Qan laxtalanması qan dövranı pozğunluqlarından biridir. Qatı qanı olan insan tromboz, işemiya, infarkt və emboliya kimi problemlər yaşaya bilər.

Laxtalanmış qanın təhlükəli əlamətləri arasında ən birincisi dərinin mavi rəng almasıdır.

Ürək – damar cərrahı Viktor Baldinin sözlərinə görə, əksər xəstələr barmaqların uclarında uyuşma və ya qıcolma hissi, ətrafların dərisinin rənginin dəyişməsi, ayaq və əllərdə soyuqluq hissi və s. hiss edirlər.

Qan qatılığından yaranan ağırlaşmalar zamanı bu simptomlar yarana bilər:

Dərinin mavi rəng alması, göyərməsi və bu yerdə kəskin ağrı hissi

Tutmalar

Nitqin pozulması

Üzün bir tərəfində qəfil uyuşma

Uzun müddət davam edən kəskin baş ağrısı

Həmçinin, oyanarkən başgicəllənmə, döş qəfəsində narahatlıq və ya sıxılma hissi, yuxu zamanı həddindən artıq tüpürcək axması qan laxtalanmasının mümkün əlamətlərindəndir.