Yaponiyanın Şərq sahilində, Miharasi No Oka təpəsindən Sakit okeana gözəl mənzərə açılır. Lakin insanlar Hitaçinaka şəhərinə dənizə baxmaq üçün gəlmirlər. Onlar 2011-ci ildə sunami nəticəsində məhv olmuş, buna baxmayaraq, əvvəlki gözəlliyini bərpa etmiş Hitaçi parkı üçün uzun məsafələr qət edirlər.






Park kiçikdir, sahəsi cəmi 3,5 hektardır. Bununla belə, ilin bütün fəsillərində parka tamaşa etmək üçün nəsə tapırsan. Ona məhşurluq gətirən isə hər tərəfi mavi rəngə boyayan nemofillərdir. Nemofildən əlavə, buranı fəsillərə uyğun yaşıl rəngdən tünd qırmızıya kimi növbənöv güllər və kollar da bəzəyir.