Təzyiqi aşağı salan 10 bitki

Statistikaya əsasən dünyada 40 yaşdan yuxarı praktik olaraq 50% insan yüksək təzyiqdən əziyyət çəkir.

Yüksək arterial təzyiq orqanizm üçün çox ziyanlıdır. Bu ürəyin, damarların, böyrəklərin, gözlərin sağlamlığına böyük ziyan vurur, infarkt, insult, böyrək çatışmamazlığı, korluq kimi ağır pozulmalara səbəb olur.

Arterial təzyiqi mütləq normada saxlamaq lazımdır. Bunun üçün xüsusi preparatlar mövcuddur. Belə preparatları xəstəyə həkim təyin etməlidir. Bəzi bitkilər də təzyiqi aşağı salmağa kömək edə bilər. Lakin nəzərə almaq lazımdır ki, bu bitkiləri yalnız köməkçi vasitə kimi (əsas müalicə ilə parallel olaraq) istifadə etmək olar. Təzyiqi salmağa kömək edən bitkilər bunlardır:
Davamı →

Qara ciyərin sağlamlığı üçün faydalı təbii içki

Bu faydalı içki qara ciyər və öd kisəsi üçün çox faydalıdır — iltihabəleyhinə təsir edir, fəaliyyətini yaxşılaşdırır, təmizləyir, möhkəmləndirir, bərpa proseslərini sürətləndirir. Sizə bu faydalı içkinin reseptini təqdim edirik.

Tərkibi:
— 1 ədəd qreypfrut
— 1 x.q. sürtgəcdən keçirilmiş təzə zəncəfil
— 1 diş sarımsaq
— 1 x.q. bal
— 200 ml su

Hazırlanması:
1. Sarımsaq sarımsağəzənlə əzilir, sürtgəcdən keçirilmiş zəncəfillə yaxşı qarışdırılır.
2. Qreypfrutdan şirə sıxılır.
3. Sarımsaqla zəncəfilin qarışığı, şirə, bal və su blenderlə yaxşı qarışdırılır və axşam yatmazdan təxminən 1 saat əvvəl kiçik qurtumlarla içilir. Bu içkini həftədə 2-3 dəfə qəbul edin.
Davamı →

Böyrəkləri təmizləyən cövhər

Xalq təbabətində orqanizmi təmizləmək üçün bir çox müxtəlif təbii cövhərlər istifadə olunur. Bu cövhər böyrəkləri duzlardan, qumdan çox yaxşı təmizləyir, iltihabı azaldır. Lakin nəzərə almaq lazımdır ki, sizdə böyrək daşı xəstəliyi varsa, bu cövhərdən itifadə etmək olmaz.

Bu daşların tərpənməsinə, sidik kanalına düşməsinə səbəb ola bilər.

Cövhərin hazırlanması:
5 dəstə cəfəri, 2 ədəd limon (qabıqlı) blenderlə əzilir. Üzərinə 1 l qaynar su tökülür, 1 gün (24 saat) ərzində saxlanılır. Daha sonra cövhəri yaxşı süzün və gündə 3 dəfə armudu stəkanın 1/2 hissəsi olmaqla yeməkdən 30 dəqiqə əvvəl için.
Davamı →

Qurd əleyhinə çay

Bu bitki çayı orqanizmi parazitlərdən əsaslı şəkildə təmizləyir. Bu çox tanınmış və effektli reseptdir.

Tərkibi:
— Sürvə otu
— Tozağacı yarpaqları
— Palıd ağıcı qabığı
— Kalendula
— Ayıpəncəsi
— Dağ tərxunu
— Yovşan
— Nanə
— Çobanyastığı

Hazırlanması:
Hər otdan 1 xörək qaşığı götürülür və qarışdırılır. Bu qarışıqdan 1 çay qaşığı götürüb 1 stəkan qaynar su tökün və termosda 1 saat ərzində dəmləyin. Hazır çayı yaxşı süzün və 1 həftə ərzində hər gün acqarına stəkanın 1/4 hissəsi olmaqla, sonra 2 həftə ərzində 1 stəkan olmaqla qəbul edin.
Davamı →

Seboreya

Seboreya xəstəliyi saç diblərinin kəpəklənməsi, qaşınması və ən əsası da saç görüntüsünü pozmasıdır. Belə ki seboreyalı insanların saçlarında həmişə kəpəklənmə olduğundan kəpək üst paltarlarına belə tökülə bilir.

Çox çətin müalicəyə tabe olan bir xəstəlikdir. İndi hal-hazırda at pıtrağı bitkisi çıxıb Azərbaycanın hər tərəfində bol-bol bitir, bu bitkinin köklərini yığın, ət maşınından keçirin və saç diblərinə çəkin, 2 saat gözləyin, sonra ilıq su ilə yuyun. Bunu gündə bir dəfə 20 gün edin, həm seboreya, həm saç tökülməsi və həm də saç diblərindəki qızartı və səpgiləri götürmək üçün yaxşı bir vasitədir.

Diqqət: İstifadə zamanı səpgilər və qaşıntı artarsa, deməli bu bitkiyə allergiyanız var, istifadəni dayandırın.
Davamı →

Uşaqlarda boğazgəlmə zamanı

Əgər uşağınızın boğazı tez-tez gəlirsə və badamcıqlar böyüyürsə deməli sizin uşağınızın immunteti zəifdir və boğazda infeksiya ocağı vardır. Bu zaman boğaz ətini kəsdirməyə tələsməyin. Bu resepti 15 gün edin, 1 həftə sonra boğaz şişləri keçəcək, amma immunteti yüksəltmək üçün davam edin.

Bal – 200 qram
Ud hindi tozu – 2 xörək qaşığı
Propolis – 30 qram

Balı isidin, propolisi kiçik-kiçik hissələrlə bala əlavə edib əridin, sonra oddan götürün, ud hindi tozunu əlavə edib yaxşı-yaxşı qarışdırın, qarışıqla gündə 3 dəfə hər dəfə yarım çay qaşığı ilə uşağın boğazını silin, amma badamcıqlara təzyiqlə basmayın. Daha yaxşı olar ki, xaricdən də isidilmiş qarazirə yağı ilə 5 gün kompress edəsiniz.

Fizulihuseynov.com
Davamı →

Dırnaqlarda göbələyin xalq təbabəti vasitələri ilə müalicəsi

Bu çox yayılmış problemdir. Göbələyin təsirindən dırnaqlar qalınlaşır, ovulur, saralır, dəri qaşınır, ayaqlardan pis qoxu gəlir. Bu da, təbii ki, ciddi kosmetoloji qüsur yaradır.

Dırnaqda göbələyi müalicə etmək üçün daxilə həkim təyin etdiyi xüsusi göbələk əleyhinə preparatları qəbul etmək lazımdır. Yalnız bu halda göbələk infeksiyasından yaxa qurtarmaq mümkün olacaq. Bu bütün dünyada təsdiq olunmuş müalicə metodudur. Bununla yanaşı köməkçi vasitə kimi xalq təbabəti vasitələrdən istifadə edə bilərsiniz. Bu vasitələr arasında:

Yod məhlulu
Bu vasitə göbələklə mübarizədə çox yaxşı kömək edir. 2 həftə ərzində səhər və axşam zədələnmiş dırnağa yod çəkin. Ayaqlar təmiz və quru olmalıdır.
Davamı →

Kamfora yağı

Kamfora Şərqdə qədim vaxtlardan tibbdə çox geniş istifadə olunurdu. Onun köməyi ilə ağrılar, iltihablarla mübarizə aparırdılar. İnsanlar inanırdı ki, kamforanın kəskin iyi qara güvvələri qovur.

Kamfora təbii müalicəvi vasitədir. Kamfora yağını kamfora ağacından istehsal edirlər.

Kamfora yağı müasir dövrdə də həm tibbdə, həm də kosmetologiyada geniş istifadə olunur. Kamfora yağı bir çox qızdırıcı, ağrısızlaşdıran, iltihabəleyhinə mazların tərkibinə daxildir.

Ev şəraitində təmiz kamfora yağı müxtəlif ağrılar və iltihablar zamanı təbii müalicəvi vasitə kimi uğurla istifadə oluna bilər. Kamfora yerli qan dövranı yaxşılaşdırır, iltihabı azaldır, sinir sisteminə çox müsbət təsir edir, sakitləşdirir, ürəyin fəliyyətinə müsbət təsir edir.


Ardı →

Sarımsaqlı limon suyu

Limon suyu və sarımsaqla hazırlanan qarışıq, damar sərtlikləri, damar yağlanması, damar tıxanıqlıqları və təzyiq kimi problemləri birdəfəlik aradan qaldırır. Ev şəraitində hazırlanır.
Ərzaqlar:
2 litr su qatılmamış limon suyu
40 diş soyulmuş və əzilmiş sarımsaq
Ağzı bərk bağlanan tünd rəngli bir qab (2 litrlik şüşələr də istifadə edilə bilər)
Hazırlanması:
2 litrlik qabı limon suyu ilə doldurun. Soyulmuş 40 diş orta boy sarımsağı əzərək limonun içinə atıb şüşənin qapağını möhkəm bağlayın. 25 gün normal temperaturda saxlayın və hər gün bir neçə dəfə çalxalayın. Təxminən 25 gün sonra sarımsaqların limon suyunun içində əridiyini görəcəksiniz.
Davamı →

Anginanın xalq təbabəti üsulları ilə müalicəsi

İlk növbədə nəzərinizə çatdıraq ki, anginanı (tonzillit) yalnız və yalnız antibakterial preparatların («antibiotik»lər) köməyi ilə müalicə etmək mümkündür.
Bu çox vacibdir. Müalicə olunmayan və ya düzgün şəkildə müalicə olunmayan tonzillit müxtəlif pozulmaların və xəstəliklərin (ürək və böyrək xəstəlikləri və s.) inkişafına səbəb ola bilər. Təbii ki, lazım olan «antibiotik» yalnız həkim xəstəni müayinə etdikdən sonra təyin edə bilər.
Antebakterial preparatlarla yanaşı müxtəlif xalq təbabəti üsullarından istifadə etmək olar. Bu üsullar xəstəliyin tez müalicə olunmasına çox yaxşı kömək edir. Bundan əlavə xroniki tonzilliti olan insanlar bu vasitələri profilaktik məqsədi ilə istifadə edə bilərlər. Bu vasitələr boğazın selikli qişalarının davamlılığının artmasına kömək edirlər və nəticədə insan daha gec-gec anginaya tutulur.
Davamı →