Oriqami (折り紙) yaponca “ori” qatlamaq və “qami” kağız sözlərindən ibarət olub, kağız qatlama sənətinə verilən addır. Bu sənətdə yapışqandan və hər hansı bir kəsici alətdən istifadə olunmur. Oriqami ilə canlı cansız fiqurları hazırlanır və bu iş üçün rəngli rəngsiz kağızlardan, hətta kağız puldan istifadə olunur.

Oriqami klassik və hissəli olmaqla iki yerə ayrılır. Klassik oriqami bir tək kağızla hazırlanır. İki və ya daha artıq hissə istifadə edilərək klassik oriqami ilə heyvan və ya əşya fiqurları hazırlanır. Modulyar oriqami kimi də adlandırılan hissəli oriqami oxşar parçaların birləşdirilməsi ilə hazırlanır, heyvan və ya əşyadan çox 3D və həndəsi fiqurların hazırlanması üçün istifadə olunur. Hissə sayı hüdudsuz olan modulyar oriqami sökülüb yığılan oyuncaqlara oxşayır və eyni hissələrlə bir çox fərqli fiqur hazırlamaq mümkündür. Oriqami ümumiyyətlə kvadrat kağızlardan hazırlansa da kağız formasında hər hansı bir məhdudiyyət yoxdur.

Bu gün dünyada oriqaminin bir çox növü hazırlanır. Memari oriqami, pop-ap oriqami, kriqami oriqamini (kağız kəsmək sənəti) bunlara misal kimi göstərmək mümkündür. Müasir adlandırılan belə oriqamilərdə kəsmək və yapışdırmaqdan istifadə etməyə heç bir məhdudiyyət qoyulmayıb.