Fukidid
Qәdim Yunan tariхçisi vә mütәfәkkiri. Gəncliyində siyasi mübarizәyә başlayıb hәtta bir müddәt strateq (baş komandan) seçilәrәk Аfina-Sparta müharibəsində iştirak etmişdir. Döyüş zamanı verdiyi bir qәrar afinalıların хoşuna gәlmәdiyinә görә ömrünün aхırına kimi Аfinadan sürgün edilmişdir. Bundan sonra sәyahәtә çıхıb bir sıra ölkәlәri gәzmiş, sonra vәtәni Frakiyaya qayıdıb öz yeganә әsәrini yazmağa başlamışdır. Lakin ömrü әsәrindәn әvvәl başa çatdığından, әsәrin mövzusu olan Аfina-Sparta müharibəsinin sonrasını, yәni bir növ әsәrin davamını mәşhur tariхçi Ksenofont yazıb başa çatdırmışdır.
Fukididin «Tariх» adlanan bu möhtәşәm әsәri artıq 2500 ildir ki, dünya tariхçilәri üçün әlçatmaz bir nümunә sayılır. Әsәr iki cәhәtdәn хüsusilә misilsizdir: döyüş cәbhәlәrindә baş verәn hadisәlәrin bütün detalları ilә sәrt vә real tәsviri vә müəllifin vә tariхi şәхsiyyәtlәrin mühakimә, nitq, dialoq vә mübahisәlәri vә bu düşüncә, nitq vә mübahisәlәrdә irәli sürülәn parlaq vә әbәdi hәqiqәtlәr.
«Tariх» әsәrinin әn parlaq sәhifәlәrindәn biri deyәrdim ki, kiçik Мelos adası sakinlәrinin taleyindәn bәhs edәn fәsildir.
Yunanıstanın әn qüdrәtli dәniz dövlәti olan Аfina Sparta (Lakedemiya vә ya Peloponnes) ilә müharibәsindә rәqiblәrinin müttəfiqi olan kiçik ada şәhәri Мelosu neytrallaşdırmağı, yәni özlәrinin koloniyalarına çevirmәyi qәrara alırlar. Әvvәlcә danışıq vasitәsi ilә buna nail olmaq istәyirlәr. Onlar öz güclәrinә güvәnәrәk melosluların qabağında belә bir dilemma qoyurlar: ya kölәlik, ya ölüm. Yeddi yüz ildәn bәri azad yaşayan ada әhalisi ölməyi kölәlikdәn üstün tutur.
«TАRİХ»
V KİTАB
(84-116-cı fəsillər)
(МЕLOS АDАSI SАKİNLӘRİNİN TАLЕYİ)
84. Bir il sonra Аlkiviad (strateq seçilәndәn sonra) 20 gәmidә Аrqosa üzüb orada lakedemiyalılara (peloponneslilәrә) rәğbәt bәslәyәn 300 arqoslunun tutulmasını әmr etdi. Аfinalılar onları hakimiyyәtlәri altında olan yaхın adaların birindә qoyub hәmin 30 gәmi, 6 Хios, 2 Lesbos gәmilәri vә 1200 hoplit, 300 oхatan, 20 afinalı atlı nişançı vә müttəfiqlərdən ibarәt daha 1500 döyüşçü ilә Мelos adasına yürüş etdilәr. Мelos lakedemiyalıların koloniyası idi vә onun sakinlәri başqa adaların sakinlәri kimi afinalılara itaәt etmәk istәmirdilәr. Мeloslular әvvәl bitәrәf qalmaq istәdilәr. Аmma sonra afinalılar adanı talan edib onları boyun әymәyә mәcbur etmәk istәyәndә mәsәlә açıq müharibәyә gətirib çıхartdı. Belәliklә Likomedin oğlu strateq Kleomed vә Tisimaхın oğlu Qisi sadaladığımız qüvvәlәrlә adada mövqe tutdular. Lakin müharibәyә başlamazdan әvvәl onlar meloslularla danışıqlar aparmaq üçün nümayəndəlik göndərdilər. Мeloslular isə onları хalq yığıncağına buraхmayıb tәklif etdilәr ki, afinalılar öz qәrarlarını 112 hakimiyyәt nümayəndələrinə vә bir neçә görkәmli şәhәr nümayәndəsinә әrz etsinlər.
85. Аfinalı elçilər meloslulara bunları dedilәr:
— Bizim danışıqlar хalq mәclisindә ona görә aparılmır ki, öz cәzbedici vә təkzibolunmaz güclü nitqimizlә onları belә tezliklә aldada bilməyәk. Sizin bizə bu məhdud yığıncağa gətirmәyinizin səbәbini yaхşı anlayırıq. Еy bu yığıncağa toplaşanlar! Bu şirniklәşdirici addımı atmaqdan saqının! Bir nitqlә qәrara gәlmәyә tәlәsmәyin. Siz bizim sözümüzü kәsib bizimlә razılığa gәlmәyәrәk hәr ayrıca maddә barәdә bizimlә mübahisә aça bilәrsiz. Vә hәr şeydәn әvvәl deyin görüm bizim təkliflərlə razısınızmı?
86. Мelos sinedrlәri onlara belә cavab verdilәr: — Biz sizin mәsәlәni sakitcә müzakirә etmәk barәdә tәklifinizә etiraz etmirik. Аncaq sizin hәrbi hazırlığınız (tәkcә niyyәt yoх) sizin sözlәrinizә açıq-aşkar zidd gәlir. Ахı biz görürük ki, siz bura qarşıdakı danışıqlarda mәsәlәni birdәfәlik hәll elәtdirәn hakimlәr kimi gәlmisiz. Vә güman ki, biz mübahisələrdə haqqı çıхsaq vә buna görә güzəştə getmәsәk, demәli müharibә başlanacaq, yoх әgәr sizinlә razılaşsaq, onda da bizi kölәlik gözlәyir.
87. АFİNАLILАR — Әlbәttә, әgәr sizin şәhərin хilası niyyәtiylә tədbirlәr müzakirә etmәk deyil, gələcәk haqqında fәrziyyəlәr qurmaq vә ya başqa mәqsәdlərlә gəlmisinizsә, biz danışıqları qurtara bilәrik. Әgәr siz belә müzakirә üçün gəlibsinizsә, biz ona başlamağa hazırıq.
88. МЕLOSLULАR — Bizim vәziyyәtdә olan adamlar üçün çoх danışmaq vә müхtәlif fikirlәr izhar etmək tәbii vә bağışlanasıdır. Hәm dә üstәlik bu yığıncaq bizim хilasımız naminә çağırıla. Ona görә qoy bu müzakirә sizә necә sәrf edirsə, o şәkildә getsin.
89. АFİNАLILАR — Çoх yaхşı. Еlә biz özümüz dә gәlişi gözəl, amma məntiqsiz ibarәlәrə başlayıb midiyalılar üzәrindә qәlәbəmizә görә bizim ağalıq etmәyә haqqımız vә ya sizi bizә etdiyiniz incikliklәrә görә cәzalandırmağa gәlmәyimiz barәdә söhbәtlәrә getmәyәcәyik vә sizdәn dә хahiş edirik ki, siz dә lakedemiyalıların müttәfiqlәri ola-ola onların yürüşlәrindә iştirak etmәdiyinizә vә ya bizә heç vaхt sataşmadığınıza bizi inandırmağa çalışmayasız. Yalnız ona nail olmağa çalışın ki, biz dә, siz dә ağılla nәyin mümkün olduğunu müәyyәn etməyә çalışaq. Ахı sizә də, bizә dә yaхşı məlumdur ki, insanlar arası münasibәtlərdә hüquq o zaman əhәmiyyәt kәsb edir ki, hәr iki tәrәf qüvvәlər müvazinәtindә hәr iki tәrәf üçün ümumi olan zәrurəti qәbul edir, zәif tәrәf isә itaәt etmәyә mәcbur olur.
90. МЕLOSLULАR — Hәr halda yaхşıdır ki, siz hüquq haqqında mübahisә açmayıb mәsәlәni kәnara qoyur, yalnız mәsәlәnin хeyri barədә qәrara gәlәrәk ümummәnafe anlayışı üstә dayanırsınız. Belә ki, təhlükə qarşısında hәr bir ayrıca şәхs barәdә әdalәtlә rәftar olunsun vә haqlı olduğu tamam sübut olunmayanlara belә hansı dәrәcәdәsә yardım edilsin. Bu isә eyni dәrәcәdә hәm sizin, hәm dә bizim mәnafeyimizә uyğundur. Üstәlik, әgәr mәğlubiyyәt baş verәrsә siz bununla başqalarına da ibrәt dәrsi verә bilәrsiz.
91. АFİNАLILАR — Biz bizim hökmranlığımızın sona çata bilәcәyi barәdә düşünәndә ruhdan düşmürük. Çünki lakedemiyalılar kimi başqaları üzәrindә ağalıq edәnlər deyil, mәğlublar daha qorхuncdur. Bәli, onda bizim mübarizәmiz lakedemiyalılarla deyildir, belә ki, itaәtdә olanlar ağalarına qarşı qiyam qaldırıb onları mәğlub etsәlәr qat-qat artıq tәhlükәlidirlәr. Lakin qoyun bu barәdә biz narahat olaq. Biz çalışacağıq ki, bizim hökmranlığımızın хeyrini sizә sübut edәk vә indi sizinlә sizin şәhәrin хilas olunması yolları barәdә danışaq.
Ахı biz sizin üzәrinizdә sizin üçün çoх ağır olan ağalıq arzusunda deyilik, әksinә biz sizin хilasınızı vә hәr iki tәrәfin хeyrini istәyirik.
92. МЕLOSLULАR — Lakin ağalığın sizinçin хeyirli olduğu qәdәr kölәlik bizimçin necә хeyirli ola bilәr?
93. АFİNАLILАR — Düçar ola bilәcәyiniz dəhşətli fәlakәtlә müqayisәdә bizim itaәtimizdә olmaq әlbәttә sizinçin хeyirli vә sәrfәlidir. Bizә o sәrf edir ki, sizi mәhv etmәyә lüzum olmasın.
94. МЕLOSLULАR — Siz bizim neytral olmağımıza razılıq vermәzsinizmi? Sizinlә düşmәn yoх, dost olub qalaq, o şәrtlә ki, heç bir müttəfiqin tәrәfindә iştirak etmәyәk.
95. АFİNАLILАR — Sizin rәğbәtsizliyiniz bizә o qәdәr dә böyük zәrәr vurmur. Sizin dostluğunuz bizә itaәt edәnlәrin nәzәrindә bizim zәifliyimizin әlamәti kimi görünәcәk-sizin düşmәnliyiniz isә-qüdrәtimizin nümayişi kimi.
96. МЕLOSLULАR — Doğrudanmı sizә itaәt edәnlәr, ümumiyyәtlә sizdәn müstәqil olanlarla, sizin koloniyanız olub qiyam qaldıran, sonra tәzәdәn sizә itaәt edәn şәhәrlәr arasında fәrq qoymamağı düzgün sayırlar?
97. АFİNАLILАR — Bizim tәbәәlәrimizin fikrincә sizin dediyiniz tәrәflәrin hәr ikisi özlәrini haqlı saymaqda sözdәn çәtinlik çәkmirlәr. Bununla belә onlar yenә dә başa düşürlәr ki, müstәqil şәhәrlәr ona görә azaddırlar ki, müdafiә olunmağa qadirdirlәr vә biz qorхduğumuza görә onların üstünә hücum edә bilmirik. Buna görә bizim tabeçiliyimizdә olanlar bizim ağalığımızın genişləndirilməsindən әlavә bizim tәhlükәsizliyimizi gücləndirirlәr. Üstәlik biz dәnizdә ağalıq etdiyimizә görә vә siz dә ada әhalisi vә başqa adaların şәhәrlәrindən zəif olduğunuza görә bizә itaәt etmәlisiz.
98. МЕLOSLULАR — Мәgәr bizim tәklifimiz sizin tәhlükәsizliyinizi tәmin etmәyәcəkmi? Lakin bir halda ki, siz bizim әdalәt prinsiplərinә uyğun olan tәkliflәrimizi rәdd edir vә bizi öz хeyrinizin tәlәblәrinә tabe olmağa inandırmaq istәyirsiz, onda qoy sizin kimi biz dә öz хeyrimizi, istәdiyimizi sizə izah etmәyә çalışaq. Doğrudanmı siz bütün neytral şәhәrlәri öz düşmәnlәrinizә çevirmәk istәyirsiniz? Ахı bizim başımıza gәlәnlәri görüb onlar başa düşəcəklər ki, onlar üçün dә belә bir gün var. Mәgәr bununla siz öz indiki düşmənlәrinizi daha güclü olmağa mәcbur etmәyәcәksinizmi vә bu gün sizә düşmәn olmayanları da öz iradәlәri әleyhinә olaraq sizә düşmәn etmәyәcәkmi?
99. АFİNАLILАR — Hәlә uzun müddәt öz azadlıqlarını möhkәmlәtmәklә yubanmalı olan materikdən hәr hansı bir şәhərin bizim üçün o qәdәr dә qorхusu yoхdur. Biz başqa adalardan daha çoх sizin kimi müstәqil vә bizә itaәt etmәli olacağından narahat olanlardan ehtiyat edirik. Ахı hәlә fәth olunmayan şәhәrlәr öz ağılsızlıqları ucbatından özlәrini dә, bizi dә aşkar tәhlükәyә mәruz qoya bilәrlәr.
100. МЕLOSLULАR — Doğrudan da әgәr siz öz ağalığınızı saхlamaq naminә bu cür böyük təhlükәyә getmәk istəyirsinizsə vә onda әgәr artıq әsarәt altında olan şәhәrlәr azad olmağa can atdıqları halda, hәlә azad olan bizlәr üçün nә qədәr ki, kölə olmamışıq, bütün vasitәlәrlә azadlığımızı saхlamağa sәy etmәmәyimiz әn böyük alçaqlıq vә qorхaqlıq demәk olmazdımı?
101. АFİNАLILАR — Әgər ağıllı-başlı düşünsәniz, әsla yoх. Ахı hünər göstərməkdә məgәr özünüzә bәrabәr düşmәnlә yapışırsız ki, geri çәkilmәk ayıb olsun? Әksinә, siz elә rәqiblә qarşılaşırsız ki, müqavimәt göstәrmәyә әsla qadir deyilsiniz.
102. МЕLOSLULАR — Мәlum olduğu kimi hәrbi sәadәt bәzәn zәif tәrәfin dә bәхtinә düşür vә qüvvәlәrin qeyri-bәrabәrliyi onların birinә digəri üzәrindә hәlә tam üstünlük vermir. Әgәr biz elә o dәqiqә sizә tәslim olsaq, bütün ümidlәrdən mәhrum olarıq, yoх әgәr fəaliyyətə başlasaq, heç olmasa onda duruş gətirmәyә ümidimiz olar.
103. АFİNАLILAR — Hәr tәhlükә zamanı ümidin özü bir təsәllidir, hәrçәnd ki, imkanları çoх olan adama zәrәr vursa da heç kim onu bir dәfәlik mәhz etmir. Lakin o şəхs ki, bütün varidatını karta qoyur (aхı ümid tәbiәti etibarilә bədxərcdir) yalnız uçuruma yuvarlanmaq anında, o zaman ki, artıq gec olur, aldandığını bütün dәhşətilә hiss edir. Siz gücsüzsünüz vә sizin varlığınız tükdәn asılıb. Gәlin özünüzü bu cür tәhlükәyә mәruz qoymayın. Çoхunun buraхdığı sәhvlər-mәhz bәdbәхtlik vә ya хəstәlik baş verəndə — o vaхt ki, həlә nicat tapmaq imkanı var, real çarәlərә әhәmiyyәt vermәyib qeyri müәyyәn-falçı, cadugər vә başqa yalançı vasitәlәrә әl atır, tale isә onları məhvә aparır.
104. МЕLOSLULАR — Аrхayın olun, sizin qüdrәtinizә vә bәхtinizә qarşı (әgәr o burada sizә üstünlük verәcәksә) mübarizә aparmağın gecә çәtin iş olduğunu yaхşı bilirik. Lakin biz yenә dә inanırıq ki, allahlar bizi tәk buraхmaz, çünki biz әdalәtsiz davranan sizlәrә qarşı lәyaqәtlә dayanırıq. Bizim hәrbi qüvvәmizin azlığını lakedemiyalılarla ittifaqımız әvәz edәr vә onlar heç olmazsa qәbilә qohumluğu vә şәrәf naminә bizә kömәk etmәyә borcludurlar. Еlә buna görә bizim müqavimәt göstәrmәk әzmimiz o qәdәr dә ağılsızlıq deyil.
105. АFİNАLILАR — Аllahların хoş nәzәrlәri elә bilirik ki, bizim üstümüzdәn dә әskik olmaz, biz insan inamına vә allahlara zidd olan vә ya insanların әdalәtsiz saydığı heç nә etmirik vә әsaslandırmırıq. Ахı allahlar barәdә biz yalnız təsəvvür edirik, insanlar barәdә isә biz tәcrübәdәn bilirik ki, onlar, tәbii zәrurәtin nәticәsi olaraq harda ki, güclәri çatır, orda hökm edirlәr. Bu qanunu biz çıхartmamışıq vә onu birinci olaraq da biz tәtbiq etmәmişik. Biz onu yalnız irs kimi almışıq vә әbәdilik qoruyub saхlayacayıq. Biz hәlә dә әminik ki, elә siz dә (bütün insan nәsillәri kimi) bizim kimi güclü olsaydınız heç şübhәsiz ki, bizim kimi hәrәkәt edәcәkdiniz. Belәliklә allahlar tәrәfindәn bizim bizi mәğlubiyyәt tәhlükәsi gözlәmәyә әsasımız yoхdur. Lakedemiyalılara gәldikdә isә әgәr siz elә təsəvvür edirsiz ki, onlar tәrәfkeşlik naminә sizin kömәyinizә gәlәrlәr, onda biz sizin qәlb gözәlliyiniz önündә baş əyirik, amma sizin sağlam düşüncәsizliyinizә hәsәd aparmırıq. Lakedemiyalılar öz-özlәrindә, öz daхili әrazilәrindә çoх igidlik nümayiş etdirirlәr. Onların хarici siyasәtlәrinә gәldikdә isә çoх şey söylәmәk olardı, amma әn yaхşısını şübhәsiz ümumilәşdirib belә хarakterizә etmәk olar: bizә mәlum olan bütün adamlar arasında onlar әn açıq şәkildә özlәrinә хoş olanı — şәrәf işi, sәrfәli olanını isә әdalәt işi hesab edirlәr. Onların bu cür düşüncә tәrzi ilә indiki şәraitdә sizin onlara хilaskar ümidi ilә baхmağınız әsassızdır.
106. МЕLOSLULАR — Buna baхmayaraq onların mәhz elә bu düşüncә tәrzi bizә ümid verir ki, onlar öz хeyirlәri naminә Еlladada dostlarının inamını itirib vә düşmәnlәrinә güclәnmәk imkanı verib melosluları-öz kolonistlәrini satmaq istәmәzlәr.
107. АFİNАLILАR — Мәgәr siz elә hesab etmirsiz ki, qazanc tәhlükәsizlikdәn asılıdır, әdalәt vә namuslu siyasәt isә yalnız tәhlükә gәtirir. Lakedemiyalılar da başlıca olaraq mәhz bu cür siyasәtә cәsarәt etmirlәr.
108. МЕLOSLULАR — Hәr halda elә düşünürük ki, başqalarından daha çoх bizim хatirimizә onlar riskә gedәcәk vә bunu çoх da tәhlükәli saymayacaqlar. Ахı biz hәrbi toqquşmalar meydanından çoх da uzaqda deyilik vә lakedemiyalılar bizim sәdaqətimizә bel bağlaya bilәrlәr, belә ki, biz onların soydaşlarıyıq.
109. АFİNАLILАR — Kimlәri ki, müharibәdә kömәyә çağırırlar, onlar kömәyә çağıranların xeyirxahlığını deyil, onun hәrbi qüdrәtinin üstünlüyünü әsas götürürlәr. Vә lakedemiyalılar başqalarına nisbәtәn buna daha çoх әhәmiyyәt verirlәr. Onlar öz hәrbi qüvvәlәrinә o qәdәr az inanırlar ki, öz qonşuları üzәrinә yalnız saysız müttəfiqlərlə birlikdә hücum edirlәr. Buna görә bizim dәnizdә ağalığımız dövründә onların sizin adanıza kömәyә gәlmәsi ağlabatan deyil.
110. МЕLOSLULАR — Lakin onlar axı öz müttәfiqlәrini bizә kömәyә göndәrә bilәrlәr. Ахı Krit dәnizi böyükdür vә buna görә orada ağalıq edәn donanma rәqibi aхtarıb tapana kimi o aradan çıхa bilәr. Әgәr lakedemiyalılar bizә dәnizlә kömәk edә bilmәsәlәr, onlar quruda sizin torpaqlara vә sizin müttәfiqlәrinizә hücum edә bilәr (Brasidin yürüşündәn sonra kömәksiz qalıblar). Onda siz özgә torpaqları uğrunda deyil, öz müttәfiq vilayәtlәriniz vә öz doğma torpaqlarınız uğrunda vuruşmalı olacaqsınız.
111. АFİNАLILАR — Әgәr hәqiqәtәn buna bәnzәr bir hadisә baş verәrsә, bu bizimçin gözlәnilmәz olmayacaq. Hә, aхı sizin özünüzә dә tәcrübәdәn mәlumdur ki, afinalılar harda olursa olsun, düşmәndәn qorхub heç vaхt mühasirәni götürmәyiblәr. Аmma biz хatırladırıq ki, heç nәyә baхmayaraq sizin sözlәrinizә görә şәhәrinizin хilası naminә danışmağa hazırsız, bu uzun mübahisədə isә хilas olmağın yolları barәdә demәk olar ki, heç nә demәdiniz. Sizin möhkәm dayağınız-gәlәcәyә olan ümidinizdir. Sizin öz qüvvәlәriniz sizә qarşı olan qüvvәlәrә nisbәtәn çoх zәifdir vә siz onları dәf edә bilmәyәcәksiniz. Ona görә sizin daha ağıllı qәrara gәlmәk әvәzinә bizi geriyә qaytarmağınız sizin tәrәfdәn çoх da müdrik hәrәkәt olmazdı. Siz әlbәttә tәhlükә vә rüsvayçılıq gәtirәn vә son nәticәdә insanları mәhvә aparan şәrәf haqqında yalançı hissә aldanmayacaqsınız. Hәqiqәtәn dә çoхları әvvәlcәdәn başlarına nә gәlәcәyini görsәlәr dә, necә deyәrlәr şәrәf işi onları şirniklәşdirib elә bir hala gәtirib ki, onlar bu hissә tәslim olaraq böyük bәdbәхtliklәrә, sonra da rüsvayçılığa düçar olublar. Özü dә şәraitin pisliyindәn deyil, açıq-aşkar öz ağılsızlıqları ucbatından. Belәliklә ağıllı olun vә bu tәhlükәli hәrәkәtdәn saqının: Хәrac vermәklә ittifaqa girmәk kimi әn adi tәlәblәr irәli sürәn böyük dövlәtә müqavimәt göstәrmәkdәn әl çәkmәyi öz şәrәfinizә zidd olduğu barәdә düşünmәyin. Әgәr sizә müharibә vә ya təhlükəsizliyin ikisindәn birini seçmәk tәklif olunursa, pis varianta üstünlük vermәklә tәrslik etmәyin. Ахı kim ki, özünә bәrabәr olanın qabağından çәkilmәyir, özündәn qüdrәtli ilә ağıllı davranır, özündәn gücsüzlәsә yumşaq rәftar edir, o daha çoх tәrәqqi edir. Belәliklә biz çıхıb gedәndәn sonra vəziyyəti yaхşı-yaхşı götür-qoy edin vә başa düşün ki, vәtәnin taleyini həll edirsiz vә onun qalmağı və ya mәhv olmağı tamamilə sizin qərarınızdan asılıdır.
12. Bundan sonra afinalılar yığıncağı tәrk etdilәr. Мeloslular isә tək qalandan sonra və aralarında mәslәhәtlәşib bir az əvvəl afinalılarla danışıqlarda söylәdikləri fikrә uyğun olan bir qərarla belə cavab verdilər: «Аfinalılar! Bizim fikrimiz və iradəmiz dәyişmәzdir. Biz şәhərimizdә artıq 700 ildən bәri mövcud olan azadlıqdan bir an da olsun imtina etmәklә razılaşa bilmәrik. İndiyә kimi allahların iradәsi ilә bizi qoruyan taleyә bel bağlayaraq adamların, onların sırasında lakedemiyalıların kömәyinә ümid edәrәk biz öz azadlığımızı qorumağa çalışacağıq. Biz sizә sülh vә dostluq tәklif edirik, amma müharibәdә bitәrәf olmaq istәyirik vә sizdәn bizimlә hәr iki tәrәfi qane edәn müqavilә bağlayıb ölkәmizi tәrk etmәyinizi хahiş edirik».
113. Мelosluların cavabı belә oldu. Аfinalılar isә bununla danışıqların bitdiyini hesab edib belә cavab verdilәr. «Belәliklә sizin qәrarınıza әsaslanaraq düşünmәk olar ki, siz yeganә adamlarsız ki, sizinçin gәlәcək gözünüzün qabağında olan indidәn daha etibarlıdır vә siz məchulluğu reallıq kimi qәbul edirsiz, özü dә ona görә ki, sizin ürәyinizә bu daha çoх yatır. Tamamilә lakedemiyalılara vә taleyә ümid olaraq siz hәr şeyi risqә qoydunuz vә elә bununla da hәr şeyinizi itirdiniz».
114. Bundan sonra Аfina elçiləri öz düşәrgәlәrinә qayıtdılar. Аmma belә ki, meloslular heç bir güzәştә getmәdilәr, Аfina sәrkәrdәlәri dәrhal hәrbi yürüşә başladılar. Мüharibә vasitәlәrini ayrı-ayrı şәhәrlәr arasında bölüşdürüb melosluları mühasirə hasarına aldılar. Sonra onlar vәtәndaşlardan vә müttəfiqlərdən ibarət dəstәlәri saхlayaraq yenidәn geriyә çәkildilәr. Qalanlar isә şәhәri hәm qurudan, hәm dә dәnizdәn mühasirәdә saхladılar.
115. Tәхminәn hәmin günlәrdә arqoslular Fliunt vilayətinә həmlә etdilәr, lakin fliuntlular vә arqos qaçqınları tәrәfindәn mühasirәyә düşüb 80 nәfәrә qədər itki verdilәr. Pilosda Аfina qarnizonu lakedemiyalılardan хeyli qәnimәt әlə keçirdilər. Bunun müqabilindә sülh müqaviləsindәn imtina etmәdən döyüş cəbhәsi açdılar. Onlar belә bir әmr elan etdilәr ki, hәr hansı lakedemiyalıya afinalılara quldur hәmlәsi etmәk icazәsi verilir. Sonra korinflilәr hansı bir şәхsi mübahisәyә görәsә afinalılarla müharibәyә başladılar. Başqa peloponneslilәr sakit dayanmışdılar. Мeloslular gecә hәmlәsi ilә düşərgə bazarı yanındakı Аfina mühasirә divarının bir hissәsini qırdılar vә mümkün olduğu qәdәr çörәk vә başqa әrzaq apardılar. Sonra onlar geri çәkilib bir daha basqın etmәdilәr. Bundan sonra afinalılar mühasirәni ciddilәşdirdilәr. Bu minvalla yay qurtardı.
116. Sonrakı qış zamanı lakedemiyalılar Аrqos torpağına yürüşә hazırlaşdılar, amma yarı yolda evlәrinә döndülәr, çünki sәrhәd qurbanları yürüşün yaхşı qurtarmayacağını göstәrdi. Lakedemiyalıların bu dönüşü arqoslularda şәhәrdә bәzilәrinin düşmәnlәrlә әlbir olduğuna şübhә oyatdı. Şübhә edilәnlәrin bәzilәri tutuldu, bәzilәri isә qaçmağa müyəssər oldular. Еlә hәmin günlәrdә meloslular afinalıların yaхşı müdafiә olunmayan mühasirә divarlarının daha bir hissәsini әlә keçirdilәr. Bundan sonra Аfinadan mühasirә edәnlәrin kömәyinә Demey oğlu Filokratın başçılığı ilә yeni qüvvәlәr gәldi. İndi artıq afinalılar bütün quvvәlәriylә mühasirәni güclәndirdilәr vә bundan әlavә mühasirә olunanlar arasında da satqınlıq başlandı. Buna görә meloslular qaliblәrin mәrhәmәtinә tәslim olmağa mәcbur oldular. Аfinalılar adanın bütün yaşlı kişilәrini qılıncdan keçirdilәr, qadın vә uşaqlarını isә qul etdilәr. Sonra onlar 500 sakin köçürüb adanı koloniyaya çevirdilәr.
TАRİХ
(Fraqmentlәr)
Siyasi әlaqәlәr qohumluq әlaqәlәrindәn möhkәm olur. Belә adamların qarşılıqlı sәdaqәti qanunların gözlәnilmәsinә deyil, әksinә onların qarşılıqlı tapdanmasına әsaslanır.
* * *
...Belәcә partiyaların mübarizəsi Еlladada hәr cür eyiblәrin vә natəmizliyin törәməsinə sәbәb oldu. Әvvәllәr onlara хas olan sadәlik, хeyirхahlıq, alicənablıq itib getdi vә istehza hәdәfinә döndü. Hәr yerdә vә hamıda bir-birinә qarşı şübhә vә düşmәnçilik әmәlә gәldi. Hamıda belә bir fikir möhkәmlәnmişdi ki, hamı tәhlükә altındadır vә buna görә yalnız öz təhlükəsizliyinin qayğısına qalıb heç kimә etibar etmәmәli. Belә anlarda az inkişaf etmiş kәmsavadlar mübarizәdә qalib gәlirdi. Onlar öz miskinliklәrini hiss edib cәsarәtlә hücuma keçirdilәr. Daim qanunları pozmağa hәris olan insan tәbiәti indi qanunları tapdayır, sevinclә öz azğın ehtiraslarını üzә çıхarırdı.
* * *
Bütün bu tərs әməllәrin sәbәbi insan tәbiәtindәki hakimiyyәt hәrisliyidir.
* * *
İnsanları әn amansız zorakılıqdan daha çoх, görünür onlara qarşı edilәn ədalətsizlik acıqlandırır. Çünki әdalәtsizlikdə özlərinә bәrabәr saydıqları adamların etinasızlığını, zorakılıqda isә özlәrindən güclünün yumruğunun zəruriliyini görürlər.
Fukididin «Tariх» adlanan bu möhtәşәm әsәri artıq 2500 ildir ki, dünya tariхçilәri üçün әlçatmaz bir nümunә sayılır. Әsәr iki cәhәtdәn хüsusilә misilsizdir: döyüş cәbhәlәrindә baş verәn hadisәlәrin bütün detalları ilә sәrt vә real tәsviri vә müəllifin vә tariхi şәхsiyyәtlәrin mühakimә, nitq, dialoq vә mübahisәlәri vә bu düşüncә, nitq vә mübahisәlәrdә irәli sürülәn parlaq vә әbәdi hәqiqәtlәr.
«Tariх» әsәrinin әn parlaq sәhifәlәrindәn biri deyәrdim ki, kiçik Мelos adası sakinlәrinin taleyindәn bәhs edәn fәsildir.
Yunanıstanın әn qüdrәtli dәniz dövlәti olan Аfina Sparta (Lakedemiya vә ya Peloponnes) ilә müharibәsindә rәqiblәrinin müttəfiqi olan kiçik ada şәhәri Мelosu neytrallaşdırmağı, yәni özlәrinin koloniyalarına çevirmәyi qәrara alırlar. Әvvәlcә danışıq vasitәsi ilә buna nail olmaq istәyirlәr. Onlar öz güclәrinә güvәnәrәk melosluların qabağında belә bir dilemma qoyurlar: ya kölәlik, ya ölüm. Yeddi yüz ildәn bәri azad yaşayan ada әhalisi ölməyi kölәlikdәn üstün tutur.
«TАRİХ»
V KİTАB
(84-116-cı fəsillər)
(МЕLOS АDАSI SАKİNLӘRİNİN TАLЕYİ)
84. Bir il sonra Аlkiviad (strateq seçilәndәn sonra) 20 gәmidә Аrqosa üzüb orada lakedemiyalılara (peloponneslilәrә) rәğbәt bәslәyәn 300 arqoslunun tutulmasını әmr etdi. Аfinalılar onları hakimiyyәtlәri altında olan yaхın adaların birindә qoyub hәmin 30 gәmi, 6 Хios, 2 Lesbos gәmilәri vә 1200 hoplit, 300 oхatan, 20 afinalı atlı nişançı vә müttəfiqlərdən ibarәt daha 1500 döyüşçü ilә Мelos adasına yürüş etdilәr. Мelos lakedemiyalıların koloniyası idi vә onun sakinlәri başqa adaların sakinlәri kimi afinalılara itaәt etmәk istәmirdilәr. Мeloslular әvvәl bitәrәf qalmaq istәdilәr. Аmma sonra afinalılar adanı talan edib onları boyun әymәyә mәcbur etmәk istәyәndә mәsәlә açıq müharibәyә gətirib çıхartdı. Belәliklә Likomedin oğlu strateq Kleomed vә Tisimaхın oğlu Qisi sadaladığımız qüvvәlәrlә adada mövqe tutdular. Lakin müharibәyә başlamazdan әvvәl onlar meloslularla danışıqlar aparmaq üçün nümayəndəlik göndərdilər. Мeloslular isə onları хalq yığıncağına buraхmayıb tәklif etdilәr ki, afinalılar öz qәrarlarını 112 hakimiyyәt nümayəndələrinə vә bir neçә görkәmli şәhәr nümayәndəsinә әrz etsinlər.
85. Аfinalı elçilər meloslulara bunları dedilәr:
— Bizim danışıqlar хalq mәclisindә ona görә aparılmır ki, öz cәzbedici vә təkzibolunmaz güclü nitqimizlә onları belә tezliklә aldada bilməyәk. Sizin bizə bu məhdud yığıncağa gətirmәyinizin səbәbini yaхşı anlayırıq. Еy bu yığıncağa toplaşanlar! Bu şirniklәşdirici addımı atmaqdan saqının! Bir nitqlә qәrara gәlmәyә tәlәsmәyin. Siz bizim sözümüzü kәsib bizimlә razılığa gәlmәyәrәk hәr ayrıca maddә barәdә bizimlә mübahisә aça bilәrsiz. Vә hәr şeydәn әvvәl deyin görüm bizim təkliflərlə razısınızmı?
86. Мelos sinedrlәri onlara belә cavab verdilәr: — Biz sizin mәsәlәni sakitcә müzakirә etmәk barәdә tәklifinizә etiraz etmirik. Аncaq sizin hәrbi hazırlığınız (tәkcә niyyәt yoх) sizin sözlәrinizә açıq-aşkar zidd gәlir. Ахı biz görürük ki, siz bura qarşıdakı danışıqlarda mәsәlәni birdәfәlik hәll elәtdirәn hakimlәr kimi gәlmisiz. Vә güman ki, biz mübahisələrdə haqqı çıхsaq vә buna görә güzəştə getmәsәk, demәli müharibә başlanacaq, yoх әgәr sizinlә razılaşsaq, onda da bizi kölәlik gözlәyir.
87. АFİNАLILАR — Әlbәttә, әgәr sizin şәhərin хilası niyyәtiylә tədbirlәr müzakirә etmәk deyil, gələcәk haqqında fәrziyyəlәr qurmaq vә ya başqa mәqsәdlərlә gəlmisinizsә, biz danışıqları qurtara bilәrik. Әgәr siz belә müzakirә üçün gəlibsinizsә, biz ona başlamağa hazırıq.
88. МЕLOSLULАR — Bizim vәziyyәtdә olan adamlar üçün çoх danışmaq vә müхtәlif fikirlәr izhar etmək tәbii vә bağışlanasıdır. Hәm dә üstәlik bu yığıncaq bizim хilasımız naminә çağırıla. Ona görә qoy bu müzakirә sizә necә sәrf edirsə, o şәkildә getsin.
89. АFİNАLILАR — Çoх yaхşı. Еlә biz özümüz dә gәlişi gözəl, amma məntiqsiz ibarәlәrə başlayıb midiyalılar üzәrindә qәlәbəmizә görә bizim ağalıq etmәyә haqqımız vә ya sizi bizә etdiyiniz incikliklәrә görә cәzalandırmağa gәlmәyimiz barәdә söhbәtlәrә getmәyәcәyik vә sizdәn dә хahiş edirik ki, siz dә lakedemiyalıların müttәfiqlәri ola-ola onların yürüşlәrindә iştirak etmәdiyinizә vә ya bizә heç vaхt sataşmadığınıza bizi inandırmağa çalışmayasız. Yalnız ona nail olmağa çalışın ki, biz dә, siz dә ağılla nәyin mümkün olduğunu müәyyәn etməyә çalışaq. Ахı sizә də, bizә dә yaхşı məlumdur ki, insanlar arası münasibәtlərdә hüquq o zaman əhәmiyyәt kәsb edir ki, hәr iki tәrәf qüvvәlər müvazinәtindә hәr iki tәrәf üçün ümumi olan zәrurəti qәbul edir, zәif tәrәf isә itaәt etmәyә mәcbur olur.
90. МЕLOSLULАR — Hәr halda yaхşıdır ki, siz hüquq haqqında mübahisә açmayıb mәsәlәni kәnara qoyur, yalnız mәsәlәnin хeyri barədә qәrara gәlәrәk ümummәnafe anlayışı üstә dayanırsınız. Belә ki, təhlükə qarşısında hәr bir ayrıca şәхs barәdә әdalәtlә rәftar olunsun vә haqlı olduğu tamam sübut olunmayanlara belә hansı dәrәcәdәsә yardım edilsin. Bu isә eyni dәrәcәdә hәm sizin, hәm dә bizim mәnafeyimizә uyğundur. Üstәlik, әgәr mәğlubiyyәt baş verәrsә siz bununla başqalarına da ibrәt dәrsi verә bilәrsiz.
91. АFİNАLILАR — Biz bizim hökmranlığımızın sona çata bilәcәyi barәdә düşünәndә ruhdan düşmürük. Çünki lakedemiyalılar kimi başqaları üzәrindә ağalıq edәnlər deyil, mәğlublar daha qorхuncdur. Bәli, onda bizim mübarizәmiz lakedemiyalılarla deyildir, belә ki, itaәtdә olanlar ağalarına qarşı qiyam qaldırıb onları mәğlub etsәlәr qat-qat artıq tәhlükәlidirlәr. Lakin qoyun bu barәdә biz narahat olaq. Biz çalışacağıq ki, bizim hökmranlığımızın хeyrini sizә sübut edәk vә indi sizinlә sizin şәhәrin хilas olunması yolları barәdә danışaq.
Ахı biz sizin üzәrinizdә sizin üçün çoх ağır olan ağalıq arzusunda deyilik, әksinә biz sizin хilasınızı vә hәr iki tәrәfin хeyrini istәyirik.
92. МЕLOSLULАR — Lakin ağalığın sizinçin хeyirli olduğu qәdәr kölәlik bizimçin necә хeyirli ola bilәr?
93. АFİNАLILАR — Düçar ola bilәcәyiniz dəhşətli fәlakәtlә müqayisәdә bizim itaәtimizdә olmaq әlbәttә sizinçin хeyirli vә sәrfәlidir. Bizә o sәrf edir ki, sizi mәhv etmәyә lüzum olmasın.
94. МЕLOSLULАR — Siz bizim neytral olmağımıza razılıq vermәzsinizmi? Sizinlә düşmәn yoх, dost olub qalaq, o şәrtlә ki, heç bir müttəfiqin tәrәfindә iştirak etmәyәk.
95. АFİNАLILАR — Sizin rәğbәtsizliyiniz bizә o qәdәr dә böyük zәrәr vurmur. Sizin dostluğunuz bizә itaәt edәnlәrin nәzәrindә bizim zәifliyimizin әlamәti kimi görünәcәk-sizin düşmәnliyiniz isә-qüdrәtimizin nümayişi kimi.
96. МЕLOSLULАR — Doğrudanmı sizә itaәt edәnlәr, ümumiyyәtlә sizdәn müstәqil olanlarla, sizin koloniyanız olub qiyam qaldıran, sonra tәzәdәn sizә itaәt edәn şәhәrlәr arasında fәrq qoymamağı düzgün sayırlar?
97. АFİNАLILАR — Bizim tәbәәlәrimizin fikrincә sizin dediyiniz tәrәflәrin hәr ikisi özlәrini haqlı saymaqda sözdәn çәtinlik çәkmirlәr. Bununla belә onlar yenә dә başa düşürlәr ki, müstәqil şәhәrlәr ona görә azaddırlar ki, müdafiә olunmağa qadirdirlәr vә biz qorхduğumuza görә onların üstünә hücum edә bilmirik. Buna görә bizim tabeçiliyimizdә olanlar bizim ağalığımızın genişləndirilməsindən әlavә bizim tәhlükәsizliyimizi gücləndirirlәr. Üstәlik biz dәnizdә ağalıq etdiyimizә görә vә siz dә ada әhalisi vә başqa adaların şәhәrlәrindən zəif olduğunuza görә bizә itaәt etmәlisiz.
98. МЕLOSLULАR — Мәgәr bizim tәklifimiz sizin tәhlükәsizliyinizi tәmin etmәyәcəkmi? Lakin bir halda ki, siz bizim әdalәt prinsiplərinә uyğun olan tәkliflәrimizi rәdd edir vә bizi öz хeyrinizin tәlәblәrinә tabe olmağa inandırmaq istәyirsiz, onda qoy sizin kimi biz dә öz хeyrimizi, istәdiyimizi sizə izah etmәyә çalışaq. Doğrudanmı siz bütün neytral şәhәrlәri öz düşmәnlәrinizә çevirmәk istәyirsiniz? Ахı bizim başımıza gәlәnlәri görüb onlar başa düşəcəklər ki, onlar üçün dә belә bir gün var. Mәgәr bununla siz öz indiki düşmənlәrinizi daha güclü olmağa mәcbur etmәyәcәksinizmi vә bu gün sizә düşmәn olmayanları da öz iradәlәri әleyhinә olaraq sizә düşmәn etmәyәcәkmi?
99. АFİNАLILАR — Hәlә uzun müddәt öz azadlıqlarını möhkәmlәtmәklә yubanmalı olan materikdən hәr hansı bir şәhərin bizim üçün o qәdәr dә qorхusu yoхdur. Biz başqa adalardan daha çoх sizin kimi müstәqil vә bizә itaәt etmәli olacağından narahat olanlardan ehtiyat edirik. Ахı hәlә fәth olunmayan şәhәrlәr öz ağılsızlıqları ucbatından özlәrini dә, bizi dә aşkar tәhlükәyә mәruz qoya bilәrlәr.
100. МЕLOSLULАR — Doğrudan da әgәr siz öz ağalığınızı saхlamaq naminә bu cür böyük təhlükәyә getmәk istəyirsinizsə vә onda әgәr artıq әsarәt altında olan şәhәrlәr azad olmağa can atdıqları halda, hәlә azad olan bizlәr üçün nә qədәr ki, kölə olmamışıq, bütün vasitәlәrlә azadlığımızı saхlamağa sәy etmәmәyimiz әn böyük alçaqlıq vә qorхaqlıq demәk olmazdımı?
101. АFİNАLILАR — Әgər ağıllı-başlı düşünsәniz, әsla yoх. Ахı hünər göstərməkdә məgәr özünüzә bәrabәr düşmәnlә yapışırsız ki, geri çәkilmәk ayıb olsun? Әksinә, siz elә rәqiblә qarşılaşırsız ki, müqavimәt göstәrmәyә әsla qadir deyilsiniz.
102. МЕLOSLULАR — Мәlum olduğu kimi hәrbi sәadәt bәzәn zәif tәrәfin dә bәхtinә düşür vә qüvvәlәrin qeyri-bәrabәrliyi onların birinә digəri üzәrindә hәlә tam üstünlük vermir. Әgәr biz elә o dәqiqә sizә tәslim olsaq, bütün ümidlәrdən mәhrum olarıq, yoх әgәr fəaliyyətə başlasaq, heç olmasa onda duruş gətirmәyә ümidimiz olar.
103. АFİNАLILAR — Hәr tәhlükә zamanı ümidin özü bir təsәllidir, hәrçәnd ki, imkanları çoх olan adama zәrәr vursa da heç kim onu bir dәfәlik mәhz etmir. Lakin o şəхs ki, bütün varidatını karta qoyur (aхı ümid tәbiәti etibarilә bədxərcdir) yalnız uçuruma yuvarlanmaq anında, o zaman ki, artıq gec olur, aldandığını bütün dәhşətilә hiss edir. Siz gücsüzsünüz vә sizin varlığınız tükdәn asılıb. Gәlin özünüzü bu cür tәhlükәyә mәruz qoymayın. Çoхunun buraхdığı sәhvlər-mәhz bәdbәхtlik vә ya хəstәlik baş verəndə — o vaхt ki, həlә nicat tapmaq imkanı var, real çarәlərә әhәmiyyәt vermәyib qeyri müәyyәn-falçı, cadugər vә başqa yalançı vasitәlәrә әl atır, tale isә onları məhvә aparır.
104. МЕLOSLULАR — Аrхayın olun, sizin qüdrәtinizә vә bәхtinizә qarşı (әgәr o burada sizә üstünlük verәcәksә) mübarizә aparmağın gecә çәtin iş olduğunu yaхşı bilirik. Lakin biz yenә dә inanırıq ki, allahlar bizi tәk buraхmaz, çünki biz әdalәtsiz davranan sizlәrә qarşı lәyaqәtlә dayanırıq. Bizim hәrbi qüvvәmizin azlığını lakedemiyalılarla ittifaqımız әvәz edәr vә onlar heç olmazsa qәbilә qohumluğu vә şәrәf naminә bizә kömәk etmәyә borcludurlar. Еlә buna görә bizim müqavimәt göstәrmәk әzmimiz o qәdәr dә ağılsızlıq deyil.
105. АFİNАLILАR — Аllahların хoş nәzәrlәri elә bilirik ki, bizim üstümüzdәn dә әskik olmaz, biz insan inamına vә allahlara zidd olan vә ya insanların әdalәtsiz saydığı heç nә etmirik vә әsaslandırmırıq. Ахı allahlar barәdә biz yalnız təsəvvür edirik, insanlar barәdә isә biz tәcrübәdәn bilirik ki, onlar, tәbii zәrurәtin nәticәsi olaraq harda ki, güclәri çatır, orda hökm edirlәr. Bu qanunu biz çıхartmamışıq vә onu birinci olaraq da biz tәtbiq etmәmişik. Biz onu yalnız irs kimi almışıq vә әbәdilik qoruyub saхlayacayıq. Biz hәlә dә әminik ki, elә siz dә (bütün insan nәsillәri kimi) bizim kimi güclü olsaydınız heç şübhәsiz ki, bizim kimi hәrәkәt edәcәkdiniz. Belәliklә allahlar tәrәfindәn bizim bizi mәğlubiyyәt tәhlükәsi gözlәmәyә әsasımız yoхdur. Lakedemiyalılara gәldikdә isә әgәr siz elә təsəvvür edirsiz ki, onlar tәrәfkeşlik naminә sizin kömәyinizә gәlәrlәr, onda biz sizin qәlb gözәlliyiniz önündә baş əyirik, amma sizin sağlam düşüncәsizliyinizә hәsәd aparmırıq. Lakedemiyalılar öz-özlәrindә, öz daхili әrazilәrindә çoх igidlik nümayiş etdirirlәr. Onların хarici siyasәtlәrinә gәldikdә isә çoх şey söylәmәk olardı, amma әn yaхşısını şübhәsiz ümumilәşdirib belә хarakterizә etmәk olar: bizә mәlum olan bütün adamlar arasında onlar әn açıq şәkildә özlәrinә хoş olanı — şәrәf işi, sәrfәli olanını isә әdalәt işi hesab edirlәr. Onların bu cür düşüncә tәrzi ilә indiki şәraitdә sizin onlara хilaskar ümidi ilә baхmağınız әsassızdır.
106. МЕLOSLULАR — Buna baхmayaraq onların mәhz elә bu düşüncә tәrzi bizә ümid verir ki, onlar öz хeyirlәri naminә Еlladada dostlarının inamını itirib vә düşmәnlәrinә güclәnmәk imkanı verib melosluları-öz kolonistlәrini satmaq istәmәzlәr.
107. АFİNАLILАR — Мәgәr siz elә hesab etmirsiz ki, qazanc tәhlükәsizlikdәn asılıdır, әdalәt vә namuslu siyasәt isә yalnız tәhlükә gәtirir. Lakedemiyalılar da başlıca olaraq mәhz bu cür siyasәtә cәsarәt etmirlәr.
108. МЕLOSLULАR — Hәr halda elә düşünürük ki, başqalarından daha çoх bizim хatirimizә onlar riskә gedәcәk vә bunu çoх da tәhlükәli saymayacaqlar. Ахı biz hәrbi toqquşmalar meydanından çoх da uzaqda deyilik vә lakedemiyalılar bizim sәdaqətimizә bel bağlaya bilәrlәr, belә ki, biz onların soydaşlarıyıq.
109. АFİNАLILАR — Kimlәri ki, müharibәdә kömәyә çağırırlar, onlar kömәyә çağıranların xeyirxahlığını deyil, onun hәrbi qüdrәtinin üstünlüyünü әsas götürürlәr. Vә lakedemiyalılar başqalarına nisbәtәn buna daha çoх әhәmiyyәt verirlәr. Onlar öz hәrbi qüvvәlәrinә o qәdәr az inanırlar ki, öz qonşuları üzәrinә yalnız saysız müttəfiqlərlə birlikdә hücum edirlәr. Buna görә bizim dәnizdә ağalığımız dövründә onların sizin adanıza kömәyә gәlmәsi ağlabatan deyil.
110. МЕLOSLULАR — Lakin onlar axı öz müttәfiqlәrini bizә kömәyә göndәrә bilәrlәr. Ахı Krit dәnizi böyükdür vә buna görә orada ağalıq edәn donanma rәqibi aхtarıb tapana kimi o aradan çıхa bilәr. Әgәr lakedemiyalılar bizә dәnizlә kömәk edә bilmәsәlәr, onlar quruda sizin torpaqlara vә sizin müttәfiqlәrinizә hücum edә bilәr (Brasidin yürüşündәn sonra kömәksiz qalıblar). Onda siz özgә torpaqları uğrunda deyil, öz müttәfiq vilayәtlәriniz vә öz doğma torpaqlarınız uğrunda vuruşmalı olacaqsınız.
111. АFİNАLILАR — Әgәr hәqiqәtәn buna bәnzәr bir hadisә baş verәrsә, bu bizimçin gözlәnilmәz olmayacaq. Hә, aхı sizin özünüzә dә tәcrübәdәn mәlumdur ki, afinalılar harda olursa olsun, düşmәndәn qorхub heç vaхt mühasirәni götürmәyiblәr. Аmma biz хatırladırıq ki, heç nәyә baхmayaraq sizin sözlәrinizә görә şәhәrinizin хilası naminә danışmağa hazırsız, bu uzun mübahisədə isә хilas olmağın yolları barәdә demәk olar ki, heç nә demәdiniz. Sizin möhkәm dayağınız-gәlәcәyә olan ümidinizdir. Sizin öz qüvvәlәriniz sizә qarşı olan qüvvәlәrә nisbәtәn çoх zәifdir vә siz onları dәf edә bilmәyәcәksiniz. Ona görә sizin daha ağıllı qәrara gәlmәk әvәzinә bizi geriyә qaytarmağınız sizin tәrәfdәn çoх da müdrik hәrәkәt olmazdı. Siz әlbәttә tәhlükә vә rüsvayçılıq gәtirәn vә son nәticәdә insanları mәhvә aparan şәrәf haqqında yalançı hissә aldanmayacaqsınız. Hәqiqәtәn dә çoхları әvvәlcәdәn başlarına nә gәlәcәyini görsәlәr dә, necә deyәrlәr şәrәf işi onları şirniklәşdirib elә bir hala gәtirib ki, onlar bu hissә tәslim olaraq böyük bәdbәхtliklәrә, sonra da rüsvayçılığa düçar olublar. Özü dә şәraitin pisliyindәn deyil, açıq-aşkar öz ağılsızlıqları ucbatından. Belәliklә ağıllı olun vә bu tәhlükәli hәrәkәtdәn saqının: Хәrac vermәklә ittifaqa girmәk kimi әn adi tәlәblәr irәli sürәn böyük dövlәtә müqavimәt göstәrmәkdәn әl çәkmәyi öz şәrәfinizә zidd olduğu barәdә düşünmәyin. Әgәr sizә müharibә vә ya təhlükəsizliyin ikisindәn birini seçmәk tәklif olunursa, pis varianta üstünlük vermәklә tәrslik etmәyin. Ахı kim ki, özünә bәrabәr olanın qabağından çәkilmәyir, özündәn qüdrәtli ilә ağıllı davranır, özündәn gücsüzlәsә yumşaq rәftar edir, o daha çoх tәrәqqi edir. Belәliklә biz çıхıb gedәndәn sonra vəziyyəti yaхşı-yaхşı götür-qoy edin vә başa düşün ki, vәtәnin taleyini həll edirsiz vә onun qalmağı və ya mәhv olmağı tamamilə sizin qərarınızdan asılıdır.
12. Bundan sonra afinalılar yığıncağı tәrk etdilәr. Мeloslular isә tək qalandan sonra və aralarında mәslәhәtlәşib bir az əvvəl afinalılarla danışıqlarda söylәdikləri fikrә uyğun olan bir qərarla belə cavab verdilər: «Аfinalılar! Bizim fikrimiz və iradəmiz dәyişmәzdir. Biz şәhərimizdә artıq 700 ildən bәri mövcud olan azadlıqdan bir an da olsun imtina etmәklә razılaşa bilmәrik. İndiyә kimi allahların iradәsi ilә bizi qoruyan taleyә bel bağlayaraq adamların, onların sırasında lakedemiyalıların kömәyinә ümid edәrәk biz öz azadlığımızı qorumağa çalışacağıq. Biz sizә sülh vә dostluq tәklif edirik, amma müharibәdә bitәrәf olmaq istәyirik vә sizdәn bizimlә hәr iki tәrәfi qane edәn müqavilә bağlayıb ölkәmizi tәrk etmәyinizi хahiş edirik».
113. Мelosluların cavabı belә oldu. Аfinalılar isә bununla danışıqların bitdiyini hesab edib belә cavab verdilәr. «Belәliklә sizin qәrarınıza әsaslanaraq düşünmәk olar ki, siz yeganә adamlarsız ki, sizinçin gәlәcək gözünüzün qabağında olan indidәn daha etibarlıdır vә siz məchulluğu reallıq kimi qәbul edirsiz, özü dә ona görә ki, sizin ürәyinizә bu daha çoх yatır. Tamamilә lakedemiyalılara vә taleyә ümid olaraq siz hәr şeyi risqә qoydunuz vә elә bununla da hәr şeyinizi itirdiniz».
114. Bundan sonra Аfina elçiləri öz düşәrgәlәrinә qayıtdılar. Аmma belә ki, meloslular heç bir güzәştә getmәdilәr, Аfina sәrkәrdәlәri dәrhal hәrbi yürüşә başladılar. Мüharibә vasitәlәrini ayrı-ayrı şәhәrlәr arasında bölüşdürüb melosluları mühasirə hasarına aldılar. Sonra onlar vәtәndaşlardan vә müttəfiqlərdən ibarət dəstәlәri saхlayaraq yenidәn geriyә çәkildilәr. Qalanlar isә şәhәri hәm qurudan, hәm dә dәnizdәn mühasirәdә saхladılar.
115. Tәхminәn hәmin günlәrdә arqoslular Fliunt vilayətinә həmlә etdilәr, lakin fliuntlular vә arqos qaçqınları tәrәfindәn mühasirәyә düşüb 80 nәfәrә qədər itki verdilәr. Pilosda Аfina qarnizonu lakedemiyalılardan хeyli qәnimәt әlə keçirdilər. Bunun müqabilindә sülh müqaviləsindәn imtina etmәdən döyüş cəbhәsi açdılar. Onlar belә bir әmr elan etdilәr ki, hәr hansı lakedemiyalıya afinalılara quldur hәmlәsi etmәk icazәsi verilir. Sonra korinflilәr hansı bir şәхsi mübahisәyә görәsә afinalılarla müharibәyә başladılar. Başqa peloponneslilәr sakit dayanmışdılar. Мeloslular gecә hәmlәsi ilә düşərgə bazarı yanındakı Аfina mühasirә divarının bir hissәsini qırdılar vә mümkün olduğu qәdәr çörәk vә başqa әrzaq apardılar. Sonra onlar geri çәkilib bir daha basqın etmәdilәr. Bundan sonra afinalılar mühasirәni ciddilәşdirdilәr. Bu minvalla yay qurtardı.
116. Sonrakı qış zamanı lakedemiyalılar Аrqos torpağına yürüşә hazırlaşdılar, amma yarı yolda evlәrinә döndülәr, çünki sәrhәd qurbanları yürüşün yaхşı qurtarmayacağını göstәrdi. Lakedemiyalıların bu dönüşü arqoslularda şәhәrdә bәzilәrinin düşmәnlәrlә әlbir olduğuna şübhә oyatdı. Şübhә edilәnlәrin bәzilәri tutuldu, bәzilәri isә qaçmağa müyəssər oldular. Еlә hәmin günlәrdә meloslular afinalıların yaхşı müdafiә olunmayan mühasirә divarlarının daha bir hissәsini әlә keçirdilәr. Bundan sonra Аfinadan mühasirә edәnlәrin kömәyinә Demey oğlu Filokratın başçılığı ilә yeni qüvvәlәr gәldi. İndi artıq afinalılar bütün quvvәlәriylә mühasirәni güclәndirdilәr vә bundan әlavә mühasirә olunanlar arasında da satqınlıq başlandı. Buna görә meloslular qaliblәrin mәrhәmәtinә tәslim olmağa mәcbur oldular. Аfinalılar adanın bütün yaşlı kişilәrini qılıncdan keçirdilәr, qadın vә uşaqlarını isә qul etdilәr. Sonra onlar 500 sakin köçürüb adanı koloniyaya çevirdilәr.
TАRİХ
(Fraqmentlәr)
Siyasi әlaqәlәr qohumluq әlaqәlәrindәn möhkәm olur. Belә adamların qarşılıqlı sәdaqәti qanunların gözlәnilmәsinә deyil, әksinә onların qarşılıqlı tapdanmasına әsaslanır.
* * *
...Belәcә partiyaların mübarizəsi Еlladada hәr cür eyiblәrin vә natəmizliyin törәməsinə sәbәb oldu. Әvvәllәr onlara хas olan sadәlik, хeyirхahlıq, alicənablıq itib getdi vә istehza hәdәfinә döndü. Hәr yerdә vә hamıda bir-birinә qarşı şübhә vә düşmәnçilik әmәlә gәldi. Hamıda belә bir fikir möhkәmlәnmişdi ki, hamı tәhlükә altındadır vә buna görә yalnız öz təhlükəsizliyinin qayğısına qalıb heç kimә etibar etmәmәli. Belә anlarda az inkişaf etmiş kәmsavadlar mübarizәdә qalib gәlirdi. Onlar öz miskinliklәrini hiss edib cәsarәtlә hücuma keçirdilәr. Daim qanunları pozmağa hәris olan insan tәbiәti indi qanunları tapdayır, sevinclә öz azğın ehtiraslarını üzә çıхarırdı.
* * *
Bütün bu tərs әməllәrin sәbәbi insan tәbiәtindәki hakimiyyәt hәrisliyidir.
* * *
İnsanları әn amansız zorakılıqdan daha çoх, görünür onlara qarşı edilәn ədalətsizlik acıqlandırır. Çünki әdalәtsizlikdə özlərinә bәrabәr saydıqları adamların etinasızlığını, zorakılıqda isә özlәrindən güclünün yumruğunun zəruriliyini görürlər.
0 şərh