İnkişaf etmək istəyənlər üçün maraqlı məlumatlar olan kollektiv bloq servisi
Baxmayaraq ki, şaxtalı qış günləri hələ gəlməyib, qış geyimlərini almağa tələsirik. Bu ilin qış dəbi qadınlar üçün maraqlı sürprizlər hazırlayıb. Qarlı-şaxtalı günlərdə lazım olan Braschi, Tods, Cédric Charlier, 3.1 Phillip Lim, Simonetta Ravizza, Alexander Wang, Fendi, Stella, McCartney, Jil Sander, Joseph, Valentino, Marc Jacobs, See by Chloé, Givenchy kimi markaların ən dəbli xəz geyimləri burda.
Bu geyimləri mağazalardan, yaxud internetden sifariş verə bilərsiniz. Bu il təbii heyvan xəzlərindən əlavə, rəngli və boyanmış xəzlər çox dəbdədir. Bu xəzlərlə saray şahzadələrinin gözəlləyini kölgədə qoyacaqsınız.
Bakıda qış mövsümündə papaqsız keçinmək mümkün deyil.
Oktyabr ayı günəşli keçsə də, noyabr ayının soyuğu canımıza üşütmə salır. Soyuqda xəstələnmək istmirsinizsə, papaqlarınızı indidən hazır edin. Bu il qəribə formada və kreativ papaqlar taxmaq çox dəbdədir.
Papaq taxanda saç korlanır. Bu əziyyətdən xilas olmaq üçün parik papaqlar taxmağı təklif edirik. Yaradıcı insanların diqqətini bu papaqlar daha çox çəkir.
Burberry Prorsum, Londonda 2014 Resort kolleksiyasını nümayiş etdirib. Burberry Prorsum, klassik cizgisini unutmadan ancaq daha yaxşı inkişaf etdirərək yeni kolleksiya hazırlayıb. Klassik incə və qısa pencəkləri hər zamankı kimi çox bacarıqla hazırlanıb. Trasnparan detallara sahib qələm ətəklərin ön plana çıxdığı kolleksiyada metalik rənglər, pastel tonlu jaketlər və rəngli çantalar diqqət çəkir.
Yeni kolleksiya təkcə qadınları deyil, kişilərin də ürəyincə oalcaq. Kişilər, Burberry resort 2014 kolleksiyasından bəhrələnən qadınları görəndə heyranlıqlarını saxlaya bilməyəcək. Eyni zamanda ziyafət libasları mükəmməl kürək dekoltesinə və düz kəsimlərə sahibdir.
24 oktyabrda ABŞ-ın Vilminqton Şatatının univermaqlarından birində ilk dəfə olaraq nazik qadın corabları satışa çıxır. Bu corabların satışı rekord qırır, bütün qadınlar nazik corabdan ötrü növbəyə düzülməli olur.
Bu gün isə onlar qadın qarderobunun ayrılmaz hissəsinə çevrilib. Dizaynerlərin maraqlı ideayaları bununla bitmir. Orijinallıq etmək istəyən dizaynerlər corablar üzərində maraqlı şəkillər təsvir ediblər.
Qadın ayaqlarına baxanda onların döymə, yaxud şəkil olduğunu müəyyən etmək çətindir.
Bu mövsüm dırnaqlar tünd rənglərə bürünəcək. Tanınmış markalar bir-birinin ardınca payız üçün hazırladığı kosmetika kolleksiyalarını təqdim edir.
Dırnaq boyalarının yeni kolleksiyaları çıxan kimi qadınlar öz seçimi edib. Belə ki, qadınlar tünd bənövşəyi, xardal, zoğalı və tünd mavi rənglərə daha çox üstünlük verib.
Tünd rənglər çox dəbdə olsa da, qısa dırnaqlara çox da yaraşmaya bilər. Tünd tonlar barmaq ucunu bir az keçən dırnaqlarda daha zərif görünür.
Ayaqqabı markaları payız kolleksiyalarında kişi stilinə də yer veriblər. Kişi stilini xatırladan çəkmələr bu payız və qış mövsümündə çox dəbdədir.
Bu payız ayaqqabıların rahatlığı da çox vacibdir. Havaların tez-tez dəyişməsi kişi stilini xatırladan çəkmələrdən almağa vadar edir. Onlar həm günəşli, həm də yağışlı havada geyinmək üçün çox idealdır.
