Yazıq bədən, yazıq can!
Bu gün ANSPRESS.com saytında bir xəbər oxudum. Xəbərdə deyilir ki, dilinə pirsinq taxdırdıqdan 48 saat sonra qanının zəhərlənməsi və ağciyərlərinin iltihablanması nəticəsində ölüb..
əslində bunu oxuduğum zaman heç də təəccüblənmədim. Belə şeyləri qəti sürətdə bəyənmirəm. Amma, bəyənməsəm də, çalışıram buna aqressiya ilə yanaşmayım, nəyimə gərək, əsəblərimi niyə korlayım ki?! Kim necə istəyir elə də rəftar edir. Amma, bildirim ki, bu mənimçün də heç də göz oxşayan bir şey deyil. Pirsinq taxanları, ümumiyyətlə, başa düşə bilmirəm ki, bu nəyə lazımdır?! İstər qız istər oğlan – bunun nəyində gözəllik görürlər? Ağız, burun dil, diş, qaş, göz, bədən – dəmir-dümür içində. Yazıq orqanlar.
Bunun nəyi ecazkardır axı? Heç başa düşə bilmirəm.
Şükr Allah ki, ölkəmizdə buna meylli olanlarımız çox deyil.
Amma, deyiləsi tək bu da deyil, bildiyimiz kimi – botokslar. Bu da zəmanəmizdə çox yayqın olmuş vasitələrdən biridir ki, qadınlar da bundan yan keçmir. Nəinki qadınlar eləcə də kişilər. “Gözəllik qurban tələb edir” – bəli. Amma, canından qurban vermək də ağılsızlıqdır. “5 günlük dünyadır” deyib keçmək də mənasız. Bu mənalı olsaydı, o zaman heç gözəlləşmək də lazım olmazdı. Məyər insanlar bilmirlər ki, bu gün səni gözəl göstərəcək belə vasitələr sabah başına iş açacaq?! Ola bilsin ki, çoxları bilmir, ola bilsin ki, çoxları da buna inanmır, çoxlarının da vecinə deyil.
Amma, saxta, süni gellərlə, bu botoks-motokslarla, orqanizm iflicə, qalıcı paraliçə, dəridə baş verən sallanmaya, üzün əyilməsinə, eybəcərliyə və s. başqa xəstəliklərə sabəb olur və sonda da vaxtsız ölüm. Təəssüf ki.
11 şərh
Botulizm neyrotoksini bir qədər ziyanlı ola bilər,amma müasir zamanda ondan istifadə təhlükəsizdir. Əgər cidi ehtiyac varsa,Botox istifadə oluna bilər.
Ola bilsin ki, botox zəmanəmizdə təhlükəsiz olsun, amma, nə bilim məncə insana sadəlik qədər yaraşanı yoxdur. Amma, təbii ki, botoxa ehtiyac varsa, burda bəlkə də mənə söz düşməz.
Yazını dəyərləndirdiyin üçün də ayrıca təşəkkürlər)))