Malayziyalı rəssam Vins Lou rəsm çəkməyin yeni üslubunu yaradıb. O, sadəcə olaraq bir parça kağız götürdü və üzərinə uşaqlıqda olduğu kimi o kənardan bu kənara xəttlər çəkməyə başladı. İlk öncə anlaşılmayan bir şey alındı. Lakin qələmlə rəsm çəkmə texnikasını inkişaf etdirən Lou bu işində çox irəliyə getdi. Öz fərdi üslubunu yaratdı. Unikal texnikadan istifadə edərək, əlini kağızdan ayırmayaraq, rəssam bir vərəqə bütün emosiyaları və duyğularını tökməyi bacardı. Yaratdığı hər qəhrəman sanki canlıdır və hər dəqiqə vərəqdən kənara çıxa biləcək.