Göylər götürməyəcək qanı, and içirəm:

Tanrı canı… Xocalı soyqırımının 21-ci ildönümü ərəfəsində italiyalı şair və bəstəkar Davide Qualtierinin “Xocalı” şeirini təqdim edir. Şeiri Azərbaycan dilinə Qulu Ağsəs uyğunlaşdırıb. Onun sətri tərcüməsi isə Mais Nuriyevə məxsusdur.

Xocalı

Şərqdən gələn qonağın yükü 

hekayət olar – amma mən eşitdiklərim…

inanmıram dünyada belə cinayət ola…

Uzaq, günəşli ölkədə 25 fevral gecəsi

qarlı kölgədə qırdılar 613 günahsız adamı

– aman vermədilər biri də qaça

Xocalı şəhid oldu, Xo-ca -…

Elə bil muncuq üzüldü sapınnan

topasına biçdilər xocalıları – topunan…

Xocalı! qətlinə fərman verənlər –cani!

bu zülmü görənlər — cani!

görüb-götürənlər – cani!

Amma göylər götürməyəcək bu qədər qanı and içirəm:

Tanrı canı…