Doğuşun rahat keçməsi üçün bunlara əməl edin

Doğuşdan əvvəl hamilələr ümumi olaraq qayğılanırlar və bu, təbii bir vəziyyətdir. Daha əvvəl heç doğum etməmiş bir qadın bilmədiyi bu vəziyyət üçün narahat olur, ya da qorxur. Bəzi qadınlar isə birinci doğuşdan sonra ikinci uşaq dünyaya gətirməkdən imtina edirlər.

1. Xəstəxana seçin
Doğuşdan əvvəl yatacağınız xəstəxananı ziyarət etmək əhəmiyyətlidir. Bununla doğuşa gedərkən qayğınız daha az olar. Xəstəxananın evə yaxın olması sizi daha da rahatladacaq.

2. Doğuşla əlaqədar kurslara gedin
Belə kurslara getmək müəyyən mənada sınaq etmənizi təmin edəcək. Əgər doğuşu zehninizdə böyütmüsünüzsə, bu, narahatlıqlarınızı azaldacaq.
Davamı →

Payızda immuniteti artıran qidalar

Havaların soyuması ilə əlaqədar qrip və soyuqdəymə kimi xəstəliklər özünü göstərməyə başlayıb. Ancaq gündəlik qəbul etdiyimiz qidalarda bir sıra dəyişikliklər edərək, xəstəliklərin qarşısını ala bilərik.

Təzə qoz
Təzə qoz yeməyin ən məqsədəuyğun fəsli payızdır. Bu aylarda yeyilməsi lazım olan təzə qoz həm Omega-3, həm də E vitamini ilə zəngin olduğundan immunitet sistemini gücləndirir. Balıq yeməyi sevməyən şəxslər və vegeterianlar üçün mükəmməl Omega-3 və protein qaynağıdır. 100 qramında 654 kalori olduğu üçün arıqlamaq istəyənlər gündə 3-4 ədəddən artıq qoz yeməməlidirlər.
Davamı →

Tarixin ən məşhur mərci

Tarixin ən məşhur mərclərindən biri Kleopatra ilə onun romalı sevgilisi Mark Antoni arasında baş tutmuşdu. Kleopatra Antoni ilə belə bir mərc edir: məşhur çariça bütün bir şam yeməyi ərzində şərab içəcək və sərxoş olmayacaqdı. Mark mərci dəyərləndirir və perspektivlərinin geniş olduğunu düşünərək razı olur. Lakin o bilmirdi ki, hiyləgər Kleopatra onu aldadacaq.

Şam yeməyinin əvvəlində masaya şərab sirkəsi ilə dolu qədəy qoyulur. Bu zaman Kleopatra qulağındakı iri mirvarili sırğasını çıxararaq qədəhin içərisinə atır. Bu dövrdə kraliçanın bu sırğasının dəyəri hər kəsə məlum idi.
Davamı →

Azərbaycan Dövlət Bankının ilk müdiri

Məhəmmədhəsən bəy 1896-cı ildə Şuşa şəhərində dünyaya gəlmişdir. Bakı gimnaziyasını bitirdikdən sonra təhsilini Kiyеv univеrsitеtinin iqtisadi-coğrafiya fakultəsində davam еtdirmiş və 1915-ci ildə oranı bitirmişdir.

Baharlı Azərbaycan Dеmokratik Cumhuriyyəti hökumətinin fəaliyyəti dövründə təsis еdilmiş Bakı Dövlət Univеrsitеtində dərs dеmiş, həmin dövrdə, 1919-cu ilin sеntyabrın 30-unda yaradılmış Azərbaycan Dövlət Bankının müdiri vəzifəsində çalışmışdır. Sovеt dövründə isə əmək fəaliyyətini Dövlət Plan Komitəsində davam еtdirmişdir.

O, 1923-1929-cu illər arasında fəaliyyət göstərən Azərbaycanı Tədqiq və Tətəbbö Cəmiyyətinin üzvü sеçilmiş, həmçinin1937-ci ilə qədər gizli surətdə fəaliyyət göstərən Azərbaycan İstiqlal Təşkilatının katiblərindən biri olmuşdur. M.Baharlı 1926-cı ildə Solovko əsir düşərgəsindən sürgündən qayıtdıqdan sonra, ikinci dəfə 1937-ci ildə həbs еdilmişdi.
Davamı →

“Filankəsin balası” sindromu

Yeniyetməlik dövrünə qədər bu kəlmənin yalnız və yalnız öz valideynlərimə məxsus olduğunu və ancaq onların işlətdiyini düşünürdüm. Sonralar dostlarımın da, çevrəmdəki həmyaşıdlarımın da öz ailələrində həmin sözlərin təzyiqinə məruz qaldıqlarını gördüm. Ona görə də bu «filankəsin balası” deyiminə „filankəsin balası” sindromu adını versək lap yerinə düşər. Daha sonralar isə valideynlərim bu sindromun tarixi haqqında mənə açıqlama verdilər. Özlərinin də “filankəsin balası” sindromunun təsiri altında altında böyüdüklərini etiraf etdilər.

Belə nəticəyə gəldim ki valideynlərimiz babalarımızdan, babalarımız ulu babalarımızdan, ulu babalarımız azıx babalarımızdan, azıx babalarımız da başıbatmış babalarımızdan bu sözləri eşidə-eşidə gəlmişlər. Bu cəhətdən ancaq Habil ilə Qabilin bəxti gətirmişdi. Çünki, zavvalı Adəm və Həvvanın gözlərinə öz ailələrindən savayı, başqa bir ailə dəymirdi ki, onlar da həmin ailənin övladlarını „filankəsin balası” sözləri altında Habil ilə Qabilə nümuna göstərsinlər.
Davamı →

İspanaqlı yumurta

Tərkibi:
2 ədəd yumurta
4 ədəd orta boy soğan
100 qr. qaynadılmış ispanaq
Yarım çay qaşığı qara bibər,
1 çay qaşığı duz
1 yemək qaşığı kərə yağı
2 yemək qaşığı su

Hazırlanması:
Orta boylu tavada yağ əridir. Soğan çox incə doğranır və yağa əlavə edilib bir az qızarana qədər qovrulur. Daha sonra üzərinə ispanağı qoyub soğanlarla birlikdə qovurun. Duzu və qara bibəri əlavə edin. Ispanaqlar qovrulduqdan sonra kiçik boy başqa bir tavaya boşaldın və suyu əlavə edin.

Sarılarını pozmamağa cəhd edərək 2 ədəd yumurtanı ispanaqların üzərinə qırın. Tavanın üzərini bir qapaqla bağlayıb təxminən 5-7 dəqiqə vam odda bişirin. İsti şəkildə süfrəyə verin. Nuş olsun