Nobel mükafatı laureatları

Ərəb dünyasının görkəmli siması

                               Nobel mükafatı laureatları silsiləsindən.

      Nəcib Məhfuz 20- ci əsr  ərəb ədəbiyyatının görkəmli simalarından biridir. 1988-ci ildə Nobel mükafatına layiq görülmüşdür. Bu mükafat ona “bəşəriyyətin ümumi dəyərinə çevrilmiş ərəb təhkiyə sənətini yaratmış ,gah şəffaf realistik ,gah mübhəm çoxmənalı işarələrlə dolu əsərlərinə görə “verilmişdir.Yazıçı ,publisist ,dramaturq,kinossenarist ,ictimai xadim kimi tanınan  Nəcib Məhfuz 34 roman ,350 hekayə ,15 ssenari ,5 pyes müəllifidir.Yaşadığı dövrdə heç bir ictimai-siyasi hadisə onun diqqətindən kənarda qalmamışdır.Uzun və mübarizələrlə dolu ,məhsuldar bir yaradıcılıq yolu keçən yazıçının həyatının son günlərində gəldiyi qənaət belə idi :həyatın mənası həyatın özündədir. Yazıçıya görə insanın həyatında baş verən faciələrin əsas səbəbini onun daxili aləmində ,ruhunda axtarmaq lazımdır.Nəcib Məhfuz öz əsərləri ilə insanları anlaşmaya, barışığa çağırmışdır.

      Öz ideallarından heç vaxt imtina etməyən yazıçı dünyamızın məchul tərəflərini realistcəsinə əks erdirir ,əlçatmaz və dərkedilmz həqəqətlərə orijinal münasibəti ilə yadda qalır. O,insanlarrı sevirdi ,onları olduğu kimi –səhvləri və günahları ilə birlikdə qəbul edirdi ,buna görə də yazıçının qəhrəmanları sevilir .

     Yazıçının “Fivin mübarizəsi”adlanan romanı da maraqlı əsərlərdən biri olub günümüzlə səsləşir. Tarixi mövzuda yazılmış bu roman inanıriq ki ,sizin də xoşunuza gələcəkdir.Azadlıq və müstəqillik uğrunda mübarizə aparan bir xalqın öz qəhrəman övladları sayəsində məqsədinə nail olması hər bir kəsdə haqq işin gec-tez qələbə ilə başa çatacağına inam hissi yaradır.

Romanı oxuduqdan sonra fikirlərinizi bizimlə bölüşün.

Romandan sətirlər

Kimsə bizim şərəfimizə qəsd edərsə ,geri şəkilmərik  ,sülhü də üstün tutmarıq.Ata-babalarımız bacardıqları qədər bu məmləkətin müstəqilliyini qorumuşlar...Mən Tanrı və insanların qorunmasını lazım bildiklərini verə bilmərəm.

Ağılsız qəzəbdən çəkin.

Biz qələbələrimizin bəhrəsini dada bildiyimiz kimi ,məğlubiyyətimizə də təhəmmül edə biləcək qədər güclüyük.

Otlardan daha çox günəş şüası və hava udan ,küləklərə ,tufanlara daha çox məruz qalan hündür ağaclar təki insanların ən qayğısəz yaşayanı da ,ən çox yüklənəni də hökmdarlar olurlar.

Əgər müharibənin məqsədi yoxdursa ,bu ,qırğın deməkdir.

Bütün oxları bir oxluğa qoyma .

 

 

 

 

0 şərh