Ona vurulurlar, onun gözəlliyinə sitayiş edirlər, onun dərdindən dəli olub, bir-birlərini öldürürlər, onun üzündən ailələr dağılıb, o dövləti-hətta böyük bir imperiyanı qarşısında çökdürəcək qədər gözəlliyə malikdir. Söhbət təbii ki, zinət əşyalarından gedir. Qiymətli daşların insanların fiziki və ruhi sağlamlığı üzərində əhəmiyyətli təsirləri olduğunu bilirdinizmi? Zinət əşyalarının sehirləyici gözəlliyi qədim zamanlardan insanların ağlını başından alıb. Çünki, hər bir zərgərlik malının özünün əhval ruhiyyəsi, öz musiqisi var. Qızıl və qiymətli daşlar aləmi xüsusi bir dünyadır. Əsl qadın tək geyinib keçinməyi deyil, hər zaman əşyalarını səliqəli saxlamağı da bacarmalıdır.

Qədim dövrlərdən günümüzə daşların ən qiymətlisi sayılan almazın qadınla kişi arasındakı eşqi gücləndirdiyinə inanıldığından nişan üzüklərində məhz almaz qaşı olur. Saf, sevgi və sevinc gətirdiyi deyilən almaz, cəsarəti və eşqi simvollaşdırar. Sizi ruhi və əxlaqi inanclara görə həyatınız üçün ürəkləndirərək, özünüzə başqalarına qarşı dürüst olmağa dəvət edir.

Göy yaqut deyə bilinən saffir, latınca mavi mənasını verir. Saffir mavi, bənövşəyi, narıncı, sarı, yaşıl, bənövşəyi və qara rənglərdə ya da şəffaf ola bilər. Tarix boyunca kralların və hökmdarların pislik, xəyanət və cadulardan qorunmaq üçün taxdıqları müqəddəs bir daşdır. Eyni zamanda müxtəlif xəstəliklərə yaxşı gəldiyi deyilməkdədir. Şəffaf safir sizə etibarı, sevgini və işığı sıx olaraq hiss etdirəcək. Mavi saffir romantik zədələrin yaratdığı duyğu yüklərindən qurtararaq azadlıq hissi verir.

Yaqutun bədbəxtlik, qiymətsizlik, döyüş, düşmən, hücum, vaxtsız ölümlər və digər pisliklərə qarşı qoruyucu xüsusiyyəti olduğuna inanılır. Yaqut Hindistanda daşların şahı olaraq tanınır.

Bəs zinət əşyalarını necə təmizləmək olar? Qızıl və gümüşü təmizləyərkən, kağızdan, qumdan, cilalayıcı materiallardan istifadə etmək qəti surətdə olmaz. Yoxsa təmizləmək əvəzinə onun səthini həmişəlik korlayarsız. Ziynət əşyaların üzərinizdən çıxardan kimi təmiz quru, yumuşaq dəsmalla silib qurudun ki, üzərində tər və ya başqa ləkələr qalmasın. Yaxşı olar ki, bədəninizə ətir vurarkən, gözəllik salonlarına gedərkən zinət əşyaları taxmayasınız. Çünki aerozollar onun səthində izlər qoyacaq. Fitnes klublara gedərkən isə ümumiyyətlə, nə bijuteria nə də zinət əşyaları taxılmaz. Belələrinə görməmiş kimi baxırlar, həm də bir yerinizi bilmədən cıza bilərsiniz.
Zinət əşyalarını mütləq quru yerdə saxlamaq lazımdır.

Əgər aksesuarlarınız, parıltısını itiribsə onu 6 damcı naşatır spirti əlavə olunmuş 1 stakan suda yuyun. Daha sonra parça ilə silin. Müxtəlif bahalı qaşların parıltısını adi diş məcunu ilə sürtməklə qaytara bilərsiniz. Brilliantın parıltısını qaytarmaq üçünsə onu 30 dəqiqəlik sabunlu suya bir neçə damcı naşatır spirti əlavə olunmuş bir qabda saxlayın.

Əgər adi metall aksesuarınız qaralmağa başlayıbsa, onu hər hansı yuyucu vasitə əlavə olunmuş 1 stakan suyun içində bir neçə dəqiqə saxlayın. Daha sonra yumşaq dəsmalla silin. Əgər siz mirvari həvəskarısınızsa bilməlisiniz ki, mirvari canlı olduğundan, onu hava girməyən qutuda saxlamaq olmaz və mirvari sahibəsinin onu tez-tez taxmasını sevir.

Mənbə: anspress.com