Xurmanın faydaları insanlara qədım zamanlardan məlumdur. Xurma əsl vitamin və minerallar anbarıdır. Zəngin kimyəvi tərkib xurmanı bir çox orqan və sistemlər üçün faydalı edir. Xurmanın faydaları arasında:

1. Kalium, maqnezium və dəmirlə zəngin olan xurma ürək-damar və qan sistemi üçün çox faydalıdır — ürəyi möhkəmləndirir, damarların sağlamlığını qoruyur, aterosklerozun inkişafının qarşısını alır, qanın tərkibini yaxşılaşdırır.

2. Xurma yodla zəngindir. Yod qalxanvari vəzinin normal fəaliyyəti üçün olduqca vacib olan mineraldır. Bu mineralın orqanizmdə çatışmazlığı müxtəlif qalxanvari vəzi xəstəliklərinə səbəb olur.
Davamı →

Həkimlər sağlam insanlara yatmazdan 1 saat əvvəl 1 stəkan təmiz qazsız suyu içməyi tövsiyə edirlər. Bu çox vacibdir. Yuxu zamanı insan orqanizmi nəfəslə, tərlə maye itirir və bu da susuzlaşmaya səbəb olur. Susuzlaşma bütün insan orqanizmi üçün və xüsusilə də ürək-damar sistemi üçün çox ziyanlıdır.
Davamı →

Doşab müxtəlif meyvələrdən qaynadılaraq hazırlanan şəkərli, qatı mayedir. Onun digər adı isə bəkməzdir. Xurma, üzüm, tut, armud doşabı kimi növləri olan bu qiymətli məhsuldan bir çox valideynlər uşaqlarda iştahanı artırmaq üçün istifadə edirlər. Lakin doşab təkcə iştahanı artırmaq üçün deyil, həm də müalicəvi əhəmiyyətə malikdir.

Onun faydaları inanılmaz dərəcədə çoxdur. Məsələn, çox yaxşı antioksidant olan doşab, eyni zamanda qan azlığını aradan qaldıran qidaların arasında ən önəmlisidir.

Doşab bəzi rayonlarda yetişdirilən bal armudundan hazırlanır. Bunun üçün armudun meyvələrini iki hissəyə ayırıb, sıxıb şirəsini çıxardırlar. Alınmış şirə qatı şərbət halına düşənə qədər qaynadılır. Nəticədə əldə edilən armud bəkməzindən iştaha artırıcı və həzm prosesini yaxşılaşdıran dərman kimi işlədilir.
Davamı →

Probiotik qaynağı kimi tanınan kefirin insan sağlamlığına bir çox faydası var. Kefir süd turşusu və spirt fermentasiyası ilə əmələ gələn qatığa bənzər tünd konsistensiyalı, köpüklü, dadı yüngül turş süd məhsuludur.

Kefirin tərkibində insan bədəninə olduqca faydalı təbii bakteriyalar var. Bu faydalı bakteriyalar immun sistemini gücləndirməkdə, başda xərçəng olmaqla allergiya narahatlıqları, iştahsızlıq, yuxusuzluq, vərəm, bronxit, astma, eqzema və bir çox başqa xəstəliyə müsbət təsir edir. Ən əhəmiyyətlisi isə odur ki, xəstəliklərə qarşı müqavimət qazandırır. 
Davamı →

Ananas şirəsi o zaman faydalı olar ki, təbii halda suyunu özünüz çıxartmış olasınız. Ananas şirəsinin faydaları çoxdur, onlarla tanış olaq:

1. Anti-oksidantdır
Ananas şirəsində anti-oksidantlar vardır ki, bədəninizi təhlükəli xəstəliklərdən qoruyar. Bu təhlükəli xəstəliklərin virusları toplara bənzəyir ki, insan bədəninə davamlı olaraq hücum etməkdədir. Sizin xarici hüceyrələrinizə hücum edərək, onları məhv etməyə çalışarlar. Ancaq ananas şirəsi qəbul edən zaman bədən anti-oksidantla zənginləşər və bu cür virusların və bakteriyaların qarşısını alar.

2. Vitaminlə zəngindir
Ananas şirəsinin tərkibində çox sayda vitamin mövcuddur. Bu şirənin tərkibində ən çox C vitamini vardır ki, immun sistemini gücləndirər və bədəni xərçəng riskindən qoruyar. Bundan başqa, ananas şirəsində B1 vitamini vardır. Bu vitamin şəkəri enerjiyə çevirər və ona görə də bu şirə bizə gün ərzində enerji verər. Ananas şirəsində maqnezium, kalsium vardır.
Davamı →

Kartof bir çox ölkədə sevilən bir tərəvəzdir. Bizim ölkəmizə Cənubi Amerikadan gəlmişdir. Kartof, sevilməsinin yanında bir çox müalicəvi xüsusiyyəti də ehtiva edir. Hətta bu müalicəvi xüsusiyyətlər tibb dünyasının da diqqətini çəkmişdir və tibb sahəsində kartofdan faydalanıblar.

Son illərdə edilən araşdırmalara görə, kartof şirəsinin içərisində olan turşular, minerallar və fermentlər sağlamlığımıza olduqca faydalıdır.

Kartof suyu həzm sistemimizin düzgün işləməsini təmin edir. Mədəmizdə xoranın meydana gəlməsini azaldır. Əgər məqsədiniz xoranı azaltmaqdırsa, qırmızı kartof suyunu istifadə etməyinizi tövsiyə edə bilərik.
Davamı →

Əncir çox faydalı müalicəvi məhsuldur. Əncir vitaminlər, minerallar, aminturşuları, antioksidantlar, qidalı liflər və s. faydalı maddələrlə olduqca zəngindir. Əncirin ən mühüm faydaları bunlardır:

1. Əncir kaliumla zəngindir. Bu mineral ürəyin sağlamlığı və normal fəaliyyəti üçün çox vacibdir. Kalium təzyiqi normada saxlamağa kömək edir.

2. Əncir qidalı liflərlə zəngindir. Bu liflər bağırsaqların fəaliyyətini yaxşılaşdırır, qəbizliyi aradan qaldırır.

3. Əncirin tərkibində «benzaldegid» adlı maddə var. Elmi araşdırmalar sübut edib ki, bu maddə xərçəng hüceyrələrinin çoxalmasının qarşısını alır.

4. Əncir dəmirlə zəngindir və bu səbəbdən qanazlığı zamanı və qanazlığının profilaktikası üçün çox faydalıdır.
Davamı →

Müxtəlif yarmalardan hazırlanmış sıyıqlar çox faydalı qida növüdür. Alimlər yarmaları müalicəvi məhsul hesab edir. Araşdırmalar göstərir ki, yarmalar ürək-damar sistemi xəstəliklərinin, şəkərli diabetin, xərçəngin riskini azaldır.

Təəssüf ki, müasir insanların qidalanmasında sıyıqlar demək olar yox səviyyəsindədir. Sizə ən faydalı sıyıqlardan biri olan düyü sıyığının faydalarını təqdim edirik:

1. Düyü sıyığı azkalorili məhsuldur. Bu səbəbdən bədən çəkisinə nəzarət edən insanlar bu sıyığı öz qidalanmasına rahatlıqla daxil edə bilər. Lakin burada nəzərə almaq lazımdır ki, sıyığa əlavə olunmuş yağ və şəkər tozu onun kalorililiyini xeyli artırır.
Davamı →

Müasir insanlar lazım olandan qat-qat çox qida qəbul edir. Alimlərin fikirinə görə, məhz bu bir çox xəstəliklərin əsas səbəbidir. Bu xəstəliklər arasında — ürək-damar sistemi xəstəlikləri, şəkərli diabet, bəzi xərçəng növləri, dayaq-hərəki sistemi xəstəlikləri və s.

Qəbul etdiyimiz qidanın azalması, detoks-günlər bizi daha sağlam və gümrah edəcək, orqanizmin tonusunu qaldıracaq, orqanizmdə gedən bərpa prosesləri sürətləndirəcək. Həftədə 1 dəfə detoks günü təyin edin.

Axşamdan 1 stəkan ilıq suda 1 xörək qaşığı buğda kəpəyi isladın və səhər acqarına qarışdırıb için. Gün ərzində yalnız çiy meyvə-tərəvəz yemək və bol su içmək lazımdır. Meyvə və tərəvəzləri həddindən artıq yeməyin — bu köpə, qarın ağrılarına səbəb ola bilər.
Davamı →

Ürəkdə və ya beyində olan damarlar trombla tutulduqda və ya partladıqda bu infarkt və ya insult kimi ağır pozulmaların inkişafına səbəb olur. Bu pozulmaların qarşısını almaq üçün damarların sağlamlığını və elastikliyini qorumaq lazımdır. Bu işdə bizə bəzi adi məhsullar kömək edə bilər. Kardioloqlar infarkt və insultun profilaktikası üçün qidalanmaya bu kimi məhsulları tez-tez daxil etməyi tövsiyə edirlər:

1. Cəfəri
Bu göyərti kiçik damarları möhkəmləndirir, təngnəfəslikdən azad edir, ürəyi möhkəmləndirir.

2. Qırmızı kartof
Qırmızı rəngdə olan kartof sortları ürək və damarlar üçün çox faydalıdır. Kartofu qabıqla bişirin. Qabığın altında faydalı maddələr daha çoxdur.

3. Pomidor
Pomidor ürək və damarlar üçün çox vacib olan kalium, maqnezium və həmçinin ürək üçün superfaydalı olan likopin antioksidantla zəngindir. Tomat və onun şirəsi arterial təzyiqi aşağı salmağa kömək edir.
Davamı →