Sənin bir günahın yox idi mənim balam. Anan səni belə doğmuşdu. Heç ananın da bir günahı yox idi. Sadəcə gələcəkdə həyatın bəzi çirkinliklərini söyməyəsən deyə zalım dünya səni lal yaratmışdı. Sən sevgilinə sevirəm demədin amma sevgini ona göstrədin. Ürəyinlə, gözlərinlə göstərdin. Barmaqların sənin dilindir barmaqlarınla dedin sevdiyini. Sən sevginin şəklini çəkdin barmaqlarınla mənim balam. Beş barmağın beşi də bir deyil, hər barmağın bir söz dedi, hər barmağında bir həyat yaşadın. Dilinə- barmaqlarına qurban olum. Barmaqlarını sox gözümə qoy kor olum. Sən lal olunca mən kor olaydım sənin bu gününü görməyəydim mənim balam…