz. Bunu etməklə siz onun qoruyucu səddini xaric edirsiniz ki, bunun da nəticəsində dodaqlar qurumuş olur. Şaxtalı havalarda dodaqların səthinə bir neçə qat yağlı pomada sürtmək lazımdır.

Ardı →

Su çiçəyi xəstəliyini herpetik viruslardan biri törədir. 
Xəstəliyin baş verməsi ehtimalı çox yüksəkdir. Praktik olaraq bütün insanlar uşaqlıqda bu infeksiyaya yoluxurlar. Xəstəlikdən sonra yaranan immunitet çox yüksək olur və təkrar xəstələnmə halı olmur.

Xəstəliyin əvvəlində uşağın hərarəti qalxır, onun ümumi halı, iştahası və yuxusu pozulur. Sonra səpgi əmələ gəlir. Səpgi ilk əvvəl xırda qırmızı ləkə şəklində olur. Bir neçə saatdan sonra ləkə qabarcığa çevrilir. Qabarcıqlar 1-2 gündən sonra açılır və onların yerində qartmaq əmələ gəlir. Suçiçəyi qabarcıqları nəinki dərinin müxtəlif yerlərində, başın tüklü hissəsində, cinsi orqanlarda, həmçinin ağız və daxili orqanların selikli qişasında da əmələ gəlirlər.

Ardı →

İnsan orqanizminin 2/3 hissəsini su təşkil edir. Bunu biz məktəb vaxtından bilirik.  Reallıqda isə insan orqanizmində olan suyun həcmi daim dəyişilir və 45%-dan 60%-a qədər çata bilər.

Bu suyun böyük hissəsi hüceyrələrin içərisində, daha az hissəsi — hüceyrələr arasında olan boşluqlarda və damarlarda olur. Məhz suyun köməyilə orqanizmimizdə gedən, demək olar, bütün proseslər (hüceyrələr arası mübadilələrdən başlayaraq, sinir impulsların ötürülməsinə kimi) mümkün olur. Bu səbəbdən su insan üçün həyat deməkdir. Susuzlaşma zamanı insanın orqanizmində çox ciddi pozulmalar baş verir. Kəskin susuzlaşma hətta insanın az bir müddət ərzində həlak olmasına səbəb ola bilər.

Orqanizmimizin bütün ehtiyaclarını ödəmək üçün bizə nə qədər su lazımdır? Belə bir formul mövcuddur — insan çəkisinin hər 1 kiloqramı üçün 30-40 ml su.
Digər formula görə — 1500 ml + insan çəkisinin hər 1 kq-na 20 ml su (bədən çəkisi 20 kq-dan artıq olduqda). Orta hesabla 70 kq bədən çəkisi olan insan gün ərzində 2,5 l və daha artıq su qəbul etməlidir.Təbii ki, bu heç də o demək deyil ki, insan hər gün mütləq düz 3 l su içməlidir. Axı biz suyu digər mənbələrdən də alırıq — suplar, şirələr, meyvə və tərəvəzlərdə olan su və s.

Ardı →

Tərkibi:
2 banan
 1 qırmızı alma
 80 qram kərəvizin kökü 1 ədəd pomidor
 2 x.q. mayonez kahı yarpaqları

 Hazırlanma qaydası:
 Bananları təmizləyib dairəvi şəkildə, almanı isə xırda kub formasında  doğrayın. Kərəvizin kökünü təmizləyib nazik dilimlərlə doğrayın. Kahı yarpaqlarını yuyub iri-iri doğrayın. Boşqabda doğranılmış banan, alma, kərəviz kökü və kahı yarpaqlarını yaxşıca qarışdırın.
 Pomidorun qabığını soyub xırda-xırda doğrayın. Pomidorun qabığını asan soymaq üçün əvvəlcə yuxarı hissəsini bıçaqla kəsin, daha sonra qaynar suda pörtlədin. Doğranılmış pomidoru mayonezlə qarışdırıb, salatın üzərinə tökün. Bananı təmizləyib içinə kahı yarpağı qoyun. Üzərinə hazırladığınız salatı əlavə edin.
 Nuş olsun!
Davamı →

Zoğalın təzə dərilmiş meyvəsindən və şirəsindən xalq təbabətində şəkər xəstəliyi zamanı, sərinlədici və ürək yanğısının qarşısını alan vasitə kimi istifadə edirlər. Ümumiyyətlə, Azərbaycanın xalq təbabətində zoğalın meyvələrindən çox qədimdən isitməyə [malyariyaya] qarşı istifadə olunur. Zoğal mürəbbəsi soyuqdəyməni aradan qaldırır.

Tərkibi:
Zoğal – 1kq,
şəkər – 1,2kq.

Hazırlanması:
Zoğaldan bütöv və çəyirdəyi çıxardılaraq mürəbbə bişirilir. Şəkərə 2 stəkan su töküb şərbət hazırlanır. Şərbətin yarısı birinci bişirmədən əvvəl, yarısı isə 2-ci bişirmədən əvvəl tökülür. 5-8 saat saxlamaq şərti ilə 2 dəfəyə bişirilir. Bəzən zoğalın üzərinə şərbətin hamısı tökülür, qaynadılır və aradan 10-15 dəqiqə soyutmaq şərtilə 4-5 dəfəyə bişirilir.

Davamı →