Təsirli gözəl şeirlər

Sənin üçün | Nəbi Xəzri

Qarlı bir zirvə olsan,
Ağ buludun olaram.
Dərin xəyala dalsan,
Mən sükutun olaram.

Çəmən olsan əgər sən,
Sərin yağış çılərəm.
Əgər dənizə dönsən
Sahilə çevrilərəm.

Qovmuşam dərdi, qəmi,
Xoşbəxtin ilki mənəm.
Səslənsən nəğmə kimi,
Sözlərin, bil ki, mənəm!

Məni susdursa zaman,
Səni özüm sanaram.
Səhər kimi oyansan,
Günəş kimi yanaram.


Davamı →

Eşq şeirləri

 Qadasın aldığım…| Nüsrət Kəsəmənli

Çöl mənimdi, çiçək sənin,
Gül sənindi, ləçək mənim,
Əl mənimdi, ətək sənin,
Kəsmə, qadasın aldığım.

Səndən sonra yoxdu yolum,
Sən oldun qanadım, qolum,
Öldür məni, qurban olum,
Küsmə, qadasın aldığım.


Davamı →

Mənalı Sevgi Şeirləri

 

  Hələ də sevirəm, sevirəm səni I Nüsrət Kəsəmənli

Günəşsən göylərdən enməyəcəksən
Sənsiz nə çəkirəm bilməyəcəksən
Bilirəm bir daha dönməyəcəksən
Hələ də sevirəm, sevirəm səni.

Bu bahar könlümə qəmi,
Mən oldum dəryada yelkənsiz gəmi,
Çiçəklər baharı sevdiyi kimi
Hələdə sevirəm, sevirəm səni.

Gedişin nə yaman agırmış, ağır
Qulağıma səsdir, adımı çağır
Üstümə qəm dolu yağışlar yağır
Hələdə sevirəm, sevirəm səni.

Gözlərim yoldadır qulağım səsdə
Ümidim çırpınır bir daş qəfəsdə,
Baş qoyub həsrətin qolları üstə,
Hələdə sevirəm, sevirəm səni.

 
Sevirsən I Furqani

Gözlərini zilləyərək rəsminə,

Saatlarla baxırsansa, sevirsən!

Xəyalıyla neçə-neçə arzular,

Qurursansa, yıxırsansa, sevirsən!


Bəzən ürək dediyini dil demir,

Eşq önündə neynər olsa «qəlb» dəmir?

Bir gün nədir, beş gün nədir? Bir ömür

Sorağına çıxırsansa, sevirsən!


Davamı →

Uşaq şeirləri

  

 
Göyqurşağı  | Mina Rəşid.
 
Al-əlvan rənglərimlə
Göyün yaraşığıyam.
Sevir məni uşaqlar
Mən bir göyqurşağıyam!
 
Hərdən görünürəm mən
Yeddi rəngli donumda.
Günəş şəfəqlərilə
Yağış görüşən anda.
 
De, hansı rəssam çəkər?
Heyrətlə baxır hamı.
Allahın əsəriyəm
Məndən gözəl de, hanı?

Davamı →

Zəlimxan Yaqub şeirləri

 Gəlirəm

 
Duyğuların zirvəsinə baş vurub,
Uca sözün ucasından gəlirəm.
Gör nələr var üçcə hərfin canında,
“Söz”ün bircə hecasından gəlirəm.
Ömür üzən, gün qocaldan, yaş yoran,
Dincəlməyə aman verə, kaş, yoran.
Sualların saç ağardan, baş yoran,
“Neyçün”ündən, “necə”sindən gəlirəm.
Danışdırdım hər pərdəni, hər simi,
Dərk eylədim avandımı, tərsimi.
Məktəb açdı, Tanrı verdi dərsimi,
Ustadından, xocasından gəlirəm.
Tilsim ömrün, qıfıl ömrün, sirr ömrün,
Hünərin var qapısından gir ömrün.
Yuxusuna haram qatmış bir ömrün,
Min yuxusuz gecəsindən gəlirəm.
Süzülmüşəm tarixlərin ruhundan,
Od almışam yananların ahından.
İnsanların Adəmindən, Nuhundan,
Cavanından, qocasından gəlirəm.
Qorxusu yox nə amanın, nə ahın,
Günəşi var hər açılan sabahın.
Qapısında xidmətçiyəm Allahın,
Qapısından, bacasından gəlirəm.
 
 
✓Müəllif: Zəlimxan Yaqub.

Davamı →

Ədəbiyyatımızı əruzdan xilas etmək lazımdır

Azərbyacan şairi Mirzə Ələkbər Sabirin 1910-cuildə Salman Mümtaza verdiyi ilk və yeganə müsahibəsini təqdim edir.
1910-cu ilin iyun ayında mən Bakıya gəlmişdim və Bakıdan da Tiflisə gedəcəydim. Burada təsadüfi olaraq ikinci dəfə Sabirlə görüşə bildim. Bu da Aşqabaddan 1893-cü ildə ilk dəfə Sabirlə görüşdüyümüz tarixdən 17 il sonra idi...

Davamı →

Biz tərəfləri



Qazaxa gedərik səninlə bir gün:
Sənə də göstərim biz tərəfləri.
Şeirlə danışar insanlar, gülüm,
Görçək Dəli Kürün söz tərəflərin.
 
Kür burda bölünüb, haçalanıbdır.
Göy azan eşidib, savab alıbdır.
Ay gözəl, aşıqlar havalanıbdır:
Duyursan Qazaxın saz tərəflərin?
 
Təsanə dərd oxur- sim simə təndir.
Kiminin saçına həsrəti dəndir.
Sərhəddin o yanı yenə Vətəndir:
İndi qürbət olub biz tərəfləri.
 
Ayrılıq həsrətə döz dağı oldu:
Ağı dağı oldu, söz dağı oldu.
İgidlər düşmənə göz dağı oldu:
Vətəndə qürurla gəz tərəfləri.

Sular cuşa gəlir, sular kürləyib.
Göylərdən buraya Göyəzən gəlib.
Gəz, dolan dünyanı, dədələr deyib: 
Öləndə insana öz tərəfləri

Cavidan Hacıyev

Davamı →

Qaçış



Bəlkəbu gecə mən də
Olum bir azca uşaq.
Qaçım dərdsiz, qayğısız,
Bir azca olum şıltaq.

Qaçım yumub gözləri,
Qaçım hayana gəldi.
Dünya da kı… qoy qalsın,
O, əzəldən belədir.

Dünya öz qayğısında,
Bəlkə itib yaddaşı.
Bəlkə bizləri görmür,
Ya saymır, uzaqbaşı.

Bizdən dünyaya nə var?
Dünya öz işindədir.
Deyirlər, dünya dərdi
«Tabut, beşik dərdidir» (1).

Bəlkə oyuncağıyıq
Bu ərköyün uşağın.
Söz var: «Dünya da qaçır
Başdan alıb papağı» (2).

Məndən dünyaya nə var,
Dünya da mənlik deyil.
Mənimki ötəridir,
Beş-on misralıq meyil.

Qaçıram hara gəldi,
Bu dünyanın əlindən.
Bir gecəlik azadə,
Bir şeirlik küləyəm.

Bu şeirlə qaçıram
Bu gecə bu dünyadan.
Çox da ki qaç, bitəcək
Bu şeir də sonunda.

Uzun-uzun yazmaqla,
Qaçmağın nə mənası?
Gözlə, indi gəlirəm,
Salam, qayğı dünyası.

Cavidan Hacıyev


_____________________________________________
(1), (2) — www.youtube.com/watch?v=SZu_QHd6ppw
 

Davamı →

Nəfəs

«Nəfəsim ol» söyləyir sevgidən yazan şair.
«Nəfəsimsən» yazılır namələr sətir-sətir.
Nəfəslə həyat gəlir..
                               Gedir həyat nəfəslə. 
Nəfəs özü də bitir- yenisi gəlsin deyə.
Yeni nəfəs gələcək — arxayındır insanlar:
Yaman çoxdur unudan — nəfəs sayılı olar.
Davamı →