Bu gün məzmunundan asılı olmayaraq düzgün yazılmayan bütün şərhləri mən minuslamışam..Səbəbi odur ki ay Məryam, düzgün yazmırsınız, ə əvəzinə e yazırsız, ş əvəzinə w yazırsınız, mənasızcasına topikin bir hissəsini şərhə köçürürsünüz, «düzdü», «sağ ol», "əməyə hörmət" tipli informasiya yükü daşımayan və maraqsız şərhləri doldurursunuz..Hələ bundan sonra da niyə minuslanmasına təəccüb edirsiniz.Hətta iş o yerə çatıb ki, düzgün yazı qaydalarına əməl edilməsini tələb edənlərin özü həmin tələblərini yazı qaydalarını pozaraq yazırlar. Artıq bəzi istifadəçilər haqqında məndə belə təəssürat yaranır ki, onlar ya əqli zəiflikdən əziyyət çəkirlər, ya da bizi sarıyıblar.Bircə xahiş edirəm onu bəhanə gətirməyin ki, telefonla internetə daxil oluruq vəs və ilaxır..Telefonla bir dəfə ya iki dəfə girmək olar internetə.Bu hal isə dəfələrlə təkrarlanır, zəhmət çəkin qaydalara riayət edin, istifadəçilərin saytdan keyfiyyətli istifadə etmək hüququnu pozmayın, zövqümüzü romantik gül şəkilləri, eşq etirafları, ayrılıq acısı ilə dolu ağlaşma statuslarla və bəlalım seriyasından olan kliplərlə korlamayın..Görməmişcəsinə dalbadal 80 dənə mikrotopik yazıb digər istifadəçilərin statuslarını arxa plana atmayın. Dəfələrlə bunlar deyilir və dəfələrlə qaydaları pozursunuz, bu saytı düşük saytlara oxşatmağa çalışırsınız. İnsana sözü bir dəfə deyərlər. Yadda saxlayın ki,  bu ilk növbədə sizin özünüzə qoyduğunuz hörmətdi.
P.S: Şərhim emosional ola bilər, səbəbi odur ki, mən bu saytı yüksək səviyyədə görmək istəyirəm.